အဲခါန်.သင့်(အဲခေါင်သောင့်)

မငြိမ်းချမ်းခဲ့တဲ့ တချိန်က ငြိမ်းချမ်းရေး

2012-02-16T03:39:00.000-08:00

ထူးစေး၊
အဲဒီတုန်းကတော့ အမှတ်တမဲ့ပါ။ ဒါပေမယ့် တချို့အမှတ်တမဲ့တွေဟာ အဖိုးတန်တဲ့ စာအုပ်တအုပ်က စာမျက်နှာတရွက်မှာ ရေးထားတဲ့ အကြောင်းအရာ တပိုဒ်လို့ ပြောရမှာပါ။တချိန်မှာ လိုအပ်လာတော့ ရှာကြဖွေကြ ပြန်လှန်ကြည့်ကြရတာပေါ့။ အခုလည်း အကြောင်း ဖန်လာလို့ အဲဒီအမှတ်တမဲ့တခုကို ပြန်ပြောင်းမြင်မိပါတယ်။

အဲဒီတုန်းကဆိုတာ ၂၀၀၀ – ၂၀၀၁ ခုနှစ် လောက်ကပါ။ ရန်ကုန်မြို့မှာ အလုပ်လိုက်ရှာနေတုန်း သူငယ်ချင်း တယောက်ရဲ့ အဆက်အသွယ်နဲ့ လက်နက်နဲ့ ငြိမ်းချမ်းရေး လဲလှယ်တဲ့ တပ်ဖွဲ့တဖွဲ့ထဲ ၀င်ရောက်ခဲ့ပါတယ်။ ဦးစောသမူဟဲ ဦးဆောင်တဲ့ (ဟောင်သရော အထူးဒေသ) ကရင်ငြိမ်းချမ်းရေး တပ်ဖွဲ့ပါ။ ဦးစောသမူဟဲ အဖွဲ့ဟာ KNU ကနေ ခွဲထွက်ပြီးတော့ ၁၉၉၇ ခုနှစ် ဖေဖေါ်ဝါရီလ ၁၄ ရက်မှာ စစ်အစိုးရကို လက်နက်ချခဲ့တဲ့ အဖွဲ့ဖြစ်ပါတယ်။
ကျနော်က ဟောင်သရောအထူးဒေသ တပ်ဖွဲ့ဝင်တွေ ရန်ပုံငွေအတွက် နောက်တန်းကနေ စီးပွားရေးလုပ်ကွက် ရှာပေးရတဲ့ ရန်ကုန် လှိုင်သာယာမြို့နယ် ကျန်စစ်သားအိမ်ရာက ရုံးချုပ်မှာ အလုပ်ရပါတယ်။ အဲဒီတုန်းက ဟောင်သရော အထူးဒေသ ကရင်ငြိမ်းချမ်းရေး တပ်ဖွဲ့ အတွင်းရေးမှူး မန်းအောင်တင်မြင့်က တပ်ဖွဲ့ စီးပွားရေး လုပ်ငန်းတော်တော်များများကို တာဝန်ယူထားတာပါ။ လက်နက်ချ ပြီးတဲ့နောက်ပိုင်း ဟောင်သရော အထူးဒေသ တပ်ဖွဲ့အတွက် အစိုးရက ကရင်ပြည်နယ်တ၀ိုက်မှာ လုပ်ကွက်တွေ ချပေးရာကနေ နှစ်နှစ်၊ သုံးနှစ် အတွင်းမှာပဲ ရန်ကုန်၊ မန္တလေး မြို့ကြီးတွေ အထိ စီးပွားရေး လုပ်ငန်းတွေ တိုးချဲ့လာခဲ့ကြပါတယ်။
တပ်ဖွဲ့အတွက် အဓိကလုပ်ရတဲ့ အလုပ်က ကျွဲ၊ နွားတွေကို ကယ်ရီ လုပ်ပေးရတာပါ။ ဧရာဝတီတိုင်းက မြို့ရွာတွေဆီက မှောင်ခို ကုန်သည်တွေရဲ့ ကျွဲတွေ၊ နွားတွေကို သင်္ဘောနဲ့ ရန်ကုန်ကနေ မြောင်းတကာမြို့အထိကို ပို့ပေးရတာပါ။ အဲဒီခရီးစဉ်တွေမှာ ကျနော်က ရုံးအဖွဲ့မှူးကိုယ်စား ရောင်းဝယ်ရေး တာဝန်ခံအဖြစ် လိုက်ပါရပါတယ်။ ဧရာဝတီတိုင်းမှာရှိတဲ့ မြို့ရွာအနှံ့ ရောက်ခဲ့သလို အဲဒီမြို့ရွာတွေက အစိုးရ ထောက်လှမ်းရေးမှူးတွေ၊ သက်ဆိုင်ရာ အာဏာပိုင်တွေနဲ့လည်း တွေ့ဆုံခဲ့ရပါတယ်။ သူတို့ကို အကြောင်းကြားပြီးမှ လမ်းကြောင်းကို သွားရတာပါ။ မြောင်းတကာရောက်တဲ့အထိကို တရွာဝင် တရွာထွက်နဲ့ စစ်ဆေးဂိတ်တွေမှာတော့ စာရွက်စာတမ်းထုတ်ပြ၊ ဒီထက်ပိုပြီး အစစ်ဆေးများလာရင် သူတို့လက်ထဲ ပိုက်ဆံထိုးထည့် နားလည်မှုတွေနဲ့ လုပ်ဖြစ် ကြတာပါ။ ရုံးအဖွဲ့မှူးကလည်း အဲဒီလိုပဲ မှာကြားထားတာပါ။
အဲဒီတုန်းက ကျွဲနွားကုန်သည်တွေက တနင်္ဂနွေနေ့တိုင်းဖွင့်တဲ့ မြောင်းတကာ နွားပွဲဈေးမှာ သွားရောင်းကြတော့ တပတ်မှာ တခေါက် ကယ်ရီလုပ်ဖြစ်ပါတယ်။ တပ်ဖွဲ့ ရန်ပုံငွေအတွက်လည်း တော်တော်လေးအဆင်ပြေနေတဲ့ အချိန်ပါ။ ကုန်သည် ပွဲစားတွေနဲ့ လုပ်ကွက် တခုခု ရှိလာပြီဆိုရင် ရုံးအဖွဲ့မှူးက ရန်ကုန်မြို့ ၈ မိုင်လမ်းဆုံက ဦးခင်ညွန့် ထိန်းချုပ်ခဲ့တဲ့ စစ်ထောက်လှမ်းရေး ရုံးချုပ်ကို စာသွားတင်ခိုင်းပါတယ်။ စာသွားတင်တိုင်း ကျနော်တို့ကို စစ်ထောက်လှမ်းရေးရုံးချုပ် အပေါက်ဝမှာ အကြိမ်ကြိမ် စစ်ဆေးပြီးမှ စာကို ဂိတ်ဝမှာပဲ ထားခဲ့ရပါတယ်။ အထဲကို ပေးမ၀င်ဘူး။
တနှစ်လောက် အကြာမှာတော့ ဧရာဝတီတိုင်းက ကျွဲတွေ၊ နွားတွေ ကုန်တော့မယ်၊ ကျွဲ နွားကုန်ကူးတာကို ရပ်လိုက်ပါ ဆိုပြီး ဧရာဝတီ တိုင်းမှူးက အကြောင်းကြားလာပါတယ်။ ရုံးအဖွဲ့မှူးက ကျွဲ နွားတွေ ၀ယ်ထားပြီးသားဖြစ်နေတာကြောင့် နောက်ဆုံးအကြိမ် ခွင့်ပြုဖို့ ဧရာဝတီတိုင်းမှူးကို တောင်းဆိုခဲ့ပါတယ်။ တိုင်းမှူးက ခွင့်ပြုလိုက်ပါတယ်။ အမြန်ဆုံး အဆုံးသတ်ဖို့ကို သတိ ထပ်ပေးလိုက်ပါတယ်။ တကယ်တမ်း ဒီအလုပ်က တပ်ဖွဲ့ လစဉ်ဝင်ငွေအတွက် အဆင်ပြေသလို ကျွဲ နွားမှောင်ခိုသမားတွေ အတွက်လည်း အမြတ်များများရတဲ့ အလုပ်ပါ။ ဧရာဝတီတိုင်းမှူးဆီကနေ တောင်းဆိုထားတဲ့ နောက်ဆုံး တချိန်က မှတ်မိသလောက်ဆိုရင် လေးကြိမ်မြောက်ပါ။
နောက်ဆုံးတခေါက်ဖြစ်တဲ့ လေးကြိမ်မြောက်မှာတော့ ကျနော်တို့ ဟိုင်းကြီးကျွန်းကိုသွားရပါတယ်။ ခရီးကတော်တော် ဝေးပါတယ်။ ဟိုင်းကြီးကျွန်းမှာရှိတဲ့ ရွာတွေကနေ ကျွဲ နွား စုစုပေါင်း ၂၄ ကောင် တင်လာခဲ့ပါတယ်။ ပုံမှန်အတိုင်း တွေ့နေကြ ဂိတ်တွေမှာ ဂိတ်ကြေး ကျပ်ငွေ ၂၀၀၀ ပေး၊ ညဘက်ဆိုတော့ တချို့နေရာတွေမှာ ဘယ်သူဘယ်ဝါတောင် မသိတော့ပါဘူး။ ကျွဲ နွားတင်လာတာကို မြင်ပြီး ငါတို့က ဒီရွာက ရာအိမ်မှူးတွေ ဆိုပြီး လမ်းကနေ ဖြတ်တောင်း၊ ကိုယ်ကလည်း ပြဿနာမတက်ချင်တာနဲ့ ကျပ် ၂၀၀၀ ပေးလိုက်ရပါတယ်။
ညောင်တုန်းမြို့ရောက်တော့ ည ၁၁ နာရီဝန်းကျင်ရှိနေပါပြီ။ ကုန်းပေါ်တက် နားပြီး ည ၁၂ နာရီကျော်လောက်မှာ ခရီးပြန်ဆက်ကြပါတယ်။ ညောင်တုန်းက ထွက်တဲ့ အချိန်မှာတော့ ကျွဲ နွားတင်လာတဲ့ သင်္ဘောက ကျနော်လိုက်ပါလာတဲ့ သင်္ဘောအပါအ၀င် ၃ စီး တွေ့ရပါတယ်။ တစီးက အစိုးရဆီက သားသတ်လိုင်စင်ရ ထားတဲ့ ညောင်တုန်းက ကုန်သည်တယောက်၊ နောက်တစီးက ဘာစာရွက်စာတမ်းမှမရှိဘဲ မှောင်ခိုသင်္ဘောလို့ သိရပါတယ်။
ထန်းတပင် မြို့နယ်အပိုင် မဲဇလီ ရောက်တော့ မနက် ၃ နာရီလောက် ရှိနေပါပြီ။ မြစ်ကမ်းဘေးမှာ အချက်ပြမီးတွေပြတဲ့ သူကပြ၊ ဓာတ်မီးထိုးပြီး အော်တဲ့သူကအော်၊ အသင့်စောင့်နေတဲ့ သင်္ဘောနှစ်စီးက ဘေးနားကပ်လာပြီးတော့ ကျနော်တို့ သင်္ဘောကို အတင်းရပ်ခိုင်းနေပါတယ်။ အဲဒါနဲ့ ရပ်ပေးလိုက်ပါတယ်။ ကမ်းဘေးမှာလဲ လူအယောက် ၃၀ လောက်ရှိမယ်၊ သေနတ်တွေလည်း တချို့မှာ ပါတယ်။ ပတ်ဝန်းကျင်က မှောင်နေတော့ သူတို့ ဓာတ်မီးအလင်းရောင်တွေပဲ မြင်ရတယ်။ လူနှစ်ယောက် ဓာတ်မီးတလက်စီနဲ့ သင်္ဘောပေါ် တက်လာပြီးတော့ ဒီသင်္ဘောကို ဘယ်သူတာဝန်ခံတာလဲတဲ့။ ကျနော်ပါလို့ ပြောလိုက်ပါတယ်။ ဘာအထောက်အထားရှိလဲ ပြခိုင်းတယ်။ ဒါနဲ့ ကျနော်က ရုံးအဖွဲ့မှူး ထုတ်ပေးတဲ့ စာရွက်စာတမ်းအားလုံး ထုတ်ပေးလိုက်တယ်။ သူက စာရွက်စာတမ်းတွေယူသွားပြီး ကျနော် အပါအ၀င် သင်္ဘောမှာပါလာတဲ့ ကျွဲ နွားပိုင်ရှင် ၅ ယောက်စလုံးကို အားလုံးဆင်းခဲ့ခိုင်းတယ်။ ကုန်းပေါ်ရောက်တော့ စာရွက်စာတမ်းတွေကို လူ ၃ ယောက် ၀ိုင်းကြည့်နေကြတယ်။ အဲဒီထဲက တယောက်က ညောင်တုန်းမြို့က ထောက်လှမ်းရေးမှူးဖြစ်နေပါတယ်။
ကျနော်က ဒါ ဟောင်သရော အထူးဒေသ ကရင်ငြိမ်းချမ်းရေး တပ်ဖွဲ့က ထုတ်ပေးထားတဲ့ စာရွက်စာတမ်းပါ၊ ဒီစာရွက် စာတမ်းတွေနဲ့ ဒီလမ်းကြောင်းမှာ သွားနေတာ တနှစ်တောင် ရှိတော့မယ်လို့ ပြောလိုက်ပါတယ်။ သူတို့ထဲက အသက်ကြီးကြီး တယောက်က ဒီစာရွက်တွေ တရားမ၀င်ဘူးတဲ့။ အဲဒါနဲ့ ကျနော်က ဒါ ဧရာဝတီတိုင်းမှာ သွားလာလို့ရအောင် ဧရာဝတီတိုင်းမှူး ကိုယ်တိုင် လက်မှတ်ထိုးပေးထာတဲ့ စာရွက်နဲ့ ရန်ကုန်မြို့ စစ်ထောက်လှန်းရေး ရုံးချုပ်က ဗိုလ်မှူးကြီးစန်ပွင့်က အလုပ်လုပ်ပိုင်ခွင့် လက်မှတ်ထိုးပေးတဲ့ စာရွက်စာတမ်းတွေပါ၊ ဘာဖြစ်လို့ တရားမ၀င်တာလဲ လို့ ပြန်မေးလိုက်တယ်။ မရဘူး၊ ခင်ဗျားတို့ တရား မ၀င် ကန့်သတ်ပစ္စည်းတွေကို သယ်ဆောင်တဲ့အတွက် ခင်ဗျားတို့ကို တရားစွဲမယ်။ စခန်းလိုက်ခဲ့ပါတဲ့။
နောက်မနက်မှာပဲ လူ ၆ ယောက်၊ ကျွဲ နွား ၂၄ ကောင်၊ သင်္ဘောတစီး အဖမ်းခံ လိုက်ရပါတယ်။ အဲဒီကတည်းက ဧရာဝတီတိုင်းမှာ ဟောင်သရော တပ်ဖွဲ့ရဲ့ လုပ်ကွက်တခုဖြစ်တဲ့ ကျွဲ နွားကယ်ရီအလုပ်ကို အစိုးရက ဖျက်သိမ်းလိုက်ပါတော့တယ်။
အဲဒီကာလက စစ်အစိုးရ အဓိကဦးစားပေးထားတာ ငြိမ်းချမ်းရေးအဖွဲ့ ၁၇ ဖွဲ့ ရှိတယ်။ ပထမက ၀ တပ်ဖွဲ့၊ ဒုတိယ DKBA နဲ့ တတိယက ဟောင်သရောအဖွဲ့ပါ။ ၂၀၀၀ ပြည့်နှစ်လောက်က ဗိုလ်မှူးကြီးစန်းပွင့် ပြောခဲ့ဖူးတာ ရှိပါတယ်။ ဒီငြိမ်းချမ်းရေးအဖွဲ့တွေကို သူတို့ တတ်နိုင် သလောက် လုပ်ကွက်တွေ ပေးထားတယ်။ ဒါပေမယ့် ဘောင်ထဲကနေကျော်ပြီး လုပ်မယ်ဆိုရင်တော့ ဘယ်အဖွဲ့မဆို အချိန်မရွေး ဖမ်းလို့ရတယ်လို့ ဟောင်သရော အထူးဒေသ တပ်ဖွဲ့ရဲ့ စီးပွားရေးတာဝန်ခံ ရုံးအဖွဲ့မှူးကို ရန်ကုန် ၈ မိုင်က စစ်ထောက်လှမ်းရေးရုံးချုပ်မှာ ခေါ်ပြော ခဲ့တာလည်း ရှိပါတယ်။
အဲဒီတုန်းက စစ်အစိုးရက လက်နက်ကိုင် တိုင်းရင်းသားတွေနဲ့ ငြိမ်းချမ်းရေးယူတော့လည်း သူ၊ အလုပ်လုပ်ပိုင် ခွင့်တွေပေး တော့လည်းသူ၊ နောက် ဘောင်ကျော်တယ်ဆိုတဲ့ အကြောင်းပြချက်နဲ့ ပြန်ပြီးဖမ်းဆီးတော့လည်း သူပဲလို့ ပြောချင်ပါတယ်။
အခုဆိုရင် သမ္မတ ဦးသိန်းစိန် အစိုးရက ကရင် အမျိုးသားအစည်းအရုံး (KNU) အပါအ၀င် တိုင်းရင်းသား လက်နက်ကိုင် အဖွဲ့တွေနဲ့ အပစ်ရပ်ဖို့သဘောတူ လက်မှတ်ရေးထိုးတာတွေ စတင်နေပါပြီ။ တိုင်းရင်းသားတွေ အလိုချင်ဆုံးအရာက စာရွက်ပေါ်မှာ လက်မှတ်ထိုးပြီး အချိန်မရွေး လုပ်ချင်ရာ ပြန်လုပ်မယ် ဆိုတဲ့ ဥပဒေမဲ့ သဘောတူညီချက် မဟုတ်ပါဘူး။ လက်သင့်ရာ စားတော်ခေါ်တဲ့ ပုံစံနဲ့ မတူညီတဲ့ မက်လုံးတွေ၊ အခွင့်အရေးတွေ ပေးတာမျိုးကိုလည်း မလိုချင်ပါဘူး။ တရားဥပဒေစိုးမိုးတဲ့ တကယ့် အစစ်အမှန် ငြိမ်းချမ်းရေးကို တိုင်းရင်းသားတိုင်း လိုချင်ပါတယ်။ နိုင်ငံသားတိုင်း ရပိုင်ခွင့်ရှိတဲ့ တန်းတူညီမျှတဲ့ အခွင့်အရေးတွေကို တိုင်းရင်းသား အားလုံး ညီညီမျှမျှ ရနိုင်ပါစေလို့ မျှော်လင့်ရင်း တချိန်က စစ်ထောက်လှမ်းရေးခေတ်မှာ ကိုယ်တိုင် အစက်အပြောက်ကလေး အဖြစ် ပါဝင်ခဲ့ရတဲ့ ငြိမ်းချမ်းရေး ကာလအကြောင်း ပြန်လည် မျှဝေလိုက်ပါတယ် ထူးစေး။ ဧရာဝတီမှ

ဝန်ကြီး ဦးအောင်မင်းကို သက်သေအဖြစ် မန်းငြိမ်းမောင် အမှုတွင် ဆင့်ခေါ်လို

2012-02-16T02:01:00.000-08:00

ကရင်အမျိုးသား အစည်းအရုံး (KNU) ဗဟိုကော်မတီဝင် ဖဒိုမန်းငြိမ်းမောင်အမှုအတွက် တရားခံပြ သက်သေအဖြစ် မီးရထားဝန်ကြီး ဦးအောင်မင်းအပါအဝင် အစိုးရ အရာရှိ ၈ ဦးကို ဆင့်ခေါ်ပေးရန် တရားရုံးသို့ တင်ပြထားကြောင်း ရှေ့နေဦးကြီးမြင့်က ပြောသည်။ ဖဒိုမန်းငြိမ်းမောင် အင်းစိန်ထောင်တွင်ရှိစဉ် ဦးအောင်မင်း စေလွှတ်သည့် အရာရှိများ လာရောက်တွေ့ဆုံပြီး KNU နှင့် အစိုးရအကြား ငြိမ်းချမ်းရေး အကြံဉာဏ်များ တောင်းခံဖူးသည့်အတွက် ယခုကဲ့သို့ တောင်းဆိုခြင်းဖြစ်ကြောင်း သိရသည်။
ဧရာဝတီမှ

ငြိမ်းချမ်းရေး ပွဲစား

2012-02-15T01:19:00.000-08:00

ညိုအုံးမြင့်ဟာ အမျိုးသားဒီမိုအရေစီ အဖွဲ့ချုပ် (ပြည်ပ) ရဲ့အားထားရတဲ့ အင်္ဂလိပ်စာတတ်တဦး ဖြစ်ပါတယ်။ ညိုအုံးမြင့် ရဲ့ ဖခင် ဦးအုံးမြင့်ဟာ မြန်မာ့ဆိုရှယ်လစ်လမ်းစဉ်ခေတ်မှာ ကယ်ဆယ်ရေးနဲ့ ပြန်လည်နေရာချထားရေး ဦးစီးဌာနရဲ့ ညွှန်ကြားရေးမှူးချုပ် တဦးပါ။ ဦးအုံးမြင့်ဟာ လူသတ်ကောင် စစ်ထောက်လှမ်း ရေးဗိုလ်မှူးချုပ် မျက်မှန်တင်ဦး ရဲ့ ဆွေ မျိုးသားချင်းတဦးလဲ ဖြစ်ပါတယ်။

ရခိုင်ပြည်နယ်မှာ ၁၉၇၀ ပြည့်နှစ် ပတ်ဝန်းကျင်လောက်မှာ လေဘေးမုန်တိုင်းကြောင့် ရခိုင်လူမျိုးများ ဒုက္ခအကြီးအကျယ် ကျရောက်ခဲ့ပါတယ်။ အဲဒီတုန်းက ရခိုင်ပြည်နယ် စစ်တိုင်းမှူးနဲ့ ဒေသ ပါတီ ဥက္ကဋ္ဌ ဗိုလ်မှူးချုပ်ဝမ်းတင် ဟာ ကမ္ဘာ အရပ် ရပ်က စေတနာရှင်တွေရဲ့ ငွေအား ပစ္စည်းအားနဲ့ ကူညီထောက်ပံ့တာတွေကို ကယ်ဆယ်ရေးနဲ့ ပြန်လည်နေရာချထား ရေး ဦးစီးဌာနက ညွန်ကြားရေးမှူးချုပ် ဦးအုံးမြင့်နဲ့အတူ လက်ခံကြီးကြပ် ခဲ့ရပါတယ်။ စေတနာရှင်များ လှူဒါန်းတဲ့အထဲ မှာ အများတကာ ပြောဆိုကြတဲ့ ဗေထုပ်ဆိုတဲ့ အ၀တ်အစား အသစ်နဲ့ အဟောင်းများအပြင် တခြားအဖိုးတန် အသုံး ဆောင်ပစ္စည်းများလဲ ပါဝင်ပါတယ်။ ပလပ်စတစ် ရေသန့် ဂါလံဝင် ပုံးများလဲ ပါဝင်ပါတယ်။ နောင်မှာ အဲဒီရေပုံးတွေကို ဝမ်းတင် ရေပုံးဆိုပြီး လူသိများပါတယ်။ ဗေထုတ်များကတော့ ကယ်ဆယ်ရေး အုံးမြင့် ဗေထုပ်လို့ လူသိများပါတယ် ။

ဗိုလ်မှူးချုပ် ၀င်းတင်ကို လေမုန်တိုင်း ကယ်ဆယ်ရေး ပစ္စည်းများကို ကိုယ်ကျိုးအတွက် အလွဲသုံးစားမှုကြောင့် ရွှေချောင်း ကြီးများ၊ ငွေသားများ၊ နိုင်ငံခြားငွေ (ဒေါ်လာ) များနှင့် အတူ ဖမ်းစီးရမိလို့ ထောင်ဒဏ်အပြစ်ပေးခံရပါတယ်။ ဦးအုံးမြင့် ဟာလဲ ဗိုလ်မှူးချုပ် ၀င်းတင်နှင့် ပုလင်းတူ ဗူးဆို့ ဆိုပြီး အိမ်တွင်လာ ရောက် ဖမ်းစီး သွား ခဲ့ ပါတယ်။ ဖမ်းတဲ့နေ့ဟာ
နိုင်ငံတော် သမ္မတကြီးရဲ့ လွတ်လပ်ရေးနေ့ ညစာစားပွဲကို တက်ရောက်ရန် တောင်ရှည်ပုဆိုးနဲ့ ခေါင်းပေါင်းပေါင်းကာ အိမ်ကအဆင်းမှာ အဆိုပါ အလွဲ သုံးစားမှုကြောင့် ဖမ်းစီးခံခဲ့ရပါတယ်။

မျက်မှန် ဗိုလ်မှူး ချုပ်တင် ဦးက ဦးအုံး မြင့်အား သြစတေးလျ နိုင်ငံဆိုင်ရာ မြန်မာသံအမတ်ကြီး ရာထူးကို ခန့်အပ်ရန် လျာထားပြီးတဲ့ အချိန်ကာလ ဖြစ်ပါတယ်။ သံ အမတ်ကြီး ရာထူးမရဘဲ စစ်ထောက်လှမ်းရေး စစ်ကြောရေးစခန်းသို့ ရောက်သွားခဲ့ရတဲ့ ညိုအုံးမြင့်၏ ဖခင် ဦးအုံးမြင့် ရဲ့ ဘ၀တစိတ်တပိုင်းမျှသာ ဖြစ်ပါတယ်။
ယခု စစ်တပ်ကြောထောက်နောက်ခံ ပြုထားတဲ့ ပြည်ခိုင်ဖြိုး အစိုးရရဲ့ ပြည်ထောင်စု မီးရထားဝန်ကြီး ဦးအောင်မင်းဟာ လဲ ထောက်လှမ်းရေး မျက်မှန်တင်ဦး ရဲ့ တပည့်တဦးပဲ ဖြစ်ပါတယ်။

ဦးအောင်မင်းဟာ လဲ မီးရထား စက်ခေါင်းတလုံးကို နိုင်ငံခြားက ၀ယ်ယူတိုင်း အမေရိကန်ဒေါ်လာ သုံးလေးသောင်း ကော်မရှင်ယူပြီး နိုင်ငံခြားမှာ သိမ်းဆည်းထားသူ ဖြစ်ပါတယ်။ မီးရထား ဇလီဗာတုံးနဲ့ သံလမ်းဝယ်ရာက ခိုးဝှက်ထားတာ လဲ သားစဉ်မြေဆက် ဆယ်ဆက်စာ စားမကုန်အောင် ရှိနေပါတယ်။ ဦးအုံးမြင့် ကဲ့သို့ တောင်ရှည်ပုဆိုးနဲ့ ခေါင်းပေါင်း ပေါင်းပြီး ထောင်နန်းစံရမဲ့ သူခိုးတဦးသာ ဖြစ်ပါတယ်။ စစ်မှန်တဲ့ ငြိမ်းချမ်းရေးကို ဖော်ဆောင်နိုင်မယ့်သူ မဟုတ်ပါဘူး။

ညိုအုံးမြင့်နဲ့ အောင်မင်းတို့ဟာ မြန်မာ့သမိုင်းမှာ ယုံကြည်ချက်ကြောင့် အကျဉ်းကျခံရသူများအပေါ် လူသားမဆန်စွာ ညှဉ်းပန်းနှိပ်ဆက်ခဲ့သူ မျက်မှန်တင်ဦးရဲ့ မျိုးဆက်များသာဖြစ်ပြီး ယခု မသူတော်အချင်းချင်း အပေါင်အသင်း လုပ်ဖော် ကိုင်ဖက် ဖြစ်နေကြပါတယ်။

ဒီပဲယင်း လူသတ်သမားနဲ့ သူခိုးကြီး ဦး အောင်သောင်းက သောင်းကျန်းသူများကို အောင်နိုင်ဖို့နဲ့ သူခိုးကလေး ဦးအောင် မင်းက လူမျိုးစု မင်းအသီးသီးကို အောင်နိုင်ဖို့အတွက် ဗေဒင်ကိန်းခန်းအရ တပ်ချုပ်ကြီးက တာဝန်ပေးထားတယ် ဆို တော့ ပြည်တွင်းငြိမ်းချမ်းရေး က မျှော်လေတိုင်း ဝေးသလို ဖြစ်နေပါတယ်။
တိုင်းရင်းသား အချင်းချင်းနဲ့ နိုင်ငံရေး လှုပ်ရှားသူအချင်းချင်း အကွဲအပြဲဖြစ်အောင် ဒီငြိမ်းချမ်းရေး ဖော်ဆောင်ရေး ခေါင်း ဆောင် ဦးအောင်သောင်းနဲ့ ဦးအောင်မင်းတို့ သပ်လျှိုကြံစီနေတာကို အထူးသတိထားကြပါရန် စေတနာနဲ့ ရေးသား တင် ပြလိုက်ရခြင်း ဖြစ်ပါတယ်။

တိုင်းရင်းသား အချင်းချင်းနဲ့ နိုင်ငံရေးလှုပ်ရှားသူ အချင်းချင်းတို့ စိတ်ဝမ်းမကွဲပြားစေလိုပါ။ မြန်မာနိုင်ငံ ထာဝရ ငြိမ်းချမ်း ရေးအတွက် အကျင့်သိက္ခာ ပညာ ပြည့်စုံသူများ ဦးဆောင်မှသာ တိုင်းသူပြည်သားများ လိုလားတောင်းတနေသည့် တိုင်းပြည်ငြိမ်းချမ်းရေးနဲ့ တိုင်းပြည့် ဖွံ့ဖြိုးသာယာရေးကို ရရှိနိုင်မည်ဟု ယုံကြည်လျှက်ပါ။

စိုးသီဟဦး (ပြည်ချစ်လူငယ်တဦး)
နေ့သစ်မှ ကူးယူသည်။

ပဒိုမန်းရှာ ၄နှစ်ပြည့် အောက်မေ့ဖွယ်နေ့တွင် ဖန်းဖောင်ဒေးရှင်းမှ ကြေညာချက် ထုတ်ပြန်

2012-02-15T01:00:00.000-08:00

Padoh Mahn Sha’s Legacy Lives On Through Phan Foundation

Four years ago today Padoh Mahn Sha Lah Phan was assassinated by agents of the dictatorship in Burma. His killers have still not been brought to justice.

Padoh Mahn Sha’s legacy lives on however, through the work of the Phan Foundation.

The Foundation was set up in memory of both Padoh Mahn Sha and his wife, Nant Kyin Shwe, by their four children.

Since the Foundation was established, it has given grants to young people to enable them to receive an education. We have given the Padoh Mahn Sha Young Leader Award every year, recognising and encouraging young people helping their communities. It comes with a grant that has been used to fund community projects, including an orphanage deep inside Karen State, and further education for students.

The Phan Foundation has also provided funding for emergency aid to Karen people who have fled attacks by the Burmese Army, and clothing for internally displaced people.

We have now started provided salaries for teachers through the Karen Education Department, and we support Kwekalu, a newspaper and website which provides news, education, and cultural information. We support the European Karen Network in its work in Europe raising awareness about human rights situation in Burma. We support Karen Student Network Group through it’s Student’s Friends magazine. We also help fund a community run orphanage in Doo Tha Tu District in Karen State in Burma.

All these grants make a real difference to people’s lives, but they are all small scale. With more money, we can help more people, and make more of a difference.

On the fourth anniversary of the assassination of Padoh Mahn Sha Lah Phan, we ask that you make a donation to the Phan Foundation, helping to ensure that his legacy lives on, helping a new generation of people to fight poverty, provide education, promote human rights and protect Karen culture.

You can donate online at www.phanfoundation.org

Note to editor: The Padoh Mahn Sha Young Leader award for 2011 will be announced at the Karen Worldwide Conference which will take place between 27th February-1st March 2012.

------
Bwa Bwa Phan
Founder & Director
Phan Foundation
28 Charles Square
London
N1 6HT
United Kingdom

Tel.: +44 (0)7739872481
Email: bwabwa.phan@phanfoundation.org
Web: www.phanfoundation.org

ပဒိုမန်းရှာ ကိုယ်ရေးအကျဉ်းနှင့် သူရေးခဲ့သည့် နာမည်ကြီး ကဗျာ

2012-02-14T04:18:00.000-08:00

ဖဒိုမန်းရှာလဖန်းသည် ဧရာဝတီတိုင်း ပန်းတနော်မြို့နယ်သားဖြစ်ပြီး ၁၉၆၂ ခုနှစ် ဇူလိုင်(၇) ရက်အရေးတော်ပုံပေါ်ပေါက်ချိန်၌ ရန်ကုန်တက္ကသိုလ်တွင် ကျောင်းတက်နေဆဲ ကျောင်းသားတစ် ဦးဖြစ်သည်။ ၁၉၆၄ ခုနှစ်တွင် ရန်ကုန်တက္ကသိုလ်မှ ၀ိဇ္ဇာဘွဲ့ရရှိပြီး ၁၉၆၅ ခုနှစ်တွင် ကရင်တော် လှန်ရေးနယ်ပယ်သို့ ခြေစုံပစ်ဝင်ရောက်ခဲ့သည်။ ၁၉၆၆ ခုနှစ်တွင် ထိုစဉ်က KNU အထွေထွေ အတွင်းရေးမှုး ဖဒိုစကောလယ် ထောနှင့်အတူ တရုပ်ပြည်နယ်စပ်နှင့် ရှမ်းပြည်ဒေသများ သို့ကွင်းဆင်း စည်းရုံးရေး၌ လိုက်ပါခဲ့သည်။ ၁၉၇၅ ခုနှစ်၌ KNUP နှင့် KNU တို့ပေါင်းစည်း ညီညွတ်ရေး လုပ်ပြီးချိန်၌ ညောင်လေးပင်ခရိုင်၌ တာဝန်ကျပြီး ခရိုင်တွဲဖက် အတွင်းရေးမှုး တာဝန်ထမ်းဆောင်ခဲ့သည်။ (၁၉၇၆ - ၇၇ - ၇၈ )ခုနှစ်များတွင် KNLA တပ်မတော်နှင့်အတူ တသားထဲ နေထိုင်ခဲ့သည်။ (၂၀၀၀) ခုနှစ် KNU ကွန်ဂရက်မှ စတင်ကာ အထွေထွေ အတွင်းရေးမှုးအဖြစ် ရွေးချယ်ခြင်းခံရကာ လုပ်ကြံခံ ရချိန် (ယနေ့) အထိတာဝန် ထမ်းဆောင်ခဲ့သည်။ ကွယ်လွန်ချိန်၌ အဝေးရောက်နေသော အင်္ဂလန်နိုင်ငံနေ ဇိုရာဖန်းအပါအ၀င် သားသမီးလေးဦးကျန်ရှိခဲ့ပြီး ဇနီးဖြစ်သူ နန့်ရွှေကျင်မှာ လွန်ခဲ့သော သုံးနှစ်ကျော်ကကွယ်လွန်ခဲ့ သည်။
ဖဒိုမန်းရှာသည် ၁၉၆၂ ခုနှစ်တွင် ရန်ကုန်တက္ကသိုလ် သို့စတင်ပညာသင်ကြားခဲ့ပြီး ၁၉၆၆ တွင်သမိုင်းဘာသာရပ်ဖြင့် ဘွဲ့ ရရှိကာ ကရင်တော်လှန်ရေး တွင် ပါဝင်ခဲ့သူဖြစ်သည်။ရန်ကုန်တက္ကသိုလ်ရှိ ကျောင်းသားသမဂ္ဂအဆောက်အဦးကြီးကို ဖြိုဖျက်ကာ ကျောင်းသားများကို နှိပ်ကွပ်သည့် ၁၉၆၂ ဆဲဗင်းဇူလိုင်နှင်ကြုံခဲ့သည့် ဖဒိုမန်းရှာသည်ရေဆန် ဟူသော ကလောင်အမည်ဖြင့် စာများ ကဗျာများ ရေးသားခဲ့သည်။

ပဒိုမန်းရှာရေးသားသည့် နာမည်ကြီးကဗျာတပုဒ်
ချစ်သမီးသို့

သမီးရေ…
ဂန္ထ၀င်ခရီးမှာ
နေ့ခရီးကြောင်တောင် နေရောင်ခြည်အောက်
တောင်မြောက်ဘယ်မှာ မသိပါ၍
ရပ်နေသူလည်းရှိပါသည်။

ညဉ့်နက်သန်းခေါင် လမ်းစမှောင်လည်း
တောင်မြောက်သေချာ သိနေပါ၍
လိုရာသွားနေသူများလည်း ရှိပါသည်၊

လေပြင်းအတိုက် လှိုင်းအရိုက်မှာ
ငိုရှိုက်အော်မြည် ဆောက်တည်ရာမဲ့
လွင့်ပျက်နေသူများလည်း ရှိပါသည်၊

မုန်တိုင်းကထန် လှိုင်းကထန်လည်း
ရေဆန်လေကြမ်း ခရီးလမ်းကို
ဖြတ်သန်းနေသူတွေလည်း ရှိပါသည်၊

သမီးရေ--
စေတနာနှင့် အသိ
သတိနှင့်သီလ၊ ၀ီရိယနှင့် ပညာ
သစ္စာနှင့် သမာဓိ၊ သတ္တိနှင့် စွန့်လွတ်မှု
အရင်းပြု ခရီးနှင် ဂန္ထ၀င်ရက်မြတ်
ရဲရဲမြတ်လော့ သမီး-----။

ရေဆန်(ပဒိုမန်းရှာလာဖန်း)

ဒီကေဘီအေ အပေါ် ပဒိုမန်းရှာလားဖန်း ထားရှိခဲ့သည့် သဘောထား

2012-02-14T03:00:00.000-08:00

၁။ ကေအဲန်ယူကို မဆန့်ကျင်ရ။

၂။ ကရင်ပြည်သူကို ဖိနှိမ့်အနိုင်မကျင့်ရ။

၃။ နအဖခိုင်းတာကို မလုပ်ရ။

၎။ မူးယစ်ဆေးဝါးမလုပ်ရ။

အထက်ပါ အချက်လေးချက်ကို ဒီကေဘီအေမှ လိုက်နာလျှင် ကေအဲန်ယူနှင့် ပြန်လည် ပေါင်းထုတ်နိုင်သည်ဟု ၆ကြိမ်မြောက် ကရင်စည်းလုံး ညီညွတ်ရေး နှီးနှောဖလှယ်ပွဲ (၂၀၀၈ခုနှစ်) တွင် စာရေးသူ မေးသည့်မေးခွန်းကို ပုံပါအတိုင်း ပဒိုမန်းရှာလားဖန်းက ပြန်လည်ဖြေကြားခဲ့သည့် အချက်များ ဖြစ်သည်။

(စာရေးသူ ထပ်မံ ဖြည့်စွက်ချက်- လွန်ခဲ့သည့် နှစ်က နယ်ခြား စောင့်တပ် မပြောင်းလိုသည့် ဒီကေဘီအေ အချို့ အထက်ပါ အချက် လေးချက်ကို လိုက်နာ ကျင့်ကြံခဲ့ကြပြီး လက်အောက်ခံ ကေအဲန်ယူ တပ်ဖွဲ့ဝင်များနှင့် ပင် လက်တွဲ တိုက်ပွဲ ၀င်ခဲ့သော်လည်း ကေအဲန်ယူနှင့် ဘာကြောင့် မပေါင်းထုတ် နိုင်ခဲ့ကြသနည်း ????????? ????????)

အမျိုးသား ညီညွတ်ရေးသို့
အဲခေါင်သောင့်

ဘားအံမြို့တွင် ကျင်းပသည့် ကရင့် ရိုးရာ ကောက်သစ်စားပွဲနှင့် ကရင့်ရေးရာ စကားဝိုင်း (ဓါတ်ပုံ)

2012-02-14T02:37:00.000-08:00

ကရင်ပြည်နယ်၊ ဘားအံမြို့၊ သုမေဓါရာမတောရကျောင်းတွင် ၂၀၁၂ခုနှစ် ဖေဖော်ဝါရီလ ၁၀ရက်နေ့မှ ၁၁ရက်နေ့အထိ ၂ရက်ကြာ ကျင်းပြုလုပ်ခဲ့ကြသည့် ကရင့်ရိုးရာ ကောက်သစ်စားပွဲနှင့် ကရင့်ရေးရာ စကားဝိုင်း မှတ်တမ်း ဓါတ်ပုံများ။ (ဓါတ်ပုံ-ကေအိုင်စီ)

ကျနော်တို့ အသည်းပြင်မှာ သူတို့နှလုံးသွေးများနဲ့ ရေးသွားခဲ့ကြလေပြီ

2012-02-13T07:28:00.000-08:00

ပဒိုမန်းငြိမ်းမောင် ရေးသည်။

ကေအန်ယူ ကရင် အမျိုးသား အစည်းအရုံး အထွေထွေ အတွင်းရေးမှူး ပဒိုမန်းရှာ လားဖန်းဟာ မသမာ သူလူ တစုရဲ့ လုပ်ကြံ သတ်ဖြတ် မှုကြောင့် (၁၄-၂-၀၈) ခုနှစ် ညနေ (၄) နာရီ (၂၀) မိနစ် အချိန် လောက်မှာ သူရဲ့နေအိမ်မှာ ရုတ်တရက် ကွယ်လွန် သွားခဲ့ရပါတယ်။ ပဒိုမန်းရှာ လားဖန်း ရုတ်တရက် ကွယ်လွန် သွားခြင်းဟာ ကရင့် တော်လှန်ရေးနဲ့ ကရင် တမျိုးသား လုံးအတွက် ကြီးမားတဲ့ ဆုံးရှုံးမှုတရပ် ဖြစ်ပါတယ်။

တနည်းအားဖြင့် ပြောမယ်ဆိုရင် စစ်အာဏာရှင်စနစ်အောက်က လွတ်မြောက်ရေးအတွက် တိုက်ပွဲဝင်နေကြတဲ့ ဗမာပြည်အဖိနှိပ်ခံတိုင်းရင်းသားလူမျိုးစုံ ပြည်သူတရပ်လုံးရဲ့ ကြီးမားတဲ့ ဆုံးရှုံးမှုတရပ်ဖြစ်ပါတယ်။

မန်းရှာလားဖန်းကို ၁၉၄၃ ခုနှစ် ဇူလိုင်လ (၅) ရက်နေ့မှာ ဧရာဝတီတိုင်း၊ ပန်းတနော်မြို့နယ်၊ တောကျောင်းရွာမှာ အဖ မန်းဘသော်၊ အမိ ဂါ့နမ်တင်တို့က မွေးဖွားခဲ့တယ်။ မွေးချင်းမောင်နှမ သုံးယောက်အနက် ဒုတိယမြောက်သား ဖြစ်တယ်။ ကရင့်လက်နက်ကိုင်တော်လှန်ရေး စတင်ခဲ့တဲ့ ၁၉၄၉ ခုနှစ်မှာ မန်းရှာဟာ (၆) နှစ်သားအရွယ် လူမမယ် သိတတ်စအရွယ် ရှိပါသေးတယ်။

မြစ်ဝကျွန်းပေါ်တိုင်းဟာ ကရင်အမျိုးသားတွေနဲ့ ဗမာအမျိုးသားတွေဟာ ရှေးအစဉ်အဆက်ထဲက အတူတကွ ရောနှောနေထိုင်ခဲ့ကြတဲ့ ဒေသကြီးတခုလည်းဖြစ်ပါတယ်။ ချစ်ချစ်ခင်ခင်နဲ့ အပြန် အလှန် ကူးလူးဆက်ဆံမှုတွေ ရှိခဲ့ပါတယ်။

ကရင့်တော်လှန်ရေးစတင်တာနဲ့ တပြိုင်တည်းမှာ ဖဆပလအစိုးရဟာ ကရင်-ဗမာလူမျိုးရေး အဓိကရုဏ်းကို ဖန်တီးပြီးတော့ ကရင့်တော်လှန်ရေးကို လမ်းမှားရောက်အောင် တွန်းပို့ခဲ့ပါတယ်။ လူမျိုးရေးအဓိကရုဏ်းရဲ့ ဆိုးရွားတဲ့ဒဏ်ကို မြစ်ဝကျွန်းပေါ်မှာနေထိုင်ကြတဲ့ ကရင့်အမျိုးသားတွေနဲ့ ဗမာအမျိုးသားတွေဟာ ကြီးမားဆိုးရွားစွာ ခံခဲ့ကြရပါတယ်။ အစဉ်အဆက်က ရှိခဲ့ကြတဲ့ ချစ်ခင် ရင်းနှီးမှုတွေ ရုတ်တရက် ပျောက်ကွယ်သွားပြီးတော့ အမုန်းတရားတွေဟာ ဘယ်ကနေဘယ်လို ရောက်လာမှန်းတောင် မသိလိုက်ကြတော့ပါဘူး။ ကရင်ရွာ ဗမာရွာ အပြန်အလှန်မီးရှို့ကြတယ်။ ကရင်-ဗမာ အပြန်အလှန်သတ်ကြတယ်။ မြစ်ချောင်းအင်းအိုင်ပေါများတဲ့ မြစ်ဝကျွန်းပေါ်ဒေသ မြစ်ရိုးချောင်းရိုးတလျှောက်မှာ အပြစ်မဲ့တဲ့ ကရင်ပြည်သူတွေ ဗမာပြည်သူတွေရဲ့ အလောင်းဟာ ဒီရေအတက်အကျမှာ စုန်ဆန်မျောခဲ့ကြပါတယ်။

မန်းရှာတို့ တောကျောင်းရွာကြီးဟာလည်း မီးရှို့ခံရပြီးတော့ ရွာသူရွာသားတွေဟာ ကိုယ်လွတ်ရုန်းပြီး ထွက်ပြေးတိမ်းရှောင်ရပါတယ်။ အဲဒီအချိန်တုန်းက မန်းရှာတို့အဖေဟာ ကရင့်တော်လှန်ရေးကို အားပေးကူညီမှုနဲ့ အဖမ်းဆီးခံနေရတဲ့အတွက် မန်းရှာမိခင်ကြီးဟာ သူတို့မောင်နှမ သုံး ယောက်ကို စောင့်ရှောက်ထွက်ပြေးခဲ့ရပါတယ်။ မန်းရှာတို့ မိခင်ကြီးဟာ ခြေထောက်မှာ ငုတ်စူးတဲ့ ဒဏ်ရာရရှိခဲ့ပါတယ်။ သူ့ညီမလေးဟာ ပြေးရင်းလွှားရင်း ကျောက်ကြီးရောဂါပေါက်ပြီး လမ်းမှာ ကွယ်လွန်ဆုံးပါးသွားခဲ့ရပါတယ်။

ကရင့်တော်လှန်ရေးရဲ့ လှိုင်းဂယက်တွေ ပြည်တွင်းစစ်နဲ့ လူမျိုးရေးအဓိကရုဏ်းရဲ့ ဆိုးရွားတဲ့ ဒဏ်တွေဟာ သိတတ်စလူမမယ် မန်းရှာရဲ့ ဦးနှောက်နဲ့ နှလုံးသားမှာ စွဲထင်ကျန်ရစ်ခဲ့တယ်လို့ ဆိုနိုင်ပါတယ်။ ၁၉၅၉-၆၀ ခုနှစ်မှာ ပန်းတနော်မြို့နယ် ယင်းတိုက်ကုန်းအလယ်တန်းကျောင်းမှာ မူလတန်းနဲ့ အလယ်တန်းပညာကို သင်ယူခဲ့တယ်။ ပန်းတနော်အထက်တန်းကျောင်းမှာ (၈) တန်း အောင်ပြီးတော့ ရန်ကုန်မြို့မှာ အထက်တန်းအောင်မြင်ခဲ့တယ်။

၁၉၆၂ ခုနှစ်မှာ ရန်ကုန်တက္ကသိုလ်မှာ တက်ရောက်ပညာသင်ကြားတဲ့နှစ်မှာပဲ ဆဲဗင်းဇူလိုင်အရေး တော်ပုံမှာ ပါဝင်လှုပ်ရှားခဲ့ပါတယ်။ ၁၉၆၆ ခုနှစ်မှာ တက္ကသိုလ်ဝိဇ္ဇာတန်းကို သမိုင်းအဓိကဘာသာနဲ့ ဘွဲ့ရရှိခဲ့ပါတယ်။

သူဟာ တက္ကသိုလ်မှာ ပညာသင်ကြားနေစဉ်မှာပဲ ၁၉၆၃ ခုနှစ် နှစ်ကုန်ပိုင်းလောက်မှာ ကရင် အမျိုးသားအစည်းအရုံး ကေအန်ယူနဲ့ ဆက်သွယ်မိပြီး ၁၉၆၆ ခုနှစ်အထိ ကေအန်ယူရဲ့ မြေအောက်လှုပ်ရှားမှု တာဝန်တွေကို ထမ်းဆောင်ခဲ့တယ်။

၁၉၆၇ ခုနှစ်မှာ ပဲခူးရိုးမ ကရင့်တော်လှန်ရေးနယ်မြေကို ရောက်ရှိပြီး ကရင်အမျိုးသားအစည်းအရုံးရဲ့ တာဝန်တွေကို ထမ်းဆောင်ခဲ့တယ်။ ၁၉၆၈ ခုနှစ်မှာ ကေအန်ယူပီပါတီ ဗိုလ်မှူးဘောဒွင် ဦးဆောင်တဲ့ တံခွန်နီစစ်ကြောင်းမှာ မန်းရှာ ပါဝင်ခဲ့တယ်။ တံခွန်နီစစ်ကြောင်းဟာ ရှမ်းပြည်နယ် အလယ်ပိုင်းလောက်သာ ရောက်ခဲ့ပါတယ်။ ရန်သူပိတ်ဆို့မှုတွေကြောင့် ရှေ့ဆက်ချီတက်လို့ မရဘဲ ပြန်လှည့်လာခဲ့ရပါတယ်။ ဗိုလ်မှူးဘော်ဒွင်လည်း လမ်းခုလတ်မှာ ကျဆုံးခဲ့ပါတယ်။

၁၉၆၉ ခုနှစ်မှာ ဗိုလ်အေးဟန်ခေါင်းဆောင်တဲ့ မြောက်ပိုင်းချီစစ်ကြောင်းကို ထပ်မံကြိုးစားပြန်ပါတယ်။ ထူးခြားတဲ့ ဖြစ်ရပ်တခုကတော့ ဗိုလ်အေးဟန်ခေါင်းဆောင်တဲ့ အဲဒီအဖွဲ့ဟာ တော်လှန်ရေး နယ်မြေထဲကနေ ချီတက်သွားတာမဟုတ်လို့ပါဘဲ။ ရုပ်ဖျက်ပြီးတော့ မီးရထားနဲ့ တောင်ငူကနေ မန္တလေး။ အဲဒီကနေမှတဆင့် မြစ်ကြီးနားမရောက်ခင် နမ္မတီးအလွန် မရမ်းဘူတာအထိ မီးရထားနဲ့ တောက်လျှောက်သွားခဲ့ပါတယ်။ မရမ်းဘူတာက ဆင်းပြီးတော့ ကေအိုင်အေ တပ်ရင်း (၁၁) တပ်ရင်းမှူး ဗိုလ်မှူးဇော်ဆိုင်း (ယခုကေအိုင်အို နိုင်ငံခြားရေးတာဝန်ခံ ဗိုလ်မှူးကြီးဇော်ဆိုင်း) က ကြိုဆိုလက်ခံ စောင့်ရှောက်ပို့ဆောင်ခဲ့ပါတယ်။

ဗိုလ်အေးဟန်ခေါင်းဆောင်တဲ့အဖွဲ့ဟာ တရုတ်ပြည်ယူနန်နဲ့ တိုင်းမြို့တော် ပေါက်ဆန်းမြို့အထိ ရောက်ရှိခဲ့တယ်။ တရုတ်ပြည်ရဲ့ စစ်ရေး၊ နိုင်ငံရေး အကူအညီတွေ ရယူဖို့ ကြိုးပမ်းခဲ့တယ်။ ဒါပေမယ့် လက်တွေ့ကျတဲ့ အကူအညီ ပြောပလောက်အောင် ဘာမှ မရရှိခဲ့ပါဘူး။ ဒီခရီးစဉ်မှာ ယခု ကေအန်ယူမှာ ဗဟိုကော်မတီဝင်တဦးဖြစ်တဲ့ ပဒိုစောသမိန်ထွန်းလည်း ပါရှိခဲ့ပါတယ်။

၁၉၇၂ ခုနှစ်မှာ ကေအန်ယူပီ အထွေထွေအတွင်းရေးမှူး ဆရာကြီးစကောလယ်တော ဦးဆောင်တဲ့ ကိုယ်စားလှယ်အဖွဲ့ဟာ မြောက်ပိုင်းကို ထပ်မံချီတက်ခဲ့ပြန်ပါတယ်။ တရုတ်ပြည် ယူနန်နယ်အထိ ရောက်ခဲ့ပါတယ်။ တရုတ်ပြည်ကတော့ ဗမာပြည်ကွန်မြူနစ်ပါတီကနေတဆင့် အကူအညီရယူဖို့ သဘောထားပေးပါတယ်။ ကေအန်ယူပီကိုယ်စားလှယ်အဖွဲ့ဟာ ဗမာပြည်ကွန်မြူနစ်ပါတီနဲ့ တွေ့ဆုံခဲ့ပါတယ်။ ဗမာပြည်ကွန်မြူနစ်ပါတီဟာ အဲဒီကာလတုန်းက စိန်နားနှောင်းအရောင်နဲ့ ပါးပြောင်ပြီး စိတ်ကြီးဝင်နေတဲ့ ကာလမို့ ဘာတခုမှ ရေရေရာရာ တိုးတက်မှုမရှိခဲ့ပါဘူး။ ဒီနေရာမှာ မှတ်မှတ်ရရအဖြစ်အပျက်လေးတခု ဖြစ်ခဲ့ပါတယ်။ ဗမာပြည်ကွန်မြူနစ်ပါတီနဲ့ ကေအန်ယူပီ ကိုယ်စားလှယ်အဖွဲ့ ဆွေးနွေးကြစဉ်မှာ မန်းရှာက ဗမာပြည်သမိုင်းဆိုင်ရာ ကိစ္စတွေ ဆွေးနွေးတင်ပြပါတယ်။ ဒီမှာတင် သခင်ဗသိန်းတင်က မန်းရှာကို ထပ်ပြီးဟောက်ပါတယ်။ “ဗမာပြည် သမိုင်းတွေမှာ မင်းကိုယ်တိုင် မှီခဲ့၊ ပါခဲ့လို့လား” ဆိုပြီးတော့ သဟောက်သဟန်လုပ်ပါတယ်။ မြောက်ပိုင်းချီခဲ့တဲ့ (၆၈၊ ၆၉၊ ၇၂) ဒီခရီးတွေမှာ မန်းရှာလားဖန်းဟာ သုံးကြိမ်စလုံးပါဝင်ခဲ့ပါတယ်။ (၆၉၊ ၇၂) ခရီးစဉ်မှာ ပဒိုစောသမိန်ထွန်းပါရှိခဲ့ပါတယ်။

စစ်ပြီးခေတ် လက်ဝဲလက်ယာနိုင်ငံရေး အယူအဆတွေဟာ နိုင်ငံတကာမှာ လွှမ်းမိုး ရိုက်ခတ်မှုရှိသလို ကရင့်တော်လှန်ရေးမှာလည်း လက်ဝဲလက်ယာ ဂယက်ရိုက်ခတ်မှုတွေ ရှိခဲ့ပါတယ်။ လက်ဝဲလက်ယာနိုင်ငံရေး အယူအဆတွေကြောင့် ကရင့်တော်လှန်ရေးအတွင်းမှာ အမျိုးသား စည်းလုံးညီညွတ်ရေး ပြိုကွဲခဲ့ပါတယ်။ ကရင့်အမျိုးသားစည်းလုံးညီညွတ်ရေး ပြိုကွဲခဲ့တဲ့အတွက် ကရင့်တော်လှန်ရေးမှာလည်း ထိခိုက်နစ်နာဆုံးရှုံးမှုတွေ ကြီးမားစွာ ကြုံတွေ့ခဲ့ရပါတယ်။ အမျိုးသား စည်းလုံးညီညွတ်ရေး ပြိုကွဲခဲ့ရတဲ့ သင်ခန်းစာကို အလေးအနက်သဘောထားကြပြီးတော့ ကရင့်တော်လှန်ရေးခေါင်းဆောင်တွေဟာ အမျိုးသားစည်းလုံးညီညွတ်ရေးကို ပြန်လည်တည် ဆောက်ဖို့ ကြိုးပမ်းခဲ့ကြပါတယ်။ ဒါကြောင့်မို့ ၁၉၇၄ ခုနှစ် (၉) ကြိမ်မြောက် ကေအန်ယူ ကွန်ဂရက်မှ ကရင့်အမျိုးသားစည်းလုံးညီညွတ်ရေး ပြန်လည်တည်ဆောက်ဖို့ တညီတညွတ်တည်း သဘောထားပေးပြီး ဆုံးဖြတ်ခဲ့ကြပါတယ်။

၁၉၇၅ ခုနှစ်မှာ ပဲခူးရိုးမအခြေခံခဲ့တဲ့ ဗိုလ်မှူးမြမောင် ဆရာကြီးစကောလယ်တော ခေါင်းဆောင်တဲ့ ကေအန်ယူပီနဲ့ အရှေ့တိုင်းဥက္ကဋ္ဌ မန်းဘဇန်၊ ဗိုလ်ချုပ်မြခေါင်းဆောင်တဲ့ ကေအန်ယူတို့ဟာ အမျိုးသားစည်းလုံးညီညွတ်ရေးကို ပြန်လည်တည်ဆောက်နိုင်ခဲ့ပါတယ်။

မန်းရှာကို ၁၉၇၅ ခုနှစ်မှာ သူနဲ့တရွာတည်းသား ကျောင်းနေဖက်သူငယ်ချင်း ကရင့်တော်လှန်ရေးရဲမေ နန့်ကျင်ရွှေနဲ့ ကေအန်ယူညောင်လေးပင်ခရိုင်မှာ လက်ထပ်ခဲ့ပါတယ်။ သားသမီး (၄) ဦး ထွန်းကားခဲ့ပါတယ်။ စောစေးစေး၊ နမ့်ဘွားဘွားဖန်း၊ နမ့်ဇိုယာဖန်း၊ စလုံးဖန်းတို့ ဖြစ်ကြပါတယ်။

မန်းရှာဟာ အရာကိစ္စတိုင်းကို အလေးအနက်ထားတတ်တဲ့ သူ့ရဲ့ပင်ကိုယ်စရိုက်ရှိပါတယ်။ သူ့ရဲ့ငယ်နာမည်က မန်းချစ်ရွှေဖြစ်ပါတယ်။ ကရင့်တော်လှန်ရေးထဲ ရောက်ရှိချိန်မှာတော့ မန်းရှာလားဖန်းဆိုတဲ့ နာမည်ကို သူမှည့်ပါတယ်။ ဒီနာမည်မှာ တလုံးချင်း အဓိပ္ပာယ်ရှိပါတယ်။ မန်းဆိုတာက ပိုးကရင်တွေရဲ့ ရှေ့နာမည်ပါ။ ရှာဆိုတာက ကြယ်လို့အဓိပ္ပာယ်ရပါတယ်။ “လား” ဆိုတာက လမင်းလို့အဓိပ္ပာယ်ရပါတယ်။ “ဖန်း” ဆိုတာက အလင်းရောင်လို့အဓိပ္ပာယ်ရပါတယ်။ (မန်းရှာလားဖန်း) ဆိုတဲ့ နာမည်တခုလုံးရဲ့ အဓိပ္ပာယ်က ကြယ်လတို့ရဲ့ အရောင်လို့ အဓိပ္ပာယ် ရပါတယ်။

ကြယ်တို့ရဲ့အလင်းရောင်ဟာ ကြည်လင်ရွှန်းမြအေးချမ်းလှပါတယ်။ မန်းရှာလားဖန်းကို ထိတွေ့ ဆက်ဆံပေါင်းသင်းခဲ့ရတဲ့ ခေါင်းဆောင်များ၊ ရဲဘော်များ၊ ပြည်သူအားလုံးဟာ နှလုံးစိတ်ဝမ်း အေးချမ်းမှုကို ခံစားခဲ့ရတယ်ဆိုတာ အားလုံးကိုယ်တွေ့ပဲ ဖြစ်ပါတယ်။ ပြီးတော့ နောက်ဆုံးနာမည် (ဖန်း) ဆိုတာ နောက်ထပ်အဓိပ္ပာယ်တမျိုး ရှိပါသေးတယ်။ မြစ်ဝကျွန်းပေါ်တိုင်း ပန်းတနော်သားတွေ လေးစားဂုဏ်ယူရတဲ့ ပန်းတနော်သားဖြစ်တဲ့ မြစ်ဝကျွန်းပေါ်တိုင်းတပ်မဟာ (၄) တပ်မဟာမှူး ဗိုလ်မှူးကြီးဖန်းရှောင်းရဲ့ နာမည် ဖန်းကိုယူပြီး မှည့်ထားတာ ဖြစ်ပါတယ်။ ဗိုလ်မှူးကြီးဖန်းရှောင်းဟာ စစ်ရေး၊ နိုင်ငံရေးမှာ ထူးချွန်ပြောင်မြောက်တဲ့ ခေါင်းဆောင်တဦး ဖြစ်ပါတယ်။

မန်းရှာဟာ သူ့သားသမီးတွေရဲ့ နာမည်အဆုံးမှာ ဖန်းဆိုတဲ့ နာမည်ကိုမှဲ့ထားတာတွေ့ရပါတယ်။ သူ့သားသမီးတွေကို တော်လှန်ရေးအမွေဆက်ခံဖို့ သူ့မှာ ပြင်းပြတဲ့ဆန္ဒ ရှိပါတယ်။ သူ့သမီးငယ် ဇိုယာဖန်းဆိုတဲ့နာမည်ဟာ ဒုတိယကမ္ကာစစ်တုန်းက ဂျာမန်တွေကို ခုခံတိုက်ခိုက်ခဲ့တဲ့ ဆိုဗီယက် လူငယ် အာဇာနည်သူရဲကောင်း မောင်နှမနှစ်ယောက်ဖြစ်တဲ့ ဇိုယာနဲ့ ရှိုယာတို့ရဲ့ နာမည်ကိုယူပြီး မှဲ့ထားတာ ဖြစ်ပါတယ်။

မန်းရှာဟာ ၁၉၈၄ ခုနှစ်မှာ ဗဟိုကော်မတီဝင်တဦး ဖြစ်ပါတယ်။ အဲဒီနေ့ထဲမှာပဲ အမျိုးသား ဒီမိုကရေစီတပ်ပေါင်းစု (အန်ဒီအက်ဖ်) ဗဟိုသဘာပတိအဖွဲ့ဝင်တဦးလည်း ဖြစ်ပါတယ်။ ၁၉၈၄ ခုနှစ်မှာ ကရင်နီနယ်စပ် ရှမ်းပြည်တောင်ပိုင်း၊ ရှမ်းပြည်မြောက်ပိုင်း၊ ကချင်ပြည်နယ်နယ်စပ်အထိ မြောက်ပိုင်းစည်းရုံးရေးခရီးစဉ်မှာ ကေအန်ပီပီ၊ ကေအန်ယူ၊ အေအယ်လ်ပီ၊ ပီအန်အို၊ ပီအက်စ် အယ်လ်ပီ၊ အန်အမ်အက်စ်ပီ၊ ကေအိုင်အို၊ အက်စ်အက်စ်ပီပီစတဲ့အဖွဲ့တွေက တိုင်းရင်းသား ခေါင်းဆောင်ကြီးများနဲ့အတူ ဒုတိယစစ်ရေးခေါင်းဆောင်တဦးအဖြစ် ပါဝင်ခဲ့ပါတယ်။ အဲဒီခရီးစဉ်မှာ အမျိုးသားဒီမိုကရေစီတပ်ပေါင်းစု အန်ဒီအက်ဖ်ရဲ့ တိုင်းရင်းသားလူမျိုးများ တန်းတူရေးနဲ့ ကိုယ်ပိုင်ပြဋ္ဌာန်းခွင့်ရရှိရေး ဖက်ဒရယ်ပြည်ထောင်စုတည်ဆောက်ရေး လုပ်ငန်းတွေကို ဒေသခံ တိုင်းရင်းသားခေါင်းဆောင်များ၊ ပြည်သူများကို တက်တက်ကြွကြွ ဆွေးနွေးဦးဆောင် ပါဝင်ခဲ့ပါတယ်။

၁၉၈၄ ခုနှစ် မြောက်ပိုင်းချီ (မဒတ) ကိုယ်စားလှယ်အဖွဲ့ဟာ ဗမာပြည်ကွန်မြူနစ်ပါတီနဲ့ စစ်ရေး မဟာမိတ်စာချုပ်ချုပ်ဆိုခဲ့ပါတယ်။ မြောက်ပိုင်းချီ (မဒတ) ကိုယ်စားလှယ်အဖွဲ့ခေါင်းဆောင်ဟာ ကေအန်ယူဗဟိုကော်မတီဝင် ဆရာကြီး ဦးစိုးအောင်ဖြစ်ပြီးတော့ ကေအန်ပီပီဥက္ကဋ္ဌ ဖဲဖူးဖဲက ဒုတိယအဖွဲ့ခေါင်းဆောင်ဖြစ်ပါတယ်။ စစ်ရေးတာဝန်ခံက ကေအန်ပီပီအထွေထွေအတွင်းရေးမှူး ခူးရီမာန်ထူးဖြစ်ပါတယ်။ မန်းရှာက ဒုစစ်ရေးတာဝန်ခံဖြစ်ပါတယ်။ ခေါင်းဆောင်မှုအစဉ်အရကြည့်ရင် မန်းရှာဟာ နံပါတ် (၄) အဆင့်မှာ ရှိပါတယ်။ မြောက်ပိုင်းချီ (မဒတ) ကိုယ်စားလှယ်အဖွဲ့ဟာ ၁၉၈၆ ခုနှစ်မှာ ကေအန်ယူဌာနချုပ် မာနယ်ပလောကို ပြန်ရောက်လာတဲ့အချိန်မှာ ဗကပနဲ့ စစ်ရေး မဟာမိတ်စာချုပ်ချုပ်ခဲ့တဲ့အပေါ် မန်းရှာကို အရေးယူခဲ့ပါတယ်။ ဗဟိုကော်မတီဝင်အဖြစ်ကနေ ထုတ်ပယ်ခံခဲ့ရပါတယ်။ သာမာန်ရဲဘော်တဦးအဖြစ် ရောက်သွားပါတယ်။ မန်းရှာဟာ ဒီနိုင်ငံရေး လောကဓံကို အတော့ကို ခံစားရပါတယ်။ ဟိုးရှေ့တန်းတွေမှာ ကျောပိုးအိတ်တလုံးနဲ့ ရဲဘော် တယောက်ရဲ့တာဝန်ကို ထမ်းရွက်ခဲ့ရပါသေးတယ်။ အနိမ့်မှာ ၀ိုင်းထောင်းတတ်တဲ့ လောက သဘာဝအတိုင်း မန်းရှာကို ဒီထက်ကြီးလေးတဲ့ ပြစ်ဒဏ်တွေပေးဖို့ တချို့က ကြိုးစားကြပါ သေးတယ်။

၁၉၈၈ ခုနှစ် ဒီမိုကရေစီအရေးတော်ပုံကြီးပေါ်ပေါက်လာတဲ့အချိန်မှာ တပ်ပေါင်းစုခေါင်းဆောင်များ၊ ကေအန်ယူခေါင်းဆောင်များရဲ့ အကြံပေးတိုက်တွန်းမှုအရ ဗိုလ်ချုပ်ကြီးစောဘိုမြက မန်းရှာကို ကိုယ်ရေးအရာရှိအဖြစ် တာဝန်ပေးအပ်ခံခဲ့ရပါတယ်။ ၁၉၈၈ ခုနှစ် လူထုအရေးတော်ပုံကြီးက တော်လှန်ရေးနယ်မြေကို ရောက်ရှိလာတဲ့ ကျောင်းသားများ စုစည်းညီညွတ်ရေးနဲ့ ပေါင်းစည်း ရေးလုပ်ငန်းများကို အင်တိုက်အားတိုက်ဆောင်ရွက်သူတဦးလည်း ဖြစ်ပါတယ်။

၁၉၈၈ ခုနှစ် မြန်မာပြည်ဒီမိုကရက်တစ်မဟာမိတ်အဖွဲ့ချုပ် (ဒီအေဘီ) စတင်ဖွဲ့စည်းရာမှာ ခေါင်းဆောင်တဦးအဖြစ် ပါဝင်ခဲ့ပါတယ်။ ဗဟိုအလုပ်အမှုဆောင် ကော်မတီဝင်တဦးအဖြစ် တိုင်းရင်းသားအင်အားစုများနဲ့ ဒီမိုကရေစီအင်အားစုများ စုစည်းရေးနဲ့ ညီညွတ်ရေးတို့ကို ကြိုးပမ်းဆောင်ရွက်ခဲ့သူတဦးလည်း ဖြစ်ပါတယ်။ ၁၉၉၁ ခုနှစ် ၁၀ကြိမ်မြောက် ကေအန်ယူ ကွန်ဂရက်မှာ မန်းရှာဟာ ဗဟိုကော်မတီဝင်အဖြစ် ပြန်လည်အရွေးချယ်ခံခဲ့ရပါတယ်။

၁၉၉၂ ခုနှစ် စက်တင်ဘာလ (၂၂) ရက်နေ့မှာ ပြည်ထောင်စုမြန်မာနိုင်ငံ အမျိုးသားကောင်စီ (အဲန်စီယူဘီ) ကို စတင်ဖွဲ့စည်းရာမှာ ပါဝင်ခဲ့ပြီး တွဲဖက်အထွေထွေအတွင်းရေးမှူး (၃) အဖြစ် တာဝန်ထမ်းဆောင်ခဲ့တယ်။ ကွယ်လွန်ချိန်အထိ အတွင်းရေးမှူးအဖွဲ့ဝင်အဖြစ် တာဝန်ယူခဲ့ပါတယ်။ ၁၉၉၅ ခုနှစ် (၁၁) ကြိမ်မြောက် ကေအန်ယူကွန်ဂရက်မှာ တွဲဖက်အထွေထွေအတွင်းရေးမှူး (၁) အဖြစ် ရွေးကောက်တင်မြောက်ခြင်း ခံခဲ့ရပါတယ်။ ၂၀၀၀ ခုနှစ် (၁၂) ကြိမ်မြောက် ကေအဲန်ယူကွန်ဂရက်မှာ ကေအန်ယူအထွေထွေအတွင်းရေးမှူးချုပ်အဖြစ် ရွေးကောက်တင် မြောက်ခြင်း ခံခဲ့ရပါတယ်။ ၂၀၀၄ ခုနှစ် (၁၃) ကြိမ်မြောက် ကေအဲန်ယူကွန်ဂရက်မှာ အထွေထွေ အတွင်းရေးမှူးချုပ်အဖြစ် ထပ်မံရွေးချယ်ခံခဲ့ရပါတယ်။

၁၉၉၅ ခုနှစ် ဒီဇင်ဘာလကနေ ၁၉၉၆ ခုနှစ် နှစ်ကုန်အထိ ကရင်အမျိုးသားအစည်းအရုံး ကေအန်ယူနဲ့ န၀တတို့တွေ့ဆုံဆွေးနွေးပွဲ (၄) ကြိမ်ပြုလုပ်ခဲ့ရာမှာ ၁၉၉၆ ခုနှစ် ဖေဖော်ဝါရီလ မော်လမြိုင်မြို့မှာ ပြုလုပ်ခဲ့တဲ့ ဒုတိယအကြိမ်ဆွေးနွေးပွဲမှာ အဖွဲ့ခေါင်းဆောင်။ ၁၉၉၆ခုနှစ် ဇွန်လ တတိယအကြိမ် မော်လမြိုင်မှာ ပြုလုပ်တဲ့ ဆွေးနွေးပွဲမှာ ဗိုလ်ချုပ်ကြီးတာမလာဘောက အဖွဲ့ခေါင်းဆောင်။ မန်းရှာက ဒုတိယခေါင်းဆောင် ၁၉၉၆ ခုနှစ် နိုဝင်ဘာလ စတုတ္ထအကြိမ် ဆွေးနွေးပွဲမှာ ဗိုလ်ချုပ်ကြီးတာမလာဘောက အဖွဲ့ခေါင်းဆောင်၊ မန်းရှာက ဒုတိယခေါင်းဆောင်အဖြစ် ဆောင်ရွက်ခဲ့ပါတယ်။

ကေအန်ယူနဲ့ န၀တတွေ့ဆုံဆွေးနွေးပွဲတွေမှာ န၀တကိုင်ဆွဲထားတဲ့ လက်နက်ကိုင်လမ်းစဉ်စွန့်ပြီး တရားဥပဒေဘောင်ထဲ ၀င်ရောက်ရေးဆိုတဲ့ လက်နက်ချအညံ့ခံရေး လမ်းစဉ်ကို ပြတ်ပြတ်သားသား ဆန့်ကျင်ခဲ့တယ်။ နိုင်ငံရေးပြဿနာကို နိုင်ငံရေးနည်းနဲ့ ဖြေရှင်းဖို့ ကေအန်ယူရဲ့ ချမှတ်ထားတဲ့ မူအပေါ်မှာ ခိုင်ခိုင်မာမာရပ်တည်ခဲ့တယ်။ န၀တဟာ ကေအန်ယူကို လက်နက်ချအညံ့ခံရေး ဘောင်ထဲကို ရောက်အောင် ကျုံးမသွင်းနိုင်ခဲ့တဲ့အတွက် မန်းရှာအပေါ်မှာ အညှိုးကြီးခဲ့ပါတယ်။ မန်းရှာရှိနေသမျှ ကေအန်ယူကို ဘယ်တော့မှ လှည့်စားဖြားယောင်းဖို့မရနိုင်ဘူးလို့ န၀တက သတ်မှတ်ခဲ့ပါတယ်။

ကရင့်တော်လှန်ရေး နှစ် (၆၀) ရှည်ကြာတဲ့ခရီးတလျှောက်မှာ အမျိုးသားနဲ့ တော်လှန်ရေးအတွက် ပေးဆပ်စွန့်လွှတ်ခဲ့ရတဲ့ ကရင့်တော်လှန်ရေးရဲ့ သားကောင်းကြီးများဟာ မနည်းတော့ပါဘူး။ ကရင့်တော်လှန်ရေးရဲ့ အစခရီးမှာ ကရင့်အမျိုးသားဦးစီးဦးဆောင်ဖြစ်တဲ့ ကော်ခိုစောဘဦးကြီး၊ ဗိုလ်ချုပ်စိုင်းကေ၊ စကောမောလေး၊ ဗိုလ်ချုပ်မင်းမောင်၊ ဗိုလ်ကျင်ဖေ၊ ယခုမန်းရှာလားဖန်းစတဲ့ ကရင့်တော်လှန်ရေးအဆင့်မြင့်ခေါင်းဆောင်တွေ ဖြစ်ကြပါတယ်။ မရေမတွက်နိုင်တဲ့ ကရင့်တော်လှန်ရေးဟာ အာဇာနည်အထောင်အသောင်းတွေဟာလည်း မွန်မြတ်လှတဲ့ သူတို့ရဲ့အသက်တွေကို ရဲရဲရက်ရက်ပေးလှူခဲ့ကြပါပြီ။ ဒီအာဇာနည်များရဲ့ ကိုယ်ကျိုးစွန့်လွှတ်ပေးဆပ်မှုတွေကို ပြန် ပြောင်းတွေးလိုက်တိုင်း ကျနော်တို့ရင်မှာ ကြေကွဲဝမ်းနည်းပါတယ်။ အသက်ထင်ရှားရှိနေကြသေးတဲ့ ကျနော်တို့အားလုံးဟာ ဒီအာဇာနည်သူရဲကောင်းများရဲ့ အသက်ပေးပြီး သွေးနဲ့ခင်းခဲ့တဲ့လမ်း အတိုင်း ခိုင်မာတဲ့ ဇွဲသံဓိဌာန်ချပြီး ပြည်သူတရပ်လုံးလွတ်မြောက်တဲ့တိုင်အောင် တိုက်ပွဲဝင်သွားကြရပါမယ်။ ကေအန်ယူ ကရင်အမျိုးသားအစည်းအရုံး အထွေထွေအတွင်းရေးမှူး ပဒိုမန်းရှာ လားဖန်းအား မကျဆုံးမီ နှစ်ပတ်အလို ကရင်အမျိုးသားစည်းလုံးညီညွတ်ရေး နှီးနှောဖလှယ်ပွဲမှာ နောက်ဆုံးမိန့်ခွန်းပြောသွားပါတယ်။ “တော်လှန်ရေးကို ဆုံးခန်းတိုင် ဆင်နွှဲသွားကြရမယ်” လို့ မှာကြားသွားပါတယ်။ ။

တိုင်းပြည်သို့

2012-02-13T07:20:00.000-08:00

ရေဆန်(မန်းရှာလားဖန်း)ရေးသည်။

-တိုင်းပြည်သို့
ဖက်ဆစ်တို့ခြေရင်း
ကြွေဆင်းပေးလည်း
ပွင့်လန်းမလာဘဲ
ပန်းဘ၀ကြိုးကြေ ပန်းတို့ကြွေဆဲ

-တိုင်းပြည်သို့
နှင်းဆက်ခန္တာ
ပုံအပ်ပါလည်း
တုန့်လည်ချစ်ပန်း
ပွင့်လန်းမလာဘဲ
ပန်းဘ၀ကြိုးကြေ ပန်းတို့ကြွေဆဲ

-တိုင်းပြည်သို့
သင့်မြတ်ဘို့ရေး
ပြေးသူနောက်လိုက်
လိုက်လေဝေးလေ
ခန္တာကြွေ၍
ပန်းဘ၀ကြိုးကြေ ပန်းတို့ကြွေဆဲ

-တိုင်းပြည်ရေ
လူသတ်ကွင်းမှာ
လည်စင်းခံရင်း
ဖြေရှင်းမလား
သင်ဘဲပိုင်းဖြတ် ခရီးစလော့

-တိုင်းပြည်ရေ
စစ်ဘီလူးကို
တိုင်းပြည်ကြမ္မာ
စီရင်မလား
သင်ဘဲပိုင်းဖြတ် ခရီးစလော့

-တိုင်းပြည်ရေ
သမိုင်း၏အရှင်
သင်သာလျင်ဖြစ်
ဘ၀သစ်တွက် တက်စုံဖွင့်လော့
စစ်ကျွန်ဘ၀ ရုန်းထွက်ကြလော့။
သနူးထူးဂျာနယ်မှ ကူးယူသည်။

KNU တပ်မဟာ(၆)တွင် ၆၄နှစ်မြောက် ကရင်အမျိုးသားနေ့ စည်ကား

2012-02-13T01:13:00.000-08:00

ဖေဖော်ဝါရီ ၁၂ရက်၊ ၂၀၁၂ခုနှစ်။ စောခါးစူးညား (ကေအိုင်စီ)

ဖေဖော်ဝါရီ ၁၁ရက်နေ့တွင် ကျရောက်သည့် ၆၄နှစ်မြောက် ကရင်အမျိုးသား နေ့ထူးနေ့မြတ်၌ ကရင်အမျိုးသား အစည်းအရုံး-KNU ထိန်းချုပ်နယ်မြေ ဒူးပလာယာခရိုင်၊ တပ်မဟာ(၆) တနေရာတွင် ကျင်းပသည့် အခမ်းအနား သည် အလွန် စည်ကား လျှက် ရှိသည်ဟု သိရသည်။

ကရင် ပြည်နယ်၊ ကြာအင်း ဆိပ်ကြီးမြို့နယ် အတွင်း တွင် ပြုလုပ်သည့် အဆိုပါ အခမ်း အနားတွင် မနက် ၆နာရီ ခွဲမှ ၉နာရီအထိ KNU နယ်မြေခံ တပ်ဖွဲ့များမှ ဦးစီး ကျင်းပခဲ့ခြင်း ဖြစ်ပြီး သံဃာ အပါအ၀င် လူထု တစ်ထောင် ၀န်းကျင် တက်ရောက်ခဲ့သည်ဟု KNU ဒူးပလာယာ ခရိုင် အတွင်းရေးမှူး စောလစ္စတန်က ကေအိုင်စီသို့ ပြောသည်။

“အရင်နှစ်ကဆိုလို့ရှိရင် ကျနော်တို့ ဒီလောက် ကြီးကြီးလုပ်တာ မရှိဘူး။ ရှိသလောက် နီးစပ်ရာလူတွေနဲ့ ပူး ပေါင်းပြီး လုပ်လိုက်တာပဲ။ ဒီနှစ်တော့ ရွာတွေ တော်တော်များများကို ဖိတ်တော့ ပိုပြီး စည်ကားသွားတာပေါ့။” ဟု ပြောဆိုသည်။

၎င်းကရင့်အမျိုးသားနေ့ အခမ်းအနားတွင် KNU ခေါင်းဆောင်အချို့အပါအ၀င် နတ်ချောင်းဖျား၊ အလယ်နတ် ချောင်း၊ ကစ၊ ကစဖိုးခီး၊ ကြုံစိန်၊ ကြခတ်ချောင်း၊ တုလေကုန်း၊ ခုတ်ကွား၊ တဂေး၊ မဲ့ကတော၊ ဒါလီ၊ ရွှေဒိုး၊ ပိစခတ်၊ ကြာအင်း၊ ကျခတ်ချောင်းဝ စသည့်ကျေးရွာများမှ ပြည်သူများ တက်ရောက်အားပေးခဲ့ခြင်းဖြစ်သည်။

အခမ်းအနား၌ KNU တပ်မဟာ(၆)မှ စစ်ဆင်ရေးမှူး ဗိုလ်မှူးကြီး စောဂျိုးဆွာ၊ ခရိုင် အတွင်းရေးမှူး စောလစ္စ တန်၊ ၀င်းရေးမြို့နယ် အတွင်းရေးမှူး စောမောင်ရွှေတို့ တက်ရောက်ခဲ့ပြီး လူထုများအား ကရင့်အမျိုးသားနေ့ ဖြစ်ပေါ်လာပုံသမိုင်းနှင့် လက်ရှိ KNU နှင့် မြန်မာအစိုးရသစ်တို့ တွေ့ဆုံဆွေးနွေးပွဲ ပဏာမ အဆင့်အခြေအနေ များကို ရှင်းလင်းပြောကြားခဲ့သည်ဟု သိရသည်။

တဆက်တည်း၌ပင် ယခုနှစ်ပြုလုပ်သည့် ကရင်အမျိုးသားနေ့၌ အခမ်းအနား မကျင်းပမီ တရက်နှင့် ကျင်းပ သည့်နေ့ဖြစ်သည့် ညအချိန်တွင် အဆိုပါဒေသ အသီးသီးမှ ကျောင်းသားကျောင်းသူလူငယ်များက ကရင်အမျိုး သားသီချင်းများ သီဆိုခြင်း၊ ဒုံးယိမ်း ကပြခြင်းနှင့် ကရင်ရိုးရာပြဇာတ်တိုများ စသည်တို့ဖြင့် တက်ရောက်လာ သည့် ပရိဿတ်များကို တင်ဆက်ဖျော်ဖြေခဲ့သည်။

တက်ရောက်လာသူ အသက် ၄၉နှစ်အရွယ် နော်ဖီးခယ်က “ကျမဘ၀တစ်သက်တာမှာ ဒီလို ကရင့်အမျိုး သားနေ့ တက်ခွင့်ရတာ ဒါပထမဦးပဲ။ ကျမ အရမ်းလည်း ပျော်တယ်။ ဂုဏ်လည်း ယူမိတယ်။ နောက် တက် လာတဲ့ လူတွေထဲမှာ လူငယ်တွေ အများဆုံးတက်လာတာကို တွေ့ရတော့ အားတက်မိတယ်။”ဟု ရှင်းပြခဲ့သည်။

အခမ်းအနားတက်ရောက်လာသူ အားလုံးက ပြည်တွင်းစစ် အလိုမရှိ၊ လူမျိုးရေးအဓိကရုဏ်း အလိုမရှိ၊ စစ်အစိုး ရ စစ်အာဏာရှင်စနစ် ကျဆုံးရမည်၊ ဒီမိုကရေစီစနစ် ဖြစ်ထွန်းအောင်မြင်ရမည်၊ ပြည်ထောင်စု အစစ်အမှန် ပေါ်ထွန်းစေရမည်နှင့် ပြည်တွင်းစစ်မီး ချုပ်ငြိမ်းစေရမည် စသည့်ကြွေးကြော်သံတို့ဖြင့် အခမ်းအနားအဆုံးကို အဆုံးသတ်ခဲ့ကြသည်။

၁၉၄၈ခုနှစ်၊ ဖေဖော်ဝါရီ ၁၁ရက်နေ့တွင် မြန်မာနိုင်ငံရှိ ကရင်လူထု ၄သိန်းကျော်က ပဆပလအစိုးရအား ကရင်ပြည်ချက်ချင်းပေး၊ ကရင်တစ်ကျပ် ဗမာတစ်ကျပ် ချက်ချင်းပြ၊ လူမျိုးရေးအဓိကရုဏ်းအလိုမရှိ၊ ပြည်တွင်းစစ်အလိုမရှိ ဟူ၍ ကြွေးကြော်သံ ၄ချက်ဖြင့် အသံတိတ်ချီတက် ဆန္ဒထုတ်ဖော်ခဲ့ကြသည်။

ကရင်အမျိုးသားတရပ်လုံးက ထိုနေ့ကို အစွဲပြု၍ “ကရင်အမျိုးသားနေ့”ဟု သတ်မှတ်ကာ နေ့စဉ် ဖေဖော်ဝါရီ ၁၁ရက်နေ့ရောက်တိုင်း ဂုဏ်ပြုအခမ်းအနားကျင်းပခဲ့ကြသည်မှာ ယခုချိန်ထိပင် ဖြစ်သည်။

ကော်သူးလေအတွက် သွေးစွန်းတဲ့ ချစ်သူများနေ့

2012-02-12T02:47:00.000-08:00

(ပဒိုမန်းရှာအတွက် လေးနှစ်ပြည့် အောက်မေ့ဖွယ် အမှတ်တရ ဆောင်းပါး)

ဇကောလောက်မှ ဇောက်မနက်ပဲ အသားထဲက လောက် ထွက်သူများရဲ့ လက်ချက်နဲ့ ကရင့်အမျိုးသားတော်လှန် ရေးကို မှန်ကန်စွာ ဦးဆောင်မှုပေးနေခဲ့တဲ့ ဖထီးမန်း ရှာ(ပဒိုမန်းရှာလားဖန်း) ကျဆုံးသွားခဲ့ရပါတယ်။ မြန်မာ ပြည် အာဏာရှင်စနစ် ချုပ်ငြိမ်းရေး၊ တန်းတူအခွင့်အ ရေးရရှိရေးနဲ့ ဒီမိုကရေစီ ထွန်းကားလာရေး အတွက် အရှိန်မြင့် ချီတက်လာတဲ့ တော်လှန်ရေး လမ်းကြောင်း လမ်း ခုလတ်တွင် ယခုလို ခေါင်းဆောင်ကောင်း တယောက် ဆုံးရှုံးသွားခဲ့ရတဲ့အတွက် ကရင့်တော် လှန်ရေး အတွက်ရော မြန်မာပြည် ဒီမိုကရေစီရေး အတွက်ပါ များစွာ ထိခိုက်နစ်နာ ခဲ့ရပါတယ်။

ဖထီးမန်းရှာ လုပ်ကြံခံရတာ လာမယ့် ၂၀၁၂ုနှစ် ဖေ ဖော်ဝါရီလ ၁၄ရက် နေ့မှာ လေးနှစ်တင်းတင်း ပြည့်ပြီဖြစ် သော်လည်း ကျနော့်အတွက်ကတော့ မနေ့တနေ့က လိုပဲ ခံစားနေရဆဲပါ။ ဖထီးမန်းရှာလုပ်ကြံခံရတဲ့ အကြောင်းကို တွေးမိတိုင်း ရင်ထဲမှာ အမြဲပဲ အမှတ်ရနေ မိပြီး ယူကျုံးမရတဲ့စိတ်၊ နှမြောတသတဲ့ စိတ်၊ ၀မ်းနည်းကြေကွဲတဲ့ စိတ်တွေဟာလည်း ရင်ထဲ နှလုံးသားထဲမှာ ဖော်ပြမရနိုင် လောက်အောင်ပဲ တရိတ်ရိတ် ဖြစ်ပေါ်လာခဲ့ရပါတယ်။

သူလုပ်ကြံခံရတဲ့အချိန်ဟာ ကျနော် မဲဆောက်မှာပဲ ရှိနေတဲ့ အချိန်ပါ။ အဲဒီနေ့ဟာ ရုံးပိတ် အလုပ်နားတာကြောင့် ရုံးက လူတွေအားလုံးဟာ စိတ်ပြေလက်ပျောက်နဲ့ ပင်ပန်းနွမ်းနယ်မှု လေးတွေကို အတိုးချပြီး အနားယူကြတဲ့နေ့ ဖြစ်ပါတယ်။ နောက်ပြီးတော့လည်း ဖေဖော်ဝါရီလ ၁၄ရက် ချစ်သူများနေ့လည်း မဟုတ်ပါလား။

အဲဒီနေ့မနက်မှာ ဖာထီးမန်းရှာဟာ ရုံးရှေ့ကို ကိစ္စတခုနဲ့ ရောက်လာခဲ့ပါသေးတယ်။ သူကိုယ်တိုင် ကားပေါ်ကနေ မဆင်းပေမယ့်လည်း သူ့ကို ကားမောင်းပို့ပေးနေတဲ့ သူ့ရဲ့သားကြီး စောစေးစေးက စာရွက်စာတမ်းတချို့ လာပို့သွားပါတယ်။ ကားပေါ်ကို လှမ်းကြည့်လိုက်တော့ သူအမြဲပဲ ၀တ်နေကျ အဖြူရောင်ဝစ်စကုတ်အကျီာင်္နဲ့ ဖထီးကို တွေ့ရပြီးတော့ ကျနော့ဘေးနားမှာရှိနေတဲ့ လူတယောက်ကိုတောင်မှ အဖိုးကြီးလည်း ကားပေါ်မှာ ပါလာတယ်လို့ ပြောလိုက်မိပါသေးတယ်။

ဝစ်စကုတ်အကျီာင်္ဝတ်ထားတဲ့ အဲဒီနေ့က ဖထီးရဲ့ ပုံရိပ်ကို ယခုချိန်ထိ ပြန်လည်မြင် ယောင်မိနေ သေးသလို အသက်ရှင်လျှက်နဲ့ ဖထီးကို နောက်ဆုံးအကြိမ် တွေ့ရခြင်း လည်း ဖြစ်ပါတယ်။ အသက်ရှင်လျှက်နဲ့ ဖထီးကို နောက်ဆုံး တွေ့ရမယ်ဆိုတာ အဲဒီအချိန်က ဘယ်လိုမှ ထင်မထားခဲ့မိပါဘူး။ အချိန်ကတော့ ထိုင်းစံတော်ချိန် မနက် ၁၀နာရီ ပတ်ဝန်းကျင်လောက် ရှိပါလိမ့်မယ်။

အဲဒီနေ့ နေ့လည်မှာတော့ အခင်ဆုံးအစ်ကိုကြီး စောကျော်ခလော့ခ် (ဇွဲကပင် ၀က်ဆိုဘ်)က အိမ်ကို အလည်လိုက်သွားဖြစ်ပါတယ်။ စောကျော်ခလော့ခ်ရဲ့ အိမ်က မယ်တော်ဆေးခန်းနဲ့လည်း နီးတော့ သူ့အိမ်မှာ အေးအေးဆေးဆေး အနားယူ ကြပြီးတော့ ညနေပိုင်းမှာ ဘော်လုံးပွဲ ကြည့်ဖို့ မော်တော်ဆိုင်ကယ်လေး စီးကာ သူ့အိမ်ကနေ ထွက်လာခဲ့ကြပါတယ်။ မော်တော်ဆိုင်ကယ် နှစ်ယောက်သား စီးပြီး ဟိုအကြောင်း ဒီအကြောင်း ပြောရင်းကနေ သူ့လက်ကိုင်ဖုန်းမြည်သံ ထွက်လာ ပါတယ်။

မော်တော်ဆိုင်ကယ်ကို လမ်းနဘေးမှာ ရပ်ပြီး ဖုန်းဆက်သူထံမှ ဖုန်းဆက်ရတဲ့ အကြောင်းရင်းကို မေးမြန်းပြောဆိုတဲ့ အချိန်မှာတော့ သူ့ဆီက တစုံတရာ ထူးခြား တုန်လှုပ် စွာနဲ့ ပြောဆိုနေတာကို တွေ့ရပါတယ်။ သူတို့ ပြောနေတဲ့ စကားတွေ အားလုံးကို မသိရပေမယ့်လည်း သူတို့ပြောနေတဲ့ စကားတွေက သွေးရိုးသားရိုး မဟုတ်မှန်း ကျနော့စိတ်ထဲမှာ အလိုလိုနဲ့ ကောက်ချက်ချ လိုက်မိပါတယ်။ ချက်ချင်းပဲ သူကကျနော့ဘက် လှည့်ပြီးတော့ လာ--ဟိုဘက်ရုံးမှာ သွားမယ်။ အရေးကြီးတယ် ပြောပြီး မော်တော်ဆိုင်ကယ်ကို ၀ုန်းခနဲ မောင်းထွက်သွားပါတော့တယ်။ ကျနော်လည်း အံ့သြတုန်လှုပ်မိကာ ဘာမှတုန့်ပြန်စကားပြန်မပြောနိုင်ပဲ မော်တော် ဆိုင်ကယ် နောက်မှာပဲ တကောက်ကောက် ပါသွားခဲ့ရပါတယ်။

သွားမယ့်ရုံးဆိုတာက မယ်တော်ဆေးခန်းနားက နယ်လှည့်ကျောပိုးအိတ် အဖွဲ့ရုံးပဲ ဖြစ်ပါတယ်။ အဲဒီရုံးကိုရောက်တော့ ကိစ္စတခုနဲ့ မဲဆောက်ကို ရောက်လာတဲ့ ခုနက ဖုန်းဆက်သူ(ဗိုလ်ကြီးစောဝင်းကျော်၊ တပ်မဟာ ၅) နေတဲ့အခန်းကိုပဲ တန်းသွား ခဲ့ကြပါတယ်။ သူနေတဲ့အခန်းကိုသွားပြီး ထိုင်မယ်လို့လုပ်တဲ့အချိန်မှာပဲ ပဒိုမန်းရှာ လုပ်ကြံခံလိုက် ရပြီးတော့ ပွဲချင်းပြီး သေဆုံးသွားပြီဆိုတဲ့ စကားကို ဗိုလ်ကြီးဝင်း ကျော်က ကျနော်တို့ကို တုန်ယင်နေတဲ့ သူ့ရဲ့အသံနဲ့ ပြောပြပါတယ်။

သူ့ဆီက အဲဒီစကားလုံးကို သေသေချာချာကြားရတော့ မယုံကြည်နိုင် လောက်အောင်လည်း ဖြစ်ခဲ့ရပါတယ်။ ဘာလုပ်ရမယ်၊ ဘာပြောရမယ်မှန်း မသိပဲ ပါးစပ်အဟောင်းသားနဲ့ တိတ်ဆိတ်ငြိမ်သက်ခဲ့ရပါတယ်။ ဒါပေမယ့် တကြိမ်တခါမှ မခံစားဖူးခဲ့တဲ့ ၀မ်းနည်းကြေကွဲတုန်လှုပ်ခြောက်ခြားတဲ့စိတ်တွေဟာ ကျနော့ရဲ့ရင်ထဲ အသဲထဲ နှလုံးသားထဲ၊ ခေါင်းထဲစတဲ့ ခန္ခာကိုယ် တခုလုံးထဲကို လွမ်းမိုးစိမ့် လာပါတော့တယ်။

တခန်းလုံးလည်း တိတ်ဆိတ်ငြိမ်သက်သွားပြီးတော့ ၀မ်းနည်းကြေကွဲတဲ့ စိတ်နဲ့အတူ ဒေါသစိတ်များပါ ပေါက်ကွဲ ထွက်ကျလာခဲ့ရပါတယ်။ မယုံကြည်နိုင်လောက်အောင်ပဲ ကိုယ့်ကိုယ်ကို ကိုင်တွယ်စမ်းသပ်ကာ ငါအိမ်မက်မက် နေတာလားလို့တောင် မေးခွန်းတွေ အကြိမ်ကြိမ် ထုတ်ခဲ့မိပါသေးတယ်။

မဟုတ်ပါဘူး။ ငါ့အိမ်မက်မဟုတ်ဘူး။ ငါပုံမှန်ပါပဲ။
ငါ့နားနဲ့ တကယ်ကြားနေ ရတာပဲလို့ ကိုယ့်ကိုယ်ကို အသိစိတ်ပြန် ပေးဝင်လိုက်ပြီး တော့ ဘာလုပ်ရမလဲ၊ ဘာလုပ်သင့်သလဲ ကိုယ့်ကိုယ်ကို တွေဝေနေတဲ့အချိန်မှာပဲ အိတ်ကပ်ထဲက လက်ကိုင်ဖုန်းကလေးကို ဘယ်သူမှ အမိန့်မပေးပဲ တန်းကောက် ကိုင်လိုက်မိပါတယ်။

လုပ်ဖော်ကိုင်ဖက် တယောက်ဖြစ်သူ KICရဲ့ ရုပ်ပြောင်ကာတွန်းဆရာကြီး စောတွတ်ပီ (ယခု၊ဖို့ဝိန်း)ဆီကို တန်းဆက်လိုက်မိပါတော့တယ်။ ဖုန်းခေါ်နေတဲ့အချိန်မှာလည်း ဖဒိုမန်းရှာမသေဘူး။ ဗိုလ်ကြီးဝင်းကျော်ပြောတာ သတင်းအချက်အလက် မှားနေပါ တယ်ဆိုတဲ့ တုန့်ပြန်မှုကို ကြားရပါစေလို့တောင် ဆန္ဒပြုခဲ့မိပါသေးတယ်။ ဒါမှ မဟုတ် ပဒိုမန်းရှာ ပွဲချင်းပြီးမသေဘူး။ ဒဏ်ရာအနည်းငယ်ကလွဲလို့ ပူပင်စရာမရှိဘူးဆိုတဲ့ တုန့်ပြန်မှုကိုလည်း မျှော်လင့်မိခဲ့ပါသေးတယ်။ ဒါပေမယ့် ကျနော့ရဲ့ ဆန္ဒတွေက မပြည့်မီခဲ့ပါဘူး။

စောတွတ်ပီ ဖုန်းကိုင်လိုက်တဲ့အချိန် ကျနော်ဘာမှ မမေးခင်မှာပဲ ပ်ုဒိုမန်းရှာသီ့ယုဂ် (ပဒိုမန်းရှာသေပြီ) ဆိုတာကိုပဲ ကြားလိုက်ရပါတယ်။ အခုငါ အသက်မရှိတော့တဲ့ ပဒိုမန်းရှာရဲ့ နဘေးမှာ မှတ်တမ်းတင် ဓါတ်ပုံ ရိုက်နေပါတယ်ဆိုတဲ့ စောတွတ်ပီရဲ့ ပြောဆိုနေတာတွေဟာလည်း ပဒိုမန်းရှာကို အသက်ရှင် နေစေချင်သေးတဲ့ ဒါမှမဟုတ် ဒဏ်ရာအနည်းငယ်ပဲ ရစေချင်တဲ့ ကျနော့ရဲ့ ဆန၊ မျှော်လင့်ချက်တွေကို တစမကျန် ရိုက်ချိုးလွင့်ပစ်လိုက်သလို ဖြစ်ခဲ့ရပါတယ်။

ချက်ခြင်းပဲ အပြင်ထွက်ပြီး နယ်လှည့်ကျောပိုးအိတ်ရုံးရဲ့ ထမင်းစားဆောင်ဘက်ကို ထွက်လာတဲ့အခါမှာတော့ တိတ်ဆိတ်ငြိမ်သက်ပြီး စိတ်မကောင်းဖြစ်နေတဲ့ တစ်ဒါဇင်လောက်ရှိတဲ့ လူတချို့ကို တွေ့ရပါတယ်။ သူတို့တွေလည်း ကျနော့လိုပဲ ခေါင်းဆောင်ကောင်းတယောက် ဆုံးရှုံးနေရတယ် မဟုတ်ပါလား။ တကယ်တော့ ပဒိုမန်းရှာကို အများက ကရင့်တော်လှန်ရေးကို မှန်မှန်ကန်ကန် ဦးဆောင်ပေးနိုင်မယ့် ခေါင်းဆောင်ကောင်း တယောက်အနေနဲ့ လက်ခံထားကြပါတယ်။

ပဒိုမန်းရှာ ပွဲချင်းပြီး သေဆုံးသွားပြီ ဆိုတာ ရာနှုန်းပြည့် မှန်ကန်နေပါပြီး၊ ကျနော်ရုံးခန်းကို ချက်ချင်းပြန်ပြီးတော့ အဲဒီညတညလုံး ပဒိုမန်းရှာရဲ့ အတ္တုပတ္တိ၊ မှတ်တမ်းဓါတ်ပုံ၊ မိန့်ခွန်းစတဲ့အချက်အလက်တွေကို မီဒီယာတွေအတွက် ကြိုတင်ရှာဖွေထားခြင်းလည်း ဖြစ်ပါတယ်။ သူနဲ့ပတ်သက်တဲ့အကြောင်းတွေကို ရှာဖွေစုဆောင်းရတဲ့အတွက်ကြောင့်လည်း သူ့ကို ပိုပြီးတော့ အမှတ်ရခဲ့မိပါတယ်။

တညလုံး အိပ်မပျော်နိုင်ပဲ သူ့အကြောင်းကိုပဲ ထိုင်တွေးနေမိတော့တယ်။ သူ့အိမ်မှာ အတူတူ တာလပေါ့ဟင်းနဲ့ ထမင်းစားတတ်တဲ့ ဖထီးရဲ့ အဆင့်အတန်း ခွဲခြားမှု မရှိတဲ့အချိန်၊ သတင်းစာ ရှင်းလင်းပွဲတွေ၊ အခမ်းအနားတွေမှာ ပြတ်သားခိုင်မာပြီး ထိထိမိမိပြောတတ်တဲ့ ဖထီးရဲ့ ပြောဆိုနေချိန်၊ နောက်ဆုံး ၀စ်စကုတ်နဲ့ တွေ့ခဲ့တဲ့အချိန်တွေကိုပါ မှတ်မှတ်ရရ ပြန်လည် မြင်ယောင်ခဲ့မိပါတယ်။ ယခုထက်ထိ မျက်စိထဲမှာ ပြန်လည် မြင်ရောင်မိပါသေးတယ်။

ဒါပေမယ့်လည်း ပဒိုမန်းရှာလို ခေါင်းဆောင်မျိုး ကရင့်အမျိုးသား ထုအတွင်းမှာ အများအပြား ဆက်လက် ပေါ်ထွန်းလာပြီးတော့ အမျိုးသား တော်လှန်ရေးကို ဆက်လက် ဦးဆောင်သွားမယ်ဆိုတာ ဧကန်မုချမလွဲပါဘူး။ အစားထိုးမ ရနိုင်တဲ့ ခေါင်းဆောင်ကောင်းတယောက်က သူချစ်တဲ့ သူ့ကရင်အမျိုးသား၊ သူယုံကြည်တဲ့ တော်လှန်ရေး၊ သူတည်ဆောက်ခဲ့တဲ့ တိုင်းရင်းသားအချင်းချင်း ယုံကြည်မှု၊ သူခိုင်ခိုင်မာမာ ရပ်တည်ခဲ့တဲ့ တော်လှန်ရေးမူဝါဒကို စွန့်ခွာသွားပါပြီး။ လူသေပေမယ့်လည်း နာမည်တော့ မသေပါ။ သူ့ရဲ့ဝိညဉ်တွေက တော်လှန်ရေးအပေါ်မှာ ဆက်လက်ရှိနေအုံးမှာ ဖြစ်သလို သူ့ရဲ့ မိန့်မာချက်၊ သူ့ရဲ့ တော်လှန်ရေးရပ်တည်ချက်များဟာလည်း ဧရာဝတီ၊ သံလွင်၊ စစ်တောင်းမြစ်ဝှမ်းနဲ့ ကွဲပြားနေတဲ့ ဒေသအသီးသီးက ကရင်တမျိုးသားလုံးရဲ့ လွတ်မြောက်မှုအတွက် ဆက်လက် လွမ်းမိုးနေအုံးမှာ ဖြစ်တဲ့အကြောင်း တင်ပြလိုက်ရပေတယ်။

အာဇာနည်မျိုး သေရိုးမရှိပါ
ဖိုးဒိုခွား

အဲခေါင်သောင့်(ခေါ်) စောအယ်ကော်

ကရင့် ခေါင်းဆောင် အချို့၏ အမျိုးသား ညီညွတ်မှု အပေါ် သဘောထား ကောက်နှုတ်ချက်များ

2012-02-12T01:53:00.000-08:00

ကရင် တမျိုးသားလုံး၏ စည်းလုံး ညီညွတ်မှုသည် ကရင်အမျိုးသား တရပ်လုံး၏ အောငိမြင်မှု ပန်းတိုင်အတွက် အဓိက မောင်းနှင်အား ဖြစ်တယ်။ ကရင် တမျိုးသားလုံး၏ စုစည်း ညီညွတ်မှု ပြသသော နေ့ကို အောက်မေ့ သတိရပြီး တမျိုးသားလုံး ညီညီ ညွတ်ညွတ်ဖြင့် ကရင် အမျိုးသား အလံတော် အောက်တွင် ကေအဲန်ယူမှ ချမှတ်ထားသော နိုင်ငံရေး လမ်းစဉ် အောက်တွင် အတူတကွ လှုပ်ရှား ဆောင်ရွက်ရင်း အောင်မြင်မှု ပန်းတိုင်ကို ဆွတ်ခူးသွားကြပါ။ (KNU ဥက္ကဌ ဗိုလ်ချုပ် တာမလာဘော၏ ၆၄နှစ်ပြည့် ကရင့်အမျိုးသားနေ့ သ၀ဏ်လွာမှ)

နိုင်ငံရေးအရ ဆွေးနွေးမယ့် အခါကျရင် ကျနော်တို့က ဘယ်လို တောင်းဆိုလဲ ဆိုလို့ရှိရင် ကျနော်တို့ ကရင်တွေ အားလုံး စုစုစည်းစည်းနဲ့ ကေအဲန်ယူရော ကလိုထူးဘော တို့ရော ကျနော်တို့ရော အားလုံး တခြား အဖွဲ့အစည်းတွေ ကရင် အဖွဲ့အစည်းတွေ စုပေါင်းပြီး ပြည်ထောင်စု အဆင့် နိုင်ငံရေး ဆွေးနွေးပွဲ ကျနော်တို့ လုပ်မှာ ဖြစ်ပါတယ်။ ( KNU/KNLA ငြိမ်းကောင်စီမှ ဗိုလ်မှူးချုပ် တီမသေ၏ RFAနှင့် အင်တာဗျူးမှ)

ကရင် လက်နက်ကိုင် အဖွဲ့တွေနဲ့ ပြည်တွင်းပြည်ပ ကရင် လူမှု အဖွဲ့အစည်းတွေ ဘာသာရေး နိုင်ငံရေး အဖွဲ့အစည်းတွေပါ အားလုံး ပါဝင်နိုင်တဲ့ အမျိုးသား ညီလာခံကြီး ဆောင်ရွက်ဖို့လည်း မျှော်လင့်ပါတယ်။ (DKBAကလိုထူးဘော ပြောခွင့်ရ ဗိုလ်မှူး စောလုံ့လုံ၏ ဒီဗီဘီနှင့် အင်တာဗျူးမှ)

ကျနော်တို့ အမြဲတမ်း ပြောနေတာ ရှိပါတယ်။ အဲဒါကတော့ ကျနော်တို့နဲ့ DKBAဟာ ရန်သူမဟုတ်ပါဘူး၊ ကျနော်တို့လည်း သူတို့နဲ့ မတိုက်ချင်ပါဘူး။ ကျနော်တို့ အချိန်မရွေး သူတို့နဲ့ စကားပြောနိုင်ပါတယ်။ (KNU မှ ဗိုလ်မှူးချုပ် စောဆာာဂေ၏ ဧရာဝတီနှင့် အင်တာဗျူးမှ)

ကြံဖွံ-သိန်းစိန် အစိုးရမှ ကရင့် တော်လှန်ရေးကို အပြီးသတ် ခြေမှုန်းရန် ဥာဏ်နီ ဥာဏ်နက်များ ထုတ်သုံးပြီး တစိုက်မှတ်မှတ် လုပ်ဆောင်နေသည့် အချိန် မိမိတို့မှ အောက်ပါ အတိုင်း ပြင်ဆင်ရန် အကြံပြုပါသည်။
(၁) ကရင့်တော်လှန်ရေးကို ကျားကန်ရန် (နိုင်ငံတကာ ကရင်အဖွဲ့ချုပ်ကို ဖွဲ့စည်းကြ)
(၂) ကရင် လူမှု အဖွဲ့အစည်းအတွင်း ကျယ်ပြန့်သည့် (ကရင့် အမျိုးသား ညီညွတ်ရေး တပ်ပေါင်းစုကို ဖွဲ့စည်းကြ) (ကရင့်တပ်မှူးဟောင်း မန်းရောဘတ်ဇန်၏ ကေအဲန်ယူသို့ ပေးစာမှ)

အဲခေါင်သောင့် ရှာဖွေ တင်ပြသည်။

KNU/ KNLA ငြိမ်းကောင်စီနှင့် ဒေါ်အောင်ဆန်းစုကြည်တို့ တွေ့ဆုံ (ဓါတ်ပုံ)

2012-02-10T04:50:00.000-08:00

(Photo - Burma VJ Media Network)

ကေအဲန်ယူနှင့် မြန်မာစစ်တပ်တို့ တပ်မဟာ ၅နယ်မြေတွင် တိုက်ပွဲ ဖြစ်ပွား

2012-02-10T03:34:00.000-08:00

အဲခေါင်သောင့်၊ ဖေဖော်ဝါရီလ ၁၀၊ ၂၀၁၂ခုနှစ်

ကေအဲန်အယ်လ်အေ တပ်မဟာ ၅တပ်ဖွဲ့ဝင်များ

ကေအဲန်ယူ လက်အောက်ခံ ကေအဲန်အယ်လ်အေ တပ်ဖွဲ့နှင့် မြန်မာစစ်တပ်တို့ ယနေ့ မနက်က ကေအဲန်ယူ တပ်မဟာ ၅ နယ်မြေတွင် တိုက်ပွဲ ဖြစ်ပွားခဲ့သည်ဟု စုံစမ်းသိရှိရသည်။
မြန်မာ စစ်တပ်မှ ရတခ လက်အောက်ခံ ခလရ ၉၆တပ်ရင်းမှ စစ်ကြောင်းနှင့် ကေအဲန်အယ်လ်အေ တပ်မဟာ ၅ လက်အောက်ခံ တပ်ဖွဲ့ဝင်တို့ တိုက်ပွဲ ဖြစ်ပွားခဲ့ခြင်း ဖြစ်သည်။
၄၅မိနစ်ခန့် ကြာသည့် အဆိုပါ တိုက်ပွဲ တွင် မြန်မာ စစ်တပ်ဘက်မှ တစ်ဒါဇင်နီးပါး ထိခိုက် သေဆုံးမှုရှိပြီး ကေအဲန်အယ်လ်အေ ဘက်မှ အထိအခိုက် မရှိကြောင်း သိရှိရသည်။
မြန်မာစစ်တပ်မှ အပစ်အခတ် ရပ်စဲရေး ဆွေးနွေးနေချိန်ကို အခွင့်ကောင်းယူပြီး စစ်ရေး တိုးချဲ့ လှုပ်ရှားလာမှုကြောင့် တိုက်ပွဲများ ဖြစ်ပွား လာခဲ့ခြင်း ဖြစ်ပြီး ဆက်လက်ပြီး စစ်ရေး တိုးချဲ့မှုများ ပြုလုပ်လျှင် တိုက်ပွဲ ပိုပြီး ပြင်းထန်လာနိုင်သည်ဟု ကေအဲန်အယ်လ်အေ တပ်မှူးတဦးက ပြောဆိုသည်.။

သမိုင်း ဖြစ်ရပ်မှန် ဆိုသည်မှာ

2012-02-10T01:07:00.000-08:00

စောခင်ထွန်း

ဒို့တာဝန် အရေး သုံးပါးအနက် ကျွန်တော် အသည်းစွဲတဲ့ အချက် တချက်ကတော့ တိုင်းရင်းသား စည်းလုံး ညီညွတ်ရေး ဒို့အရေး ဆိုတဲ့ အချက်ပါပဲ။ ဒီအချက် နဲ့ကို ကျန်တဲ့ အချက် နှစ်ချက် ပြည့်စုံ သွားတယ်လို့ ခံစား မိလို့ပါပဲ။ တိုင်းရင်းသား စည်းလုံး ညီညွတ်ရေး ဘယ်လောက် အရေးကြီးလဲ ဆိုတာ ကျွန်တော် အကျယ်ချဲ့ နေစရာ လိုမယ် မထင်ပါ။ အချင်းချင်း မညီမညွတ်လို့ ကွဲကြ၊ ပြဲကြ၊ တိုက်ကြ၊ ခိုက်ကြတာလည်း နှစ်ပေါင်း ဘယ်လောက် ကြာနေပြီလဲ။ ပြန်ပြီး စဉ်းစား ဆင်ခြင်ဖို့ ဒီကနေ့ ပြည်ထောင်တွင် ရှိတဲ့ တိုင်းရင်းသား တိုင်းအတွက် ပထမ ဦးစားပေး ကိစ္စ တစ်ရပ်ပါ။

ကျွန်တော်တို့ ပြောရရင် လူဖြစ်လာ ကတည်းက ဒုတိယ ကမ္ဘာစစ်ကြီးနဲ့ ကြုံရတယ်။ ပြီးတော့ လွတ်လပ်ရေး မတိုင်မီနဲ့ လွတ်လပ်ရေး ရပြီးကတည်းက ပြည်တွင်း သောင်းကျန်းမှုကြီး ကျွန်တော် ကရင်တဦး ဖြစ်လေတော့ ကရင်အကြောင်း ပြုပြီး ဒီကိစ္စ စဉ်းစား သွားချင်ပါသည်။ အင်္ဂလိပ် အပြေး ဂျပန်အ၀င်က စခဲ့တဲ့ ကရင်-ဗမာ ပဋိပက္ခ အခု ရှင်းသွားပြီလား။ ဒါကိုပဲ ဆင်ခြင် နေမိသည်။ တကယ် ရှိခဲ့တဲ့ ဖြစ်ရပ်မှန်ကို ဖုံးကွယ်ရုံ မြှောက်ဖျက်ရုံနဲ့ ကရင်-ဗမာအဓိကရုန်းတွင် တာဝန် မကင်းခဲ့ပါ ဆိုတဲ့ ဗိုလ်ကျော်ဇောပုံ မရှင်းနိုင်ပါဘူး။ ဟိုတုန်းက ဖြစ်ပျက်ခဲ့တာကို အကြောင်းပြုပြီး သံသယ စိတ်တွေ ကိန်းအောင်း နေမယ်ဆိုရင် ပြီးနိုင်စရာ ပြေလည်စရာ နည်းပါလိမ့်မယ်။

နည်းလမ်းကတော့ ဖြစ်ရပ်တွေကို ကောင်းကောင်း နားလည် သဘောပေါက် အဖြေရှာကြဖို့ပဲ ဖြစ်တယ်။ အဖြေကို ကျွန်တော် စဉ်းစား အဖြေရှာနေတုံး ဖြစ်ရပ်မှန် တချို့ကို (၂၀၁၁)ခုနှစ် ဇူလိုင် (၂၁)ရက်နေ့ထုတ် Northern Star ဂျာနယ်မှာ သခင်တင်မြ ရေးတဲ့ ဆောင်းပါးနဲ့ (၂၀၁၁)ခုနှစ် သြဂုတ်လ (၂၅)ရက်ပါ ကျော်ဇင်(စာနယ်ဇင်း)တို့ရဲ့ ဆောင်းပါး နှစ်ပုဒ်တို့မှာ သူတို့၏ အတွေ့အကြုံ သိရှိထားတဲ့ ကရင်-ဗမာ အရေးကိစ္စ အရှိတိုင်း ရေးချလိုက်တာကို ဖတ်ရှူလိုက်ရတဲ့အတွက် ၀မ်းလည်းသာ၊ ကျေးဇူးလည်း တင်ရပါတယ်။ ဘာကြောင့်လည်း----- ကျွန်တော် တခါမှ တိတိကျကျ သေသေချာချာ မသိခဲ့တဲ့ အကြောင်းတွေ သိလိုက်ရလို့ပဲ။ အလွန်ကောင်းတဲ့ အဖြေတခု ကျွန်တော် ရရှိလိုက်ပါတယ်။

ဟိုတုန်းက တဆင့်စကားနဲ့ ကြားခဲ့ရတာတွေဟာ မတိကျ မရေရာတွေပါ။ မသေချာတော့ တဆင့်စကားနဲ့ တစ်ဦးအပေါ် တစ်ဦး အမုန်းပွားခဲ့ခြင်းက ကရင်-ဗမာအရေး ပေါ်ခဲ့တယ်လို့ ကျွန်တော် သုံးသပ်မိတယ်။ ဆရာကြီး နှစ်ဦးရဲ့ ဆောင်းပါးများကို ကျွန်တော် ညွန်းနေရုံနဲ့ မပြည့်စုံလို့ ယူဆတဲ့အတွက် သူတို့ရဲ့ အာဘော်အတိုင်း ဖြည့်စွက် ဖော်ပြချင်ပါတယ်။ ဆရာကြီးနှစ်ဦးကိုလည်း ဒီဆောင်းပါးထဲကနေ ခွင့်ပန်လိုပါတယ် ခင်ဗျား။

ဆရာကြီး သခင်တင်မြ ရေးသားချက် (အစဖော်ပြ) (၁၉၄၂)ခု ဧပြီလ ဆန်းလောက်တွင် ကရင်-ဗမာ ပဋိပက္ခ စတင်ဖြစ်ပွားရခြင်း ဖြစ်သည်။ မတ်လတွင် ဗြိတိသျှတပ်များ ဆုတ်ခွာသွားရာတွင် လက်နက်ကိုယ်စီဖြင့် ကိုယ့်ဒေသ၊ ရပ်ရွာများကို ပြန်လာကြသည့် ကရင်စစ်သားများသည် မိမိတို့ ကျေးရွာ ပြန်အရောက်တွင် ကျေးရွာ စည်းရိုးများကို အခိုင်အခံပြု ကတုတ်ကျင်းများ တူး၍ အစောင့် အရှောက်များကို စနစ်တကျ ချထားလေတော့သည်။

`ဤတွင် လွပ်လပ်ရေး စိတ်ဓါတ်ဖြင့် သွေးကြွနေသည့် ဒေသဆိုင်ရာ BIAတပ်သားများသည် ကရင်စစ်ပြေးထံမှ လက်နက်များကို အတင်းသိမ်းရာ ဤတွင် ကရင်-ဗမာ ပဋိပက္ခ ဖြစ်ပွားလာတော့သည်။ ကရင်စစ်ပြေးများသည် လက်နက်ကို ခံမင်ကြသည်ဖြစ်ရာ BIAတပ်သားများကို စစ်ပြေးကရင်များကလည်း လွတ်လပ်ရေးအတွက် စိတ်ဓါတ်ပြင်းစွာဖြင့် ဗြိတိသျှ နယ်ချဲ့သမားများကို တိုက်ခိုက် ဖျက်ဆီးသူများဟု မြင်နေသဖြင့် ကရင်-ဗမာ ပဋိပက္ခသည် ပိုမို ကျယ်ပြန့်လာတော့သည်။

ဗမာ့ လွတ်လပ်ရေး တပ်မတော် စစ်သေနာ ပတိချုပ် ဗိုလ်မှူးကြီး မိုးကြိုး (ကာနယ်ဆူဇူကီး)၏ လက်ထောက် ဂျပန်တပ်မှူး တဦး ဖြစ်သည့် ဗိုလ်အီဂျူးမားသည် ကရင်စစ်ပြေး လက်ဖြောင့် သမားတဦး၏ လက်ချက်ဖြင့် မြောင်းမြ သိလ္လာနယ်တွင် ကျဆုံးသွားခြင်းကြောင့် ဗိုလ်မိုးကြိုးတယောက် ဒေါသ အကြီးအကျယ် ထွက်ပြီး မြောင်းမြနယ်သို့ စစ်ဆင်ရေး အမိန့် ထုတ်လိုက်သည်။

ဤစစ်ဆင်ရေး အမိန့်ထုတ်သူမှာ ဗိုလ်မိုးကြိုးဖြစ်ပြီး တပ်ရင်းတရင်း ပို့ရသူသည် ဗိုလ်ကျော်ဇော ဖြစ်ပါသည်။ ထိုအချိန်က ဗမာ့တပ်မတော် မြောက်ပိုင်း ချီတပ်နှင့် အတူ ဗိုလ်ချုပ်အောင်ဆန်း၊ ဗိုလ်မှူးကြီးလက်ျာ၊ ဗိုလ်မှူးကြီး ဇေယျ၊ ဗိုလ်မှူးကြီး နေ၀င်းစသည့် ဗမာ့လွတ်လပ်ရေး တပ်မတော် တပ်မှူးကြီးများသည် ရန်ကုန်တွင် မရှိကြပါ။

အခြေအနေ ပိုဆိုးသွားသည့် အကြောင်းမှာ မြောင်းမြသို့ ဗိုလ်မိုးကြိုးအမိန့်ဖြင့် စေလွတ်ခဲ့သည့် ဂျပန် BIAတပ်များ ရောက်သွားပြီး ကရင်ရပ်ကွက်ကို ၀ိုင်း၍ တိုက်ခိုက်ကြရာ ကရင်နိုင်ငံရေး ခေါင်းဆောင် စောဖေသာ (စစ်မဖြစ်မီက ဥပဒေပြု လွတ်တော် ဒုတိယဥက္ကဌနှင့် နန်းရင်းဝန်၊ ၀န်ကြီးချုပ် ဂဠုန်ဦးစော၏ အစိုးရ အဖွဲ့ဝင် ၀န်ကြီး)က သေနတ်ဖြင့် ခုခံတိုက်ခိုက်ရာ သူ့ဇနီး (အင်္ဂလိပ်မ)နှင့် ကလေးနှစ်ယောက်ပါ ပစ်သတ်ခံရပြီး မီးရှို့သဖြင့် သေဆုံးသွားခြင်း၊ အိမ်မဲမြို့တွင်လည်း ဗုံးကျင်းထဲ ၀င်ပုန်းနေကြသည့် ခရစ်ယာန် သီလရင်နှင့် ကရင်အမျိုးသမီး သူနာပြုများကို ယိုးဒယားပြန် ဗိုလ်လှဖေနှင့် ဗိုလ်စိန်မှန်တို့ ခေါင်းဆောင်သည့် တပ်များက အစုလိုက်အပြုံလိုက် သတ်ဖြတ်ခြင်းတို့သည် မီးလောင်ရာ လေပင့်သကဲ့သို့ ဖြစ်စေခဲ့ပါသည်။ ဗိုလ်ကျောဇောသည် ဤကရင်-ဗမာ ပဋိပက္ခဖြစ်ပွားစေရန် လှုံဆော်သူ မဟုတ်ပါ။ စတင် ဖြစ်ပွားစေခဲ့ခြင်းမှာ ဂျပန် ဗိုလ်မိုးကြိုး အမိန့်ကို နာခံ၍ မိမိလက်အောက်ရှိ တပ်များကို အပ်လိုက်ရခြင်းသာ ဖြစ်ပါသည်။ သို့သော် ဗိုလ်ကျော်ဇောသည် သွယ်ဝိုက်ပြီး တာဝန်ရှိသူအဖြစ် အမြဲ နောင်တရနေသူ ဖြစ်သည်။ (အဆုံးဖော်ပြ)

ဆရာကျော်ဇင်(စာနယ်ဇင်း) ဆောင်းပါးတွင်ကား ဗိုလ်ချုပ်ကျော်ဇော၏ ကိုယ်ရေး အတ္ထုပ္ပတိမှ ဖြစ်ကြောင်း ဖော်ပြထားပါသည်။ လိုရင်းကို ထုတ်နှုတ် ဖော်ပြသွားပါမည်။

(အစဖော်ပြ) ရန်ကုန်တွင် ကျွန်တော် (ဗိုလ်ကျော်ဇော)၏ တပ်သား ချန်ထားပြီး အောက်မြန်မာနိုင်ငံ BIAတပ်ဖွဲ့များကို အုပ်ချုပ် ထိန်းသိမ်းရန်နှင့် ရန်ကုန်တွင် ကျွန်တော်က ဗိုလ်သင်တန်းတခု ဖွင့်ပြီး စစ်ဗိုလ်လောင်းများကို သင်တန်းပေး၍ နောင်တပ်သစ်များ ဖွဲ့ရာတွင် ဗိုလ်လောင်းရရှိအောင် စုဆောင်းထားရန် တာဝန်ပေးပါသည်။

ထိုကာလအတွင်းမှာ အောက် မြန်မာ နိုင်ငံ မြစ်ဝကျွန်းပေါ်ဒေသတွင် BIAတပ်များက ကရင်များကို သတ်ဖြတ်ခြင်း ဆိုတဲ့ ကိစ္စ ပေါ်လာခဲ့ပါသည်။ ထိုကိစ္စ ကျွန်တော် မှတ်မိသလောက် ယခုပြန်ပြီး ရေးပါမည်။ ဒီကိစ္စ ကျွန်တော် ဗိုလ်ကျော်ဇော တာဝန် မကင်းခဲ့ပါ။ ဧရာဝတီ မြစ်ဝကျွန်းပေါ် မြောင်းမြ ခရိုင် အတွင်း ဖြစ်သည်။ ကာလက (၁၉၄၂)ခုနှစ် အလယ်လောက်မှာ ဖြစ်ပြီး အင်္ဂလိပ်တပ်များက ဂျပန်နှင့် BIAတို့၏ ထိုးစစ်ကြောင့် အိန္နိယသို့ အပြင်းဆုတ်ခွာနေချိန် ဖြစ်သည်။ ၄င်းတို့က ဆုတ်ခွာမှုကို အထောက်အကူ ပြုစေရန် ၀ါဒ ဖြန့်ခဲ့တာက တို့မတတ်သာလို့ ဆုတ်ခွာရတယ်။ သုံးလအတွင်း ပြန်လာကြမယ်။ ဒီအတွင်း မင်းတို့ ဂျပန်ကို တတ်နိုင်သလောက် ဆန့်ကျင် တိုက်ခိုက်ကြဟု လှုံဆော်ခဲ့ကြသည်။ လက်နက်အချို့ကို ထုတ်ပေးခဲ့သည်ဟု ဆိုကြသည်။ ထို့ကြောင့် ဗြိတိသျှတို့ကို လိုလား အားကိုးကြသော ကရင်အမျိုးသား အများစု ရှိရာ မြစ်ဝကျွန်းပေါ်မှာ ကရင်ပုန်ကန်မှု စတင်ဖြစ်ပွားခဲ့သည်။ သူပုန်ခေါင်းဆောင် ကရင်အမျိုးသား ရွေထွန်းကြာ ဖြစ်သည်။

တပ်ကူ လွတ်သင့် မလွတ်သင့် စဉ်းစားနေစဉ် ထိုကာလက ကျွန်တော်ရုံးကို မကြာခဏ လာတတ်ပြီး အကူအညီ အကြံဉာဏ်များ ပေးနေတတ်သည့် သခင်ဗိုလ်က “ဒီကိစ္စ ငြိမ်းငြိမ်းချမ်းချမ်း ဖြေရှင်းတာ ကောင်းတယ်။ ရန်ကုန် သရက်တောတိုက်မှာ ကရင်ဘုန်းကြီး ဦးပဏ္ဍ၀ဆိုတာ ရှိတယ်။ သူဟာ နိုင်ငံရေးလည်း နားလည်၊ ကရင်တွေ အပေါ်မှာလည်း အတော် သြဇာ ရှိတယ်။ ထိုဆရာတော်ကို ကာကွယ်ဖို့ တပ်နည်းနည်း ပေးပြီး ထိုဒေသအတွင်း လှည့်လှည်ရင်း ငြိမ်းချမ်းရေး တရားဟော နားချရင် ငြိမ်းချမ်းနိုင်တယ်။”ဟု အကြံပြုပါသည်။

ကျွန်တော်သည် ကျွန်တော်တပ်မှ သင့်တော်မည့် တပ်စု(လူသုံးဆယ်)ခန့် ဆွဲထုတ်ပြီး ဗိုလ်သင်တန်းမှ အတော် ရည်မွန် ပျော့်ပြောင်းတဲ့ တက္ကသိုလ် ကျောင်းသားတဦးကို လက်ဖတင်နဲ့ ဗိုလ်ရာထူးပေးပြီး သခင်ဗိုလ် အစီအစဉ်အတိုင်း ဆရာတော် ဦးပဏ္ဍ၀နှင့် ထိုကရင်ဒေသသို့ လွတ်လိုက်ပါသည်။ ရွာတွေ လှည့်ပြီး တရားဟောကြသည်။ ဒီကြားထဲ သူပုန်ခေါင်းဆောင် ရွေကြာထွန်းက တပ်မှူးနှင့် စကားပြောလိုကြောင်း ခေါ်၍ တပ်သားနှစ်ယောက် လွတ်လိုက်ရာ သတ်ပစ်ခြင်း ခံရပါသည်။. နောက်တကြိမ်လည်း ဒီလိုပဲ ခံရသည်။ ဆရာတော်က စိတ်မပျက်ပဲ ဆက်ဟော ပြောနေသည်။ ထိုကြောင့် အခြေအနေ အတော် အေးချမ်းစ ပြုလာသည်။

ထိုအချိန်မှာ ဗိုလ်မိုးကြိုး(ဆူဇူကီး)၏ မီနာမီကန်မှ ဂျပန်တွေ ထိုကိစ္စ သိသွားသည်။ ဒီငြိမ်းချမ်းရေး ကိစ္စ သူတို့ လုပ်မည်ဆိုကာ ဂျပန် ဗိုလ်မှူးကြီးတဦး ခေါင်းဆောင်ပြီး ကျွန်တော့် တပ်စုလေးနှင့်အတူ ထိုဒေသသို့ ထွက်သွားကြသည်။ ယင်းဗိုလ်မှူးကြီး ထိုဒေသတွင် ကျဆုံးသွား သဖြင့် ဗိုလ်မိုးကြိုးက ကျွန်တော့်ကို ခေါ်ပြီး မြောင်းမြသို့ သွားပါသည်။ ကျွန်တော် တပ်စုလည်း အထိနာ ခေါင်းဆောင် ဗိုလ်ကလေးလည်း ကျဆုံးသွားသည်။ ဗိုလ်မိုးကြိုးက သူပုန်ရှိသည်ဟု ယူဆရသော ရွာများကို တက်သိမ်းရန် တိုက်ခိုက်တော့သည်။ ခုခံသူ အားလုံးကို သတ်ခိုင်းသည်။ တစ်ပတ်ခန့် တိုက်ခိုက်ရာ ကရင် ရွာသူရွာသား အများအပြား သေခဲ့ပါသည်။ ဗိုလ်မိုးကြိုးသည် ထိုသို့ တိုက်ခိုက်ရန် သတ်ရန် ကိုယ်တိုင် အမိန့် ပေးသလို ကျွန်တော်က တဆင့်လည်း အမိန့်ပေးပါသည်။ (အဆုံးဖော်ပြ)

ဤမျှဆိုလျှင် စာဖတ်သူအနေနှင့် သုံးသပ်စရာ အချက်အလက် ပြည့်စုံနိုင်ပေသည်။ ကျွန်တော်အနေနှင့် ဆရာကြီး သခင်တင်မြ ဖော်ပြသည့် အချက်များနှင့် ဗိုလ်ချုပ် ကျော်ဇော ကိုယ်တိုင်ရေးမှ ကောက်နှုတ်ဖော်ပြချက်အရ တာဝန်ရှိသူကို ကွက်ကွက်ကွင်းကွင်း မြင်ရပါသည်။ ကာယကံရှင်၏ ရေးသားချက်မှာ အဓိက ဖြစ်ပါသည်။ တစ်စုံတရာ ချန်လှပ်ထားခြင်း ရှိမရှိကိုတော့ ကျွန်တော် မဝေဖန်လိုပါ။ ဤမျှနှင့်ပင် ကရင်-ဗမာအရေး ဘယ်သူ တရားခံလဲ တွေ့နိုင်ပြီဟု ဆိုချင်ပါသည်။ ဗိုလ်ချုပ် ကျော်ဇောကိုယ်တိုင်က တာဝန်မကင်းပါဟု အတိအလင်း ရေးသလို ဤကိစ္စအတွက် အမြဲ နောင်တရနေကြောင်း ဆိုသည်မှာ ၀န်ခံချက်ပင် ဖြစ်သည်။ ဤတွင် ကျွန်တော်အနေဖြင့် ဗိုလ်ချုပ် ကျော်ဇောကို အပြစ်မြင်သည် ဆိုသည်ထက် ချီးကျူးလိုပါသည်။ ဤကိစ္စ သူကိုယ်တိုင် ပြော၍သာ ကျွန်တော်တို့ သိရသည်။ အမှားကို ၀န်ခံရဲသူ ရှားပါးသည်။ ဤသို့ ၀န်ခံလိုက်ခြင်းကြောင့် ကရင်-ဗမာ သမိုင်း အဖုအထစ်ကြီး ပြေသွားစေနိုင်သည်ဟု ကျွန်တော် ဤသို့ ဆိုချင်ပါ၏။

ဒီတော့ ဘာလုပ်ချင်သလဲ၊ ဗိုလ်မိုးကြိုးလည်း မရှိတော့ပါ။ ဗိုလ်ချုပ် ကျော်ဇောလည်း သူ့သဘော သူဆောင်လျှက် တပ်မတော်မှ ဇတ်သိမ်းသွားခဲ့ပြီ။ ယခုအသက်လည်း ကြီးလှပြီ။ ထို့ပြင် မြန်မာနိုင်ငံ တွင်းမှာ မနေနိုင်၍ အိမ်နီးချင်း တနိုင်ငံတွင် ခိုလှုံလျက် ဖုတ်လှိုက်ဖုတ်လှိုက် ဖြစ်နေချိန်ပါ။ ခွင့်လွတ်ကြပါ ဟူ၍ လည်းကောင်း၊ အရေးယူပါ ဟူ၍ လည်းကောင်း ပြောဆိုရမည့် အချိန် အဟုတ်တော့ပါ။ ကိုယ်ဆက်လုပ်စရာ ဘာလဲ ဆိုတာကိုသာ စဉ်းစား၍ အဖြေရှာရန် သာ ရှိပါတော့သည်။ တစ်ဦး အပေါ် တစ်ဦး အပြစ်ဆိုရေးလော၊ တစ်ဦးနှင့် တဦး ချစ်ကြည်စွာ လက်တွဲလျက် ဒို့တာဝန် အရေးသုံးပါးကို လက်တွေ့ရှိရှိ အနှစ်သာရ အကောင်အထည်ဖော်ရေးလော။
စောခင်ထွန်း (၂၇၅၀ခုနှစ်ထုတ် ကရင့်ကြေးမုံမှ ပြန်လည် ဖော်ပြသည်။)

KNU/ KNLA ငြိမ်းကောင်စီနှင့် မြန်မာ အစိုးရတို့၏ တွေ့ဆုံ ဆွေးနွေးမှု မှတ်တမ်း

2012-02-09T01:35:00.000-08:00

KNU/ KNLA ငြိမ်းကောင်စီနှင့် မြန်မာ အစိုးရတို့၏ တွေ့ဆုံ ဆွေးနွေးမှု မှတ်တမ်း

ကရင့် တော်လှန်ရေးနေ့ အထူးအစီအစဉ် (DVB ရုပ်သံ)

2012-02-09T00:05:00.000-08:00

်ကရင့်တော်လှန်ရေး အကြောင်း မသိသေးသူတွေရော အနည်းအကျဉ်း သိသေးသူတွေအတွက်ပါ အထောက်အကူ ဖြစ်မည့် မှတ်တမ်း တခု ဖြစ်ပါသည်။ သမိုင်းကို အရည်ကြို သောက်ထားသူဟု တင်စားရ လောက်သည့် အဖူး ပဒိုသမိန်ထွန်း ရှင်းပြ ထားခြင်း ဖြစ်သည်။ နောက်ခံ သီချင်းကိုဖြင့် အထူးတပ်ရင်း ၁၀၁မှ ကရင့်တော်လှန်ရေးအတွက် ဂုဏ်ပြုထားသည့် သီချင်းဖြစ်သည်။

မြန်မာအစိုးရနှင့် KNU/KNLA ငြိမ်းကောင်စီတို့ ပဏာမ ငြိမ်းချမ်းရေး သဘောတူညီချက် ၇ချက် လက်မှတ် ရေးထိုး

2012-02-07T22:48:00.000-08:00

KNU/KNLAငြိမ်း ကောင်စီနှင့် မြန်မာ အစိုးရတို့ မနေ့ ဖေဖော်ဝါရီလ ၇ရက်နေ့တွင် တွေ့ဆုံ ဆွေးနွေးကြရာ ပမာဏအဆင့် ငြိမ်းချမ်းရေး သဘောတူညီချက် ၇ချက်ကို လက်မှတ်ရေး ထိုးခဲ့ကြသည်။

အဆိုပါ ဆွေးနွေးပွဲသို့ မြန်မာ အစိုးရဘက်မှ ပြည်ထောင်စု အဆင့် ငြိမ်းချမ်းရေး ဆွေးနွေးရေး အဖွဲ့ ခေါင်းဆောင် ဦးအောင်သောင်း၊ ဒုခေါင်းဆောင် ဦးသိန်းဇော်နှင့် အဖွဲ့ဝင်များ တက်ရောက်ခဲ့ကြပြီး KNU/ KNLA ငြိမ်းကောင်စီဘက်မှ ဗိုလ်ချုပ် ထိန်မောင်၊ ဗိုလ်ချုပ်စောရင်နု၊ ဗိုလ်ချုပ် နော်ကပေါ်ထူး၊ ဗိုလ်မှူးချုပ် တီမသေ၊ ဗိုလ်မှူးအယ်ကော်ထူး၊ အခြား အဖွဲ့ဝင်များ ဖြစ်သည့် နော်စရင်းနာ၊ စောဂျိူးဇက်နှင့် တရားဟော ဆရာ စောအောင်သန်းတို့ တက်ရောက် ခဲ့ကြသည်။

Photo-Yangon times

ပမာဏအဆင့် ငြိမ်းချမ်းရေး သဘောတူညီချက် ၇ချက်မှာ-

၁၊ တပ်မတော်နှင့် ငြိမ်းချမ်းရေး ကောင်စီကြား တည်ရှိနေသည့် ငြိမ်းချမ်းရေးကို ဆက်လက်ထိမ်းသိမ်းမည်။

၂၊ KNU/KNLA ငြိမ်းချမ်းရေး ကောင်စီ တပ်ဖွဲ့ဝင်များကို မယ်လ၊ ထောကိုကိုးတွင် အခြေပြုနေထိုင်ရန် သဘောတူသည်။

၃၊ နှစ်ဖက် အပြန်အလှန် ပြောဆို ဆွေးနွေးမှုများတွင် နှစ်ဖက် သဘောတူညီသော နေရာတွင် နှစ်ဖက်သဘောတူညီသော ပုဂိုလ်များဖြင့် ဆက်ဆံရေး ဌာနစခန်းများကို ထူထောင်မည်။
ကုမဏီ၏ ဆက်ဆံရေး ရုံးများကို ဖားအံ၊ မြ၀တီ၊ ဘုရားသုံးဆူ၊ မောတော၊ ကော့သောင်းတွင် ထားရှိမည်။

၎၊ နှစ်ဖက် သဘောတူညီထားသော နယ်မြေမှအပ လက်နက်ကိုင်ဆောင်မှုများကို နှစ်ဖက် ကြိုတင်ညှိနှိုင်းပြီး ဆွေးနွေးမည်။

၅၊ ပြည်ထောင်စုအဆင့် ငြိမ်းချမ်းရေး ဆွေးနွေးရေး အဖွဲ့နှင့် ငြိမ်းကောင်စီတို့ နှစ်ဦး သဘောတူညီသော နေရာ အချိန်ကာလတွင် တွေ့ဆုံပြီ့း နယ်မြေ တည်ငြိမ် အေးချမ်းရေး၊ ဖွံဖြိုးရေး၊ အဖွဲ့ဝင်များ အခြေကျ နေထိုင် စားသောက် လုပ်ကိုင်ရေး၊ ထာဝရ ငြိမ်းချမ်းရေး ရရန်အထိ ဆက်ဆွေးနွေးရန် သဘောတူသည်.

၆၊ ပဏာမ ငြိမ်းချမ်းရေး ဆွေးနွေးပြီးသည့်နောက် တဖက်နိုင်ငံတွင် ရောက်ရှိနေသော် တိုင်းရင်းသားတို့၏ ပြန်လည် ၀င်ရောက် အခြေချမည့် နေရာတွင် ၄င်းတို့၏ စားဝတ်နေရေး၊ ကျန်းမာရေး၊ လမ်းပန်း ဆက်သွယ်ရေး၊ ရေ၊ မီး စသည့် ဖွံဖြိုးရေး လုပ်ငန်းများ အတွက် အလျင်အမြန် အကောင် အထည်ဖော် ဆောင်ရွက်နိုင်ရေးအတွက် နိုင်ငံတော်မှ ခွင့်ပြု၍ ကိုယ်ထူကိုယ်ထ လုပ်ဆောင်ခွင့်ကို ပံ့ပိုးသွားမည်။

၇၊ KNU/KNLA ငြိမ်းကောင်စီမှ တင်ပြထားသည့် ငြိမ်းချမ်းရေး အဓိပ္ပါယ် ဖွင့်ဆိုချက်အပေါ် မူအားဖြင့် သဘောတူ၍ နှစ်ဦးနှစ်ဖက်မှ ကြိုးပမ်းသွားမည် ဖြစ်သည်။

ကရင့်နယ်ခြားစောင့် တပ် ကုမ္ပဏီ များ ဖားအံ စက်မှုဇုံတွင် ရင်းနှီးမြုပ်နှံခဲ့ကြ

2012-02-07T20:17:00.000-08:00

အဲခေါင်သောင့်၊ ဖေဖော်ဝါရီလ ၈ရက်၊ ၂၀၁၂ခုနှစ်။

တချိန်က ဒီကေဘီအေ ယခုတော့ နယ်ခြားစောင့်တပ် အမည်ခံ စီးပွားရေး သမားများ

ဝဲမှယာ ဗိုလ်မုတ်သုံ၊ ဗိုလ်ချစ်သူ (ချစ်လင်းမြိုင် ကုမ္ပဏီ)၊ ဗိုလ်မှူးဘသိန်း (သိန်းလင်းမြိုင်ကုမ္ပဏီ)ီ်ီ

ကရင်ဒေသအတွင်း တည်ဆောက်မည့် ဖားအံ စက်မှုဇုံတွင် ကရင်နယ်ခြားစောင့်တပ် ခေါင်းဆောင်များ၏ ကုမ္ပဏီများ ရင်းနှီးမြုပ်နှံခဲ့ကြသည်ဟု သိရှိရသည်။

အဆိုပါ စက်မှုဇုံတွင် ဒီကေဘီအေကနေ နယ်ခြားစောင့်တပ် အသွင်ပြောင်းခဲ့သူ ဗိုလ်မှူး ဘသိန်း၏ သိန်းလင်းမြိုင် ကုမ္ပဏီက ဟိုတယ်နှင့် ဂေါက်ကွင်း၊ အထည်ချုပ် စက်ရုံနှင့် အချိုရည် စက်ရုံတို့ကို လုပ်ကိုင်ရန် အခြားကုမ္ပဏီများနှင့်အတူ ရင်းနှီးမြုပ်နှံခဲ့ကြပြီး အခြေခံ စက်ရုံအချို့ကို တည်ဆောက်ရန် လွန်ခဲ့သည့်နှစ် ဒီဇင်ဘာလကတည်းက အုပ်မြစ်ချခဲ့သည်ဟု ဒေသခံတဦးက ပြောဆိုသည်။

"ဗိုလ်မှူး ဘသိန်းက အခု အထည်ချုပ် စက်ရုံကို စလုပ်တော့မယ်။ သူလုပ်တဲ့ ကရင်နှစ်သစ်ကူးပွဲမှာ သူ့ဆီမှာ ဒုံးလာကတဲ့ လူတွေကို အဲဒီစက်ရုံတွေမှာ အလုပ်ပြန်ခန့်မယ်လို့ သတင်းထွက်နေတာပဲ။ နောက်ပြီး ဟိုတယ်လုပ်ငန်းကိုလည်း စတင်ဖို့ ရှိပါတယ်။ သူ့ကုမ္ပဏီကတော့ ကရင်ပြည်နယ်မှာ ဆိုရင် နည်းနည်း ကြီးတဲ့ ကုမ္ပဏီပေါ့။ အဲဒါကြောင့် အဲဒီလုပ်ပိုင်ခွင့်ကို ရတာ"ဟု ဒေသခံတဦးက ပြောဆိုသည်။

ဘားအံစက်မှုဇုန်ကို ဇုန်လေးပိုင်း သတ်မှတ်ထားပြီး ဇုန်-၁ ကို နိုင်ငံခြားမှ လာရောက် ရင်းနှီး မြှုပ်နှံမည့် သူများ အတွက် လည်းကောင်း ဇုန်-၂ ကိုမူ ပြည်တွင်း လုပ်ငန်းရှင် များအတွက် လည်းကောင်း ဇုန်-၃ ကို ကရင်ပြည်နယ် ဒေသခံ ရင်းနှီးမြှုပ်နှံသူများအတွက် လည်းကောင်း ဇုန်-၄ မှာမူ ကရင်ပြည် နယ် မြိုင်ကြီးငူ ဒေသမှ အဖွဲ့များအတွက် လည်းကောင်း သတ်မှတ် ထားသည်ဟု သိရသည်။

အဆိုပါ ဇုံ ၄တွင် ဗိုလ်မှူးဘသိန်း၏ သိန်းလင်းမြိုင်ကုမ္ပဏီ အပါအ၀င် မြိုင်ကြီးငူ အထူးဒေသမှ အဖွဲ့များအတွက်ဟု အစိုးရက သတ်မှတ်ထားကာ အကွက်ပေါင်း ၃၂၄ ကွက်နှင့် အကျယ်အ၀န်း ၉၉ ဧက ရှိသည်ဟု ဆိုသည်။

ဗိုလ် မှူး ဘသိန်းသည် နယ်ခြားစောင့်တပ် အသွင်မပြောင်းခင်က ဒီကေဘီအေအဖြစ် မြိုင်ကြီးငူဒေသတွင် စီးပွားရေး တာဝန်ခံအဖြစ် ဆောင်ရွက်ခဲ့ပြီး နယ်ခြားစောင့်တပ် အသွင်ပြောင်း အပြီးတွင်လည်း ဗိုလ်မှူးကြီးဘိ ဦးဆောင်သည့် နယ်ခြားစောင့်တပ် ၁၀၁၂၏ စီးပွားရေး တာဝန်ခံအဖြစ် ဆက်လက် တာဝန်ယူခဲ့သည်။

လွန်ခဲ့သည့် နှစ် ဇွန်လက ဗိုလ်မှူးကြီးဘိနှင့် တပ်ဖွဲ့ဝင် အများအပြား ဒီကေဘီအေ တံဆိတ် ပြန်လည် တပ်ဆင်ပြီး နယ်ခြားစောင့်တပ် လက်မခံသည့် အချိန်တွင် ဗိုလ်မှူး ဘသိန်းသည် နယ်ခြားစောင့်တပ် အဖြစ်သာ ရပ်တည်ကာ စီးပွားရေးကို တစိုက်မှတ်မှတ်ဖြင့်ပင် ဆက်လက် လုပ်ကိုင်ခဲ့သည်။

ဗိုလ်မှူးဘသိန်းသည် စီးပွားရေး လုပ်ပိုင်ခွင့်များကြောင့် တဖြည်းဖြည်း ချမ်းသာလာပြီး အခွင့်ထူးခံ ဖြစ်လာသော်လည်း မည်သည့် ခံစားခွင့်မှ မရကြသည့် သူလက်အောက် ငယ်သားတွေ၏ လုပ်ကြံမှုတခု လွန်ခဲ့သည့်နှစ် မေလက ထီလုံအရပ်တွင် ဖြစ်ပွားခဲ့သော်လည်း အသက်ဘေးမှ လွတ်မြောက်ခဲ့သူ ဖြစ်သည်။

ယခုအခါ ဗိုလ်မှူးဘသိန်းသည် ကရင်ပြည်နယ်တွင် သူဌေးစရင်းဝင် နေပြီး လောဘရမ္မက်ကြောင့် စီးပွားရေး လုပ်ပိုင်ခွင့် အမျိုးမျိုးကို လက်ဝါးကြီး အုပ်ချင်နေသည်ဟု ဒေသခံတွေက ဆိုသည်။

ထို့အပြင် ကရင်ဒေသအတွင်း အခြားစက်မှုဇုံတခုကို မြ၀တီဘက်တွင် အကောင်အထည် ဆက်ဖော်မည်ဟု အစိုးရ တာဝန်ရှိသူများက ထုတ်ဖော်ပြောဆိုနေပြီး အဆိုပါ စက်မှုဇုံတွင် ဗိုလ်မှူးဘသိန်း၏ သိန်းလင်းမြိုင် ကုမ္ပဏီအပါအ၀င် ကရင် နယ်ခြားစောင့်တပ်မှ ဗိုလ်ချစ်သူ၏ ချစ်လင်းမြိုင်ကုမ္ပဏီနှင့် ဗိုလ်မုတ်သုန်တို့ ၏ ကုမ္ပဏီတွေ လုပ်ပိုင်ခွင့်တွေ ရရှိနိုင်သည်ဟုလည်း သုံးသပ်ပြောဆိုနေကြသည်။

မွန်ပြည်သစ်ပါတီ ငြိမ်းချမ်းရေးဆွေးနွေးပွဲနဲ. ပတ်သက်၍ BURMA VJ Media သတင်း အသုံးအနှုန်းကြောင့် ငြင်းခုံနေကြ

2012-02-07T18:55:00.000-08:00

အဓိက ငြင်းခုံနေသည့် အသုံးအနှုန်းကို မှင်နီဖြင့် ဟိုင်လိုက် ပေးထားသည်။

အောက်ပါ ဘာမားဗီဂျေသတင်းက သုံးနှုန်းထားသည့် အသုံးအနှုန်းကို မရှင်းမလင်း ဖြစ်နေကြသည်၊ အစိုးရ နှင့် မွန်ပြည်သစ် ပါတီ ငြိမ်းချမ်းရေး ဆွေးနွေး ဝန်ကြီး ဦးအောင်မင်း ဦးဆောင်သည့် ငြိမ်းချမ်းရေး ကိုယ်စားလှယ် အဖွဲ့နှင့် မွန်ပြည်သစ်ပါတီ ဒုတိယ ဥက္ကဌ နိုင်ရောစ ဦးဆောင်သည့် အဖွဲ့သည် ၂၀၁၂ ခုနှစ် ဖေဖော်ဝါရီ ၁ ရက်နေ့တွင် မော်လမြိုင်မြို့ Strand Hotel ၌ နံနက် ၉း၀၀ နာရီတွင် စတင် တွေ့ဆုံခဲ့ပါသည်။ အဲ့ဒီ အစည်းအဝေး အတွင်း အပစ်အခတ် ရပ်စဲရေးကို သဘောတူ ဆွေးနွေး လက်မှတ် ရေးထိုးခဲ့ကြပြီး အခု ဆွေးနွေးပွဲမှာ ဒုတိယအကြိမ်မြောက် ဖြစ်ပါသည်။ ပထမအကြိမ်မှာတော့ ထိုင်းနိုင်ငံ တွင်း ဆခရဘူရီမြို့၌ အထက်ပါ နှစ်ဖွဲ့မှာ ဆွေးနွေးပြီး ဖြစ်ပါသည်။

By: Burma VJ Media Network

အောက်ပါ ငြင်းခုံနေကြသည့် အသံများ၊

Aow Kou Rot မီဒီယာကို စတုတ္ထမဏ္ဍိုင်လို မျှတချင်တယ် ဆိုရင်တော့ အပြုသဘောနဲ့ ထောက်ပြ သင့်ပါတယ်။ Process တွေကို ရှင်းရှင်း လင်းလင်း နားလည် ရပါတယ်။ သတင်းတွေရဲ့ details တွေကိုလဲ သိနိုင် သလောက် နှိုက်ထုတ်ရပါတယ်။ "နံနက် ၉း ၀၀ နာရီတွင အပစ်အခတ် ရပ်စဲရေးကို သဘောတူ ဆွေးနွေး လက်မှတ် ရေးထိုးခဲ့ကြပါသည်" ဆိုတာ အရမ်းကို မှားနေတဲ့ အရေးအသားပါ။ ကိုယ်စား လှယ်တွေကို အဲလောက်ထိ လုပ်ဆောင်ခွင့် မပေးထားတာ သဘောပေါက် ထားစေလိုပါတယ်။ ကေအန်ယူ ပွဲတုန်းကလဲ အပစ်အခတ် ရပ်စဲရေး သဘောတူ လက်မှတ်ရေးထိုးပြီး အဲဒီလို သုံးနှုန်း ရေးသားတာတွေကို တွေ့ရပါတယ်။ နိုင်ငံကို ကောင်းအောင် ငြိမ်းချမ်းအောင် လူတိုင်း ဆန္ဒရှိကြပါတယ်။ မိမိဆန္ဒစွဲနှင့် မရေး သင့်ပါ။ သတင်းကို သတင်းလို ရေးစေချင်ပါတယ်။ လိုရာကို တွန်းပြီး ရေးတာမျိုးဟာ ဝါဒဖြန့်ချီတဲ့ ပုံစံဖြစ် နေလို့ မိမိကိုယ်ကို လွပ်လပ်မျှတတဲ့ မီဒီယာအနေနဲ့ ရပ်တည်မယ်ဆိုရင် အသုံးအနှုန်းတွေ အချက်အလက် တွေကအစ တိကျ သေချာဖို့ လိုပါတယ်လို့ အကြုံ ပြုပါရစေ။ မီဒီယာကို အစဉ်လေးစားလျက်

Thandar Phyu အရမ်းမှန်တာဘဲ။ အရေးအသားတွေက ကိုယ်လိုရာ ဆွဲပြီးရေးနေသလိုဘဲ။

Nyan Lin Oo ဘာလို့လဲ? ဆွေနွေးပြီး လက်မှတ်ထိုးတာ တကယ်မဟုတ်ဘူးလား? KNU လဲလက်မှတ် ထိုးပြီးပြီလေ။ ဘာတွေကိုဆိုလိုချင်တာလဲ?

Nyan Lin Oo ဒါဆို KNU က အတု လက်မှတ်ထိုးတာပေါ့။ ဗညာ ဃံင်သာင်ဇေတ်ဍာံ ဟာ ရှုပ်ကုန်ပီကွာ ၊ မြန်မာစစ်အစိုးရရဲ့လှည့်ကွက်အောက်မှာ တော်တော်ကြောက်ဖို့ကောင်းတယ်နော်၊ တိုင်ရင်သား လက်နက် ကိုင်အဖွဲ့တွေ သတိထားပြီး လက်မှတ်ထိုးပါလို့ အကြံပြုချင်တယ်။

ow Kou Rot ကိုဥာဏ်လင်းဦး ဒီအချက်အပေါ်ကို စိတ်ဝင်းစားမယ်ထင်လို့ ပြန်ဖြေလိုက်ပါတယ်။ လက်မှတ် ရေးထိုးခဲ့ပါတယ်။ ထိုးခဲ့တဲ့လက်မှတ်ဟာ အပစ်အခတ် ရပ်စဲရေး အတွက် မဟုတ်ပါ။ နောက်တစ်ကြိမ် အပစ် အခတ် ရပ်စဲရေး ဆက်လက်ဆွေးနွေးဖို့ သဘောတူတဲ့လက်မှတ် ရေးထိုးခြင်းပါ။ ဒီကိစ္စနဲ့ ပတ်သက်လို့ ကေ အဲန်ယူနဲ့ ကိုယ်စားလှယ် အဖွဲ့တွေရဲ့ ဘောင်ကျော် လုပ်ပိုင်ခွင့်တွေနဲ့ ပတ်သက်လို့ ပြသနာ တက်နေဆဲပါ။ ဘယ်လိုပြန်လည် ဖြေရှင်းရမလဲဆိုတာ ကေအန်ယူ ဗဟိုမှာ အရေးပေါ် ဒုတိယအကြိမ် ဗဟိုကော်မတီ အစည်းအဝေး ခေါ်ပြီး ဆွေးနွေး ခဲ့ကြ တယ်။ နောက်တစ်သုတ် အတွက် ကိုယ်စားလှယ်လည်း ရွေးခဲ့တယ်။ လုပ်ပိုင်ခွင့်တွေကိုလည်း သတ်မှတ် ချထားခဲ့တယ်။ ဆိုတော့ အရင် ပြည်တွင်း မီဒီယာတွေရဲ့ အရေးအသားကို ပြန်ကြည့်မယ်ဆိုရင် "အပစ်အခတ်ရပ်စဲဖို့ သဘောတူ လက်မှတ်ရေးထိုးတယ်" ဆိုတဲ့ အရေးအသားဟာ အစိုးရဘက်က ဝါဒဖြန့်ချီဖို့ ရေးတာလား၊ ဒါမှမဟုတ် သတင်းထောက်တွေ ကိုယ်တိုင်က ဒီအချက်အပေါ် မရှင်းလို့ ရေးကြတာလားတော့ ကျွန်တော် မသိပါ။ အရေးကြီး မှတ်သားစရာ တစ်ချက်က " ကိုယ်စား လှယ် တွေကို အာဏာကုန်အပ်ပြီး အပစ်အခတ် ရပ်စဲရေးအတွက် ကြိုက်သလို ဆုံးဖြတ်ပိုင်ခွင့်ရှိတယ်" လို့ ဘယ် နိုင်ငံရေး ပါတီကမှ ချမှတ်ထားခြင်း မရှိဘူး ဆိုတဲ့အချက်ပဲ။ ဆွေးနွေးချက်တွေကို သူ့ဘက်ကိုယ့်ဘက် ညှိုပြီး ရရှိတဲ့ သဘောတူညီချက်ကို အထက်ကို တင်ပြဖို့ပဲ ရှိပါတယ်။ အဲဒါကို နားလည် စေချင်ပါတယ်။

Tineyintharvoice Ethnicnationalitiesvoice မီဒီယာတိုက်ပွဲအောက်မှာ နာမည်ပျက်နိုင်တယ်ဆိုတာ သက်သေ အထောက်အထားရှိခဲ့သည့် အတွက်ကြောင့် ဆွေးနွေးပွဲများနဲ. ပတ်သက်၍ အမှန်အတိုင်း ဖော်ပြရန် ကေ အိုင်အိုရော၊ ကေအန်ယူပါ တောင်းဆိုခဲ့သည်၊ ဒါကြောင့်၊ တိုင်းရင်းသား မီဒီယာများအနေနဲ. ပိုမို လုပ် ဆောင် ဖို. လုပ်အပ်ပါသည်၊ ဘာပဲဖြစ်ဖြစ် မကြာခင်မှာ မွန်ပြည်သစ်ပါတီက တရားဝင် ထုတ်ပြန် လိမ့်မည်လို. မျှော်လင့်ပါလျက်

တိုင်းရင်းသား အသံ ဘလော့မှ ပြန်လည် ကူး.ယူသည်။

ဒေါ်စု ပုသိမ် ခရီးစဉ်အတွင်း ကရင်လူထုများလည်း ကြိုဆို(ရှားပါး ဓါတ်ပုံ)

2012-02-07T02:17:00.000-08:00

ယနေ့ ဖေဖော်ဝါရီလ ၇ရက်နေ့ ပုသိမ်ကို ရောက်ရှိလာသည့် ဒေါ်အောင်ဆန်းစု ကြည်အား ပုသိမ်မြို့ခံများ၊ လူထုများက တခဲနက် ကြိုဆိုခဲ့ကြသည်။ ထိုအထဲတွင် ကရင်လူမျိုး အများအပြားလည်း ကြိုဆိုခဲ့ကြသည်။ သို့အတွက်ကြောင့် ကရင်လူမျိုး အ များအပြား နေထိုင်ပြီး မြန်မာပြည်ရှိ ကရင် လူဦးရေ၏ ၄ပုံ ၁ပုံ (ကရင့်ကြေှးမုံမှ ကိုးကား) နေထိုင်ရာ ဧရာဝတီ မြစ်ဝကျွန်းပေါ် ဒေသက ကရင်အမျိုးသားများ၏ ဒီမိုကရေစီအပေါ် တန်ဖိုးထား လေးစားမှုကို အသိအမှတ် ပြုရပါမည်။ တဆက်တည်း တန်းတူ အခွင့်အရေး ရရှိပြီး ငြိမ်းချမ်းရေး ရောင်နီသန်းလာမယ့်တနေ့ ပြန်လာကြမယ့် မျိုးချစ် ကရင့်တော်လှန်ရေး သမားတွေကို မြစ်ဝကျွန်းပေါ်က ကရင်ထုတွေ တခဲနက် ဘယ်လောက်ထိ ကြိုဆိုနေ ကြမည်ဆိုတာ အောက်ပါ ဓါတ်ပုံကနေ တဆင့်ကျော်ပြီး စိတ်ကူးဖြင့် အတွေး နယ်ချဲ့ ကြည့်ကြပါစို့လား။

ကရင်အလံပါသည့် ဦးထုပ် ဆောင်းကာ တဖက်မှာလည်း NLD အလံကို ကိုင်ဆောင်ကာ ကြိုဆိုနေသူ ကရင် အမျိုးသမီးတဦး (ထိပ်ဆုံးလူ)

မြူးမြူး ကြွကြွ ဒုံးယိမ်းအကဖြင့်လည်း အခုလို ကြိုဆိုခဲ့ပါသေးတယ်။

တခြား ကရင်လူထုများလည်း အင်တိုက်အားတိုက်ဖြင့်။

ဖိနှိမ့် အနိုင်ကျင့်မှု ရှိလျှင် တန်ပြန် တော်လှန်မှုတွေ ရှိနေစမြဲ

2012-02-06T00:48:00.000-08:00

ဆယ်စု နှစ်ပေါင်းများစွာ အာဏာရှင် စနစ်ကို ကျင့်သုံးပြီး နိုင်ငံကို အုပ်ချုပ်နေသည့် မြန်မာ အာဏာရှင် အဆက်ဆက်တို့သည် ဗမာလူမျိုး အပါအ၀င် တိုင်းရင်းသား ပြည်သူများကို ထင်ရာစိုင်းပြီး ရမ်းကား ချင်တိုင်း ရမ်းကား နေလျှက် ရှိသည်။ ထိုအထဲ အဆိုးဝါးဆုံးမှာ လူလို ဆက်ဆံ မခံရသည့် အကျဉ်းသား ပေါ်တာ များပင် ဖြစ်သည်။ စစ်အာဏာ ရှင်တို့သည် တိုင်းရင်းသား နယ်မြေအတွင်း စစ်ဆင်ရေး ပြုလုပ်တိုင်း အကျဉ်းသား ပေါ်တာများကို လူသားဒိုင်း အဖြစ်သော် လည်းကောင်း၊ မိုင်းရှင်း ကိရိယာ အဖြစ် သော်လည်းကောင်း၊ အဆမတန် လေးလံသည့် လက်နက် ပစ္စည်းများကို သယ်ယူရာတွင် လည်းကောင်း ခိုင်းစေ အသုံးပြု ခဲ့ကြသည်။ သို့သော်လည်း နေထိုင်မကောင်း ဖြစ်သည့် ပေါ်တာ အကျဉ်းသားများကို ဆေးဝါး ကုသမှု မပေးခြင်း၊ အားအင် ပြတ်လတ်နေသူများကို လူစိတ်ကင်းမဲ့စွာ ပြစ်ထားခဲ့ခြင်း၊ ပစ်သတ်ခြင်းများကို လူမဆန်စွာ ကျူးလွန်လျှက်ရှိသည်။ ထို ရက်စက် ကြမ်းကြုတ်သည့် ငရဲခန်းကနေ အကျဉ်းသားတချို့ ထွက်ပြေး လွတ်မြောက်မှုများ ရှိခဲ့ပါသည်။ အဆိုပါ အနိုင်ကျင့်မှု ဒဏ် ခံရသည့် လွတ်မြောက် သူများသည် ထို ဖိနှိမ့် အနိုင်ကျင့်မှုတွေကြောင့် ၄င်းတို့ ကိုယ်စီ၏ စိတ်ထဲတွင် နာကျဉ်မှု ဒဏ်ရာကို ရရှိခဲ့ကြပြီး လူမဆန်စွာ အနိုင်ကျင့် ဖိနှိမ့်သူတွေကို ရွံရှာမုန်းတီးသည့် စိတ်ဒဏ်ရာတွေ ရရှိခဲ့ကြသည်။ ထို စိတ်ဒဏ်ရာတွေကြောင့် တချို့ အကျဉ်းသားများ တော်လှန်ရေး အဖွဲ့တွေနှင့် ပူးပေါင်းပြီး လူမဆန်သည့် အာဏာရှင်တွေကို တန်ပြန် ဆန့်ကျင် တော်လှန်နေကြပြီ ဆိုတာကို အောက်ပါ မှတ်တမ်းက သက်သေပြနေလျှက် ရှိပါသည်။

ယခုမှတ်တမ်းသည် လွန်ခဲ့သည့် နှစ်က ကေအဲန်ယူ၊ ဒီကေဘီအေနှင့် ကျောင်းသားတပ်မတော်တို့ ပြုလုပ်ခဲ့သည့် မာနယ်စိုး စစ်ဆင်ရေးမှ ဖြစ်သည်.။

KNU/ KNLA ငြိမ်းကောင်စီသို့ အကြံပြုချက်

2012-02-05T02:45:00.000-08:00

KNU/ KNLA ငြိမ်းကောင်စီ ထိပ်ပိုင်း ခေါင်းဆောင်များ (ဗိုလ်ချုပ် နော် ကပေါ်ထူး၊ ဗိုလ်ချုပ်ထော့ လေး၊ ဗိုလ်ချုပ်ထင်မောင်၊ ဗိုလ်မှူးချုပ် တီမသေ၊ ဗိုလ်ချုပ် ရင်နုပုံ။)
မြန်မာ အစိုးရနှင့် လာမည့် ဖေဖော်ဝါရီလ ၇ရက်နေ့တွင် သွားရောက် တွေ့ဆုံမည့် KNU/ KNLA ငြိမ်းကောင်စီမှ ကေအဲန်ယူ အပါအ၀င် ပြည်တွင်း ပြည်ပရှိ ကရင်ပြည်သူများ၏ အကြံပေးချက်များကို ဖိတ်ခေါ်ထားသည့် အတွက်ကြောင့် မိမိမှ အကြံတခု ပြုလိုက်ရခြင်း ဖြစ်ပါသည်။

မိမိပေးမည့် အကြံသည် နိုင်ငံရေး၊ စစ်ရေးအတွက် မဟုတ်သော်ငြားလည်း တွေ့ဆုံဆွေးနွေးရာတွင် တဦးနှင့် တဦး အပြန်အလှန် ဆက်သွယ်ရန် အဓိက အရေးအကြီးဆုံးသည် ဘာသာစကား ဖြစ်သည့်အတွက် ကြောင့် ဘာသာစကားနှင့် ပတ်သက်ပြီး အကြံပေးလိုက်ရခြင်း ဖြစ်သည်။

မိမိ ကိုယ်ပိုင် ဘာသာစကားသာ အဓိကထား ပြောဆိုလာကြသူများအနေဖြင့် အခြားဘာသာတခုကို ပိုင်ပိုင်နိုင်နိုင် ကျွမ်းကျွမ်းကျင်ကျင် မပြောဆိုနိုင်ခြင်းသည် သဘာဝတရား တခုပင် ဖြစ်သည်။

ယနေ့ မြန်မာအစိုးရနှင့် သွားရောက် တွေ့ဆုံမည့် KNU/ KNLA ငြိမ်းကောင်စီ ကိုယ်စားလှယ် အများစုသည်လည်း ထိုနည်းတူစွာပဲ ဗမာစကားကို ပိုင်ပိုင်နိုင်နိုင် ကျွမ်းကျွမ်းကျင်ကျင် ပြောဆိုနိုင်လိမ့်မည် မဟုတ်ပေ။

ထို့သို့ ဘာသာ စကားတခုကို ပိုင်ပိုင်နိုင်နိုင် မပြောဆိုနိုင်ပဲ အဲသည် ဘာသာစကားဖြင့်သာ အရေးကြီးသည့် နိုင်ငံရေး၊ စစ်ရေးကို ပြောဆို ဆွေးနွေးရမည်ဆိုလျှင် အခက်အခဲ အများကြီး ရှိနိုင်ပါသည်။

ထို့အပြင် ကိုယ်ပိုင် ဗမာစကားကို ထုံးလိုချေ ရေလိုနှောက်အောင် ပြောဆိုနိုင်သူ တဖက်သားနှင့် ယှဉ်ပြီး ပြောဆိုရပါက တဖက်သား၏ လိုသလို ဆွဲသွင်း ပြောဆိုမှုကို ခံရနိုင်သလို ပြောဆိုသည့် အကြောင်းအရာများကိုလည်း အမျိုးမျိုး အဓိပ္ပါယ် ဖွင့်ဆိုသွားနိုင်ပါသည်။

ဘာသာစကား အားနည်းမှုကြောင့် တဖက်သား၏ ပြောဆိုမှုကိုသာ ထိုင်နားထောင်ရမည့် အဖြစ်မျိုး ဖြစ်လာနိုင်သလို ကိုယ်ဆွေးနွေးချင် တင်ပြချင်သည့် အကြောင်းအရာများကိုလည်း ဘာသာစကား အခက်အခဲကြောင့် ရာနှုန်းပြည့် တင်ပြဆွေးနွေးနိုင်လိမ့်မည် မဟုတ်သည့်အပြင် တင်ပြသည့် အကြောင်းအရာများသည်လည်း အဓိပ္ပါယ်လွဲမှားမှုတွေ ဖြစ်လာနိုင်ပါသည်။

ထို့အပြင် မိမိအဖွဲ့အတွင်းမှ ဗမာစကား ပိုပြောနိုင်သူ၏ လိုရာကိုသာ ဆွဲသွင်း ဆွေးနွေးသွားနိုင်ပြီး ကိုယ်စားပြုသူ၏ အားလုံးအသံ တပြိုင်နက်ထဲ မထွက်လာနိုင်သလို အချေအတင် ဆွေးနွေးမှုလည်း ဖြစ်မလာနိုင်ပေ။

ထို့အတွက်ကြောင့် ဆွေးနွေးပွဲ အဆင်ပြေ ချောမွေ့စေဖို့ မိမိသန်သည့် ဘာသာ စကားဖြင့်သာ ဆွေးနွေးကြပြီး ကမ္ဘာတ၀ှမ်းလုံးမှာ ခေတ်စား အသုံးပြုလာပြီဖြစ်သည့် ကြားခံ ဘာသာပြန်ကို အသုံးပြုမည်ဆိုလျှင် သူမနာ ကိုယ်မသာဖြင့် အားလုံး အဆင်ပြေ ချောမွေ့ သွားစေမည်ဟု မျှော်လင့်မိပါကြောင်း အကြံပြုလိုက်ရပါသည်။

စေတနာဖြင့်
အဲခေါင်သောင့်

ကြိုဆိုပွဲ မတက်ရောက် နိုင်ခဲ့သည့် အပေါ် စိတ်မကောင်း ဖြစ်မိ ကြောင်း ကေအဲန်ယူ စာရေးသား ပေးပို့

2012-02-05T01:39:00.000-08:00

အဲခေါင်သောင့်၊ ဇန်န၀ါရီ ၅ရက်၊ ၂၀၁၂ခုနှစ်
ကေအဲန်ယူ ငြိမ်းချမ်းရေး ကိုယ်စားလှယ်များ၏ အပြန်ခရီးအတွင်း ဖားအံ ကရင်လူထု၏ ကြိုဆိုရေး အခမ်းအနားသို့ ၀င်ရောက် မဆင်နွဲနိုင်ခဲ့ သည့်အပေါ် စိတ်မကောင်း ဖြစ်မိပါကြောင်း မနေ့က သက်ဆိုင်သူများထံ ကေအဲန်ယူက တရားဝင် စာရေးသား ပေးပို့လိုက်သည်။

ဖားအံ ကရင်လူထု မျှော်ရကျိုး မနပ် ခဲ့ရသည့် ကေအဲန်ယူ ငြိမ်း ကိုယ်စားလှယ်တော်ကြီးများ

"ကျနော်တို့ သွားကတည်းက ဖားအံက ဦးပညာသာမိနဲ့ တွေ့တော့ အပြန်ခရီးမှာ ကြိုဆိုပွဲ လုပ်ပေးမယ့် အကြောင်းပြောတယ်။ အဲဒီ ကိစ္စနဲ့ ပတ်သက်ပြီး ၀န်ကြီး ဦးအောင်းမင်းကို ပြောပြတော့ ဦးအောင်မင်းက ဟာ ရတယ် အပြန်ကျရင် စီစဉ်ပေးမယ် ဆိုပြီး ပြန်လာတဲ့ အခါကျတော့ ဖားအံမှာတောင် မရပ်ပဲ တိုက်ရိုက်ပဲ ကျနော်တို့ကို ပြန်ပို့လိုက်လို့ အခုလို လွဲရခြင်း ဖြစ်တယ် "ဟု အမည်မဖော်လိုသည့် ကေအဲန်ယူ ငြိမ်းချမ်းရေး ကိုယ်စားလှယ် တဦးက ပြောဆိုသည်။

"ဒါကြောင့် အဲဒီက ကရင်လူထုတွေ သဘောပေါက် နားလည်အောင် ကေအဲန်ယူက တရားဝင် စာရေးသား ပေးပို့လိုက်တာ ဖြစ်တယ်။ သူတို့က ကြီးကြီးကျယ်ကျယ်နဲ့ စီစဉ်ထားပြီးတော့ ကျနော်တို့ကို တွေ့ဖို့ မျှော်လင့်ချက် တကြီးနဲ့ ရှိခဲ့ကြတယ်။ အာဏာပိုင်တွေက ချက်ချင်းကြီး ကျနော်တို့ကို ပြန်ပို့တော့ အားလုံး လွဲသွားရတာပေါ့။ အဲဒီအတွက် စိတ်မကောင်း ဖြစ်ရပါတယ် "ဟု ၄င်းက ဆက်ပြီးဆိုသည်။

ထို့အပြင် ကေအဲန်ယူမှ တရားဝင် ပေးပို့သည့် စာတွင်လည်း ကရင်လူထု စီစဉ်သည့် ကြိုဆိုပွဲကို လေးစားမိပါကြောင်း၊ ခရီးစဉ်ကာလအတွင်း မြန်မာ အာဏာပိုင်များ၏ အစီအစဉ်ဖြင့် ခရီး သွားလာခဲ့ရခြင်း ဖြစ်ကြောင်း၊ ယခုလို ကြိုဆိုပွဲ မတက်ရောက် နိုင်ခဲ့သည့်အပေါ် စိတ်မကောင်း ဖြစ်ရပါကြောင်းနှင့် ဦးစီး စီစဉ်ခဲ့သည့် KPCအဖွဲ့ နှင့် ထပ်မံ တွေ့ဆုံနိုင်ဖို့ ကြိုးပမ်းသွားမည်ဖြစ်ကြောင်း ရေးသား ဖော်ပြထားသည်။

အဆိုပါ ကြိုဆိုပွဲ အခမ်းအနားကို ဖားအံမြို့အနီး တောင်ကလေး ဆရာတော်ဟု လူသိများသည့် အရှင် ဦးပညာသာမိနှင့် ကရင် ရပ်မိရပ်ဖများက စီစဉ်ထားခြင်း ဖြစ်သည်။ အရှင် ဦးပညာသာမိသည် ကရင်လူမျိုးများ အချင်းချင်း စည်းလုံးညီညွှတ်ရေးနှင့် မြန်မာပြည် ငြိမ်းချမ်းရေးကို ရှေးရှု၍ Karen Peace Committee-KPC အဖွဲ့ကို ဦးစီး တည်ထောင်ခဲ့သူ ဖြစ်ပြီး ယခင်က ငြိမ်းချမ်းရေးအတွက် ကေအဲန်ယူ ထိပ်ပိုင်း ခေါင်းဆောင်နှင့် လာရောက် တွေ့ဆုံခဲ့ဖူးသည်။

ကရင် ငြိမ်းချမ်းရေး ကိုယ်စားလှယ်အဖွဲ့နှင့် ကရင်လူထုတို့ တွေ့ဆုံခွင့် မရခဲ့သည်အပေါ် ပြည်တွင်း ပြည်ပ ကရင်လူထုက ထင်မြင်ချက် အမျိုးမျိုး ပေးခဲ့ကြသည်။

"ဒါကတော့ ရှင်းရှင်းလင်းလင်းပဲလေ။ ကျနော်တို့ စည်းလုံးသွားမှာ ပူးပေါင်းသွားမှာကို ဒီလက်ရှိ အစိုးရက မလိုလားလို့ပါပဲ။ တမင်သက်သက်ကို မတွေ့နိုင်အောင် လုပ်လိုက်တာပါ။ ခေတ်အဆက်ဆက်ကလည်း ဒီလိုပဲ။ ကျနော်တို့ လူမျိုးတွေ ညီညွတ်သွားမှာကို သူတို့အရမ်းကြောက်တယ်။ ဘယ်လိုပဲဖြစ်ဖြစ် အချင်းချင်း နားလည်မှုတွေ ပါးနပ်မှုတွေ ရှိဖို့ လိုပြီး"" ဟု နိုင်ငံတကာရောက် ကရင်တဦးက ဆိုိုသည်။

ကရင်ဒေသအတွင်း နောက်ဆုံးရ တိုက်ပွဲ သတင်း

2012-02-04T08:14:00.000-08:00

အဲခေါင်သောင့်၊ ဖေဖော်ဝါရီလ ၄ရက်၊ ၂၀၁၂ခုနှစ်
ကေအဲန်ယူနှင့် မြန်မာ အစိုးရတို့ အပစ်အခတ် ရပ်စဲရေး ပမာဏ လက်မှတ် ရေးထိုးပြီး နောက်ပိုင်း ဇန်န၀ါရီလ ၂၉ရက်နေ့က ကေအဲန်ယူ စစ်တပ်မှ ထောင်ထားသည့် မိုင်းအဟောင်းတွေကြောင့် မြန်မာစစ်တပ်မှ တပ်ရင်းမှူးတဦး အပါအ၀င် အဖွဲ့ဝင် ၁၃ဦး ထိခိုက် သေဆုံးမှု ရှိခဲ့သည်မှာ မှန်ကန်ကြောင်း အတည်ပြုနိုင်ပြီ ဖြစ်သည်။

ထိခိုက် သေဆုံးသည့် တပ်မှာ တပ်မ ၆၆ လက်အောက်ခံ ခလရ ၈၀တပ်ရင်းဖြစ်ပြီး တပ်ရင်းမှူး ဗိုလ်မှူး မျိုးမင်းသန့် အပါ အ၀င် တပ်သား ၆ဦး သေဆုံးကာ ၇ဦး ဒဏ်ရာ ရရှိခဲ့သည်ဟု ရှေ့တန်းမှ နောက်ဆုံး ပေးပို့လာသည့် သတင်းအရ သိရသည်။

အဆိုပါ ဖြစ်ပွားသည့် နေရာမှာ သံတောင်မြို့နယ်၊ ဘောဂလိ ဒေသရှိ ကလေ့စောခီးရွာ ဖြစ်ပြီး ကေအဲန်ယူ ထောင်ထားသည့် မိုင်းအဟောင်းတွေ ထိခိုက် ပေါက်ကွဲမှုကြောင့် ယခုလို သေဆုံးရခြင်း ဖြစ်သည်။

(အမှန်တကယ် ဖြစ်ပွားသည့် နေ့ရက်မှာ ဇန်န၀ါရီလ ၂၉ရက်နေ့ ဖြစ်ပြီး ယခင် သတင်းအရ ၃၁ရက်နေ့ မဟုတ်ကြောင်း သိရှိရသည်)

အပစ်ရပ် ကာလအတွင်း ကရင်နယ်မြေတွင် တိုက်ပွဲ ဖြစ်ပွား၊ မြန်မာ စစ်တပ်မှ အရာရှိတဦး ကျဆုံး

2012-02-04T00:36:00.000-08:00

မြန်မာအစိုးရနှင့် ကေအဲန်ယူတို့ နှစ်ဖက် အပစ်အခတ် ပမာဏာ လက်မှတ်ရေး ထိုးအပြီး ဇန်န၀ါရီလ ၃၁ရက်နေ့က တိုက်ပွဲဖြစ်ပွားရာ မြန်မာစစ်တပ်မှ တပ်ရင်းမှူးတဦး ကျဆုံး ခဲ့သည်။

တိုက်ပွဲဖြစ်ပွားသည့် နေရာကတော့ ကရင်ပြည်နယ် သံတောင်မြို့နယ်ရှိ ဘောဂရိဒေသဘက်တွင် တိုက်ပွဲ ဖြစ်ပွားခဲ့ခြင်းဖြစ်ပြီး ကေအဲန်အယ်လ်အေ တပ်မဟာ ၂ တပ်ဖွဲ့ဝင်များ လှုပ်ရှားသည့် နေရာဖြစ်သည်။

ကရင် တပ်ဖွဲ့ဝင် တဦး

မြန်မာအစိုးရနှင့် ကေအဲန်ယူတို့သည် လွန်ခဲ့သည့် ဇန်န၀ါရီလ ၁၂ရက်နေ့က ဘားအံမြို့တွင် အပစ်အခတ် ရပ်စဲရေး ပမာဏအဆင့် လက်မှတ် ရေးထိုးအပြီး တိုက်ပွဲများ လျော့နည်းလာသော်လည်း တချို့ဒေသများတွင် တိုက်ပွဲ ကြိုကြား ကြိုကြား ဖြစ်ပွားကာ ယခုတိုက်ပွဲသည် လက်မှတ်ရေး ထိုးအပြီး မြန်မာစစ်တပ်အတွက် အကြီးမားဆုံး ထိခိုက်မှုဟု ဆိုနိုင်ပါသည်။

အဆိုပါ တိုက်ပွဲ ဖြစ်ပွားသည့် နေ့သည် ကရင့်တော်လှန်ရေး၏ အနှစ် ၆၃နှစ် ပြည့်မြောက်သည့် နေ့လည်း ဖြစ်သည်။

ပမာဏ လက်မှတ်ရေးထိုးပြီး ဖြစ်သော်လည်း မြန်မာစစ်တပ်မှ ရိက္ခာနှင့် တပ်အင်အား ပိုမို တိုးချဲ့လာတာကြောင့် ယခုလို တိုက်ပွဲများ ဖြစ်ပွားရခြင်း ဖြစ်တယ်လို့ လည်း စစ်ရေး လေ့လာသူများက သုံးသပ်ပြောဆိုသည်။
ကိုးကား-ကေတီ

ပြုလုပ်သည့် ၆၃နှစ်ပြည့် ကရင့် တော်လှန်ရေးနေ့ အခမ်း အနား(ရုပ်သံ)

2012-02-02T23:26:00.000-08:00

အထူးတပ်ရင်း ၁၀၃တွင် ပြုလုပ်သည့် တော်လှန်ရေးနေ့ အခမ်းအနား

ဂျပန်နိုင်ငံတွင် ပြုလုပ်သည့် တော်လှန်ရေးနေ့ အခမ်းအနား

၆၃နှစ်ပြည့် ကရင့်တော်လှန်ရေးနေ့ အခမ်းအနား မှတ်တမ်း ဓါတ်ပုံ

2012-02-01T21:09:00.001-08:00

၆၃နှစ်ပြည့် ကရင့်တော်လှန်ရေးနေ့ အခမ်းအနားကို တပ်မဟာ ၅တွင် ပြုလုပ်စဉ်

၆၃နှစ်ပြည့် ကရင့်တော်လှန်ရေးနေ့ အခမ်းအနားကို တပ်မဟာ ၆ အထူးတပ်ရင်း ၁၀၃တွင် ပြုလုပ်စဉ်

ကရင့် တော်လှန်ရေး ရဲဘော်ကြီး ဖူးသာစိန်၏ အမှာစကား

2012-02-01T02:16:00.000-08:00

အဆိပ်မဲ့သစ်ပင်

2012-01-31T08:44:00.000-08:00

အို-----အသင်သစ်ပင်

သင်ဟာ တို့တမျိုးသားလုံးအတွက် နားခိုရာ

မရှိမဖြစ်တဲ့ အရိပ်သစ်ပင်

အသင်ရဲ့ သက်တမ်းကား အိုမင်းရင့်ရော်ကာ

ဆယ်စုနှစ် ခြောက်ဆယ်ပြည့်မြောက်ပြီးဖြစ်လဲ

သင်ရဲ့ရွက်ဟောင်းများ ကြွေကျမြေခကျလဲ

မပြိုမလဲ ထီးထီးမားမားရပ်တည်နိုင်ဆဲ၊

ချစားနေတဲ့ ပင်စည်နဲ့

သင်ရဲ့ရေသောက်မြစ်တချို့ကြောင့်

အသင်မစိမ်းလန်းနိုင်ခဲ့ပေမယ့်

ကျိုးတိုးကျဲတဲ သင့်အရွက်တွေနဲ့

တို့တတွေ အရိပ်ခိုနားခွင့်ရခဲ့

အနာဂတ်မျှော်လင့်ချက်တွေ ရှင်သန်နိုင်ခဲ့။

ကိုယ့်ကိုယ်ကို သစ်သားမှန်းမသိတဲ့

သစ် သစ်ချင်းခုတ်တဲ့

ဇါတ်တူပုစိန်ရိုးတွေကြောင့်

အသင်ဟာ အင်အားချိနဲ့ခဲ့ရ

သင့်အကိုင်းအခက်တချို့အား

မက်လုံးပေးပြီး ခုတ်ဖြတ်သွားတဲ့

ကိုင်းဆက်သမားတွေကြောင့်

သင်ဟာ ရွက်နုတွေ မဝေဆာနိုင်ခဲ့

အသင့်အား သစ္စာဖေါက်ပြားပစ်ခွါသွားပြီး

လွင့်စင်သွားတဲ့သင့်ရဲ့မျိုးစေ့တို့သည်လည်း

မဟာမျိုးခြားပင်ရဲ့လောင်းရိပ်အောက်မှာ

အညှောင့်အစို့လေးတောင် မထောင်ထွက်နိုင်

လုံးပါးပါးကာ ကိုယ့်အရိပ်ကိုယ်လန့်နေကြရ

တေမိမင်းဝင်စားတဲ့ ငအတွေလို ဆွံ့အနေကြ။

သို့သော်----သင်ဟာ ထိုဒဏ်အပေါင်း

ခညောင်းရောက်ရှိလဲ ဂရုမမူ

လွတ်လပ်ခြင်းလမ်းကို လမ်းပြဆောင်သူ

အနာဂတ်မျိုးဆက်ရှင်သန်ရန်အရေး

လိုအပ်တဲ့အရိပ်ကောင်း သစ်တပင်အတွက်

အဆိပ်မဲ့တဲ့ လောင်းရိပ်တခု ဖန်တီးနိုင်ဖို့

သင်ထာဝရ ရှင်သန်နေရဦးမယ်

အို---အသင်သစ်ပင်

စအိုင်ခန့်(နှင်းခဲမြေ)

အနှစ်ခြောက်ဆယ် သုံးနှစ် ပြည့် ကရင့်တော်လှန်ရေးနေ့သို့

စောသစ္စာထူးရဲ့ ရင်တွင်းစကား

2012-01-25T01:50:00.000-08:00

အင်မတန် နက်ရှိုင်းတဲ့ တောကြီးထဲမှာ လမ်းတောင် မလျှောက်နိုင်တော့တဲ့ ရှေ့မှီနောက်မှီ ကရင့်တော်လှန်ရေး သမားဟောင်းကြီး တဦးကို ရသလောက် အချိန်လေးမှာ တွေ့ဆုံမေးမြန်းထားခြင်း ဖြစ်ပါသည်။ အဖူး စောဘဦးကြီးရဲ့ စကား၊ အဖူး စောဘဦးကြီးရဲ့ စိတ်ဓါတ်တွေကို သေသည်အထိ လိုက်နာသွားမည်ဟု ပြောသည့်အတွက်ကြောင့် အဖူး စောဘဦးကြီးလို့ တင်စားလိုက်ခြင်း ဖြစ်ပါသည်။

“လောကမှာ စစ်မှန်တဲ့ ထာဝရ ငြိမ်းချမ်းရေး ရဖို့ ဆိုရင် အရင်ဦးဆုံး စစ်မှန်တဲ့ တန်းတူအခွင့်အရေး ရမှ ဖြစ်မှာပါ”

အားလုံး ကျန်းမာ ချမ်းသာကြပါစေ။

စောသစ္စာထူး (USK, United States of Karen)

စောသစ္စာထူး၏ ကရင့်အမျိုးသား ခေါင်းဆောင်ကြီး အဖူးစောဘဦးကြီးနှင့် တွေ့ဆုံ မေးမြန်းခန်း (ပထမပိုင်း၊ ဒုတိယပိုင်း)ကို အောက်တွင် ဆက်လက် ဖတ်ရှူနိုင်ပါသည်။

ကရင် အမျိုးသား ခေါင်းဆောင်ကြီး အဖူး စောဘဦးကြီးနှင့် တွေ့ဆုံ မေးမြန်းခန်း (ဒုတိယပိုင်း)

2012-01-24T20:07:00.000-08:00

စောသစ္စာထူး (USK, United States of Karen) မှ တွေ့ဆုံ မေးမြန်းထားခြင်း ဖြစ်သည်။

စောသစ္စာထူး။ ။ လက်ရှိ မြန်မာ နိုင်ငံရေး အခင်း အကျင်းကို အဖူး ဘယ်လို မြင်ပါသလဲ။
စောဘဦီးကြီး။ ။ လက်ရှိ မြန်မာ့ နိုင်ငံရေးဟာ မြန်မာ ဘောလုံး အသင်း လိုပါပဲ။ အခုချိန်ထိ လူမှန် နေရာမှန် မဖြစ်သေးဘူး။ အသင်း ခေါင်းဆောင်က ဦးသိန်းစိန်၊ တိုက်စစ်မှူး ကတော့ မင်းအောင်လှိုင်၊ ကွင်းလယ် ဖန်တီိးရှင် ကတော့ ဦးဝဏ္ဏမောင်လွင်၊ နောက်တန်းက ဦးတင်အောင်မြင့်ဦး၊ ဂိုးသမားကတော့ ဒေါက်တာ စိုင်းမောက်ခမ်းနဲ့ ကျန် ဘောလုံး သမားများ ကတော့ စစ် အာဏာရှင် အများစုနဲ့ ဖွဲ့စည်း ထားတယ်။ အလွန် အြံ့သဖို့ ကောင်းတာ ကတော့ နည်းပြချုပ်က ဗိုလ်ချုပ်မှူးကြီး သန်းရွေနှင့် ဒုနည်းပြချုပ် ကတော့ ဒုဗိုလ်ချုပ် မှူးကြီး မောင်အေး ဖြစ်နေတုန်းပါပဲ။ ၂၀၁၀ ရွေးကောက်ပွဲ ကနေ စလာခဲ့တဲ့ မြန်မာ့ နိုင်ငံရေး ဘောလုံးပွဲကို ကြည့်မယ်ဆိုရင် ပွဲစပြီး ဘောလုံး စပေးတဲ့ အချိန်မှာပဲ DKBA ဂိုးသွင်း လိုက်တယ်။ မြ၀တီမြို့မှာ ရှိတဲ့ အာဏာရှင်တွေကို မတရားမှု တွေကို ဘယ်သော အခါမှ လက်ပိုက်ကြည့်မှာ မဟုတ် ဘူးလို့ အချက်ပြ လိုက်တာပဲ။ ဒါကြောင့် အာဏာရှင် ဘောလုံးအသင်းဟာ DKBA ရဲ့ အဖွင့်ဂိုး ကြောင့် နိုင်ငံရေး သိက္ခာ အကြီးအကျယ် ကျဆင်းခဲ့ရတယ်။ ကချင်နဲ့ ကစားတဲ့ ပွဲမှာ ကြမ်းကြမ်းတမ်းတမ်း ကစားတဲ့ တိုက်စစ်မှူး မင်းအောင်လှိုင်နဲ့ ရှေ့တန်း ကစားသမားတွေကို အသင်းခေါင်းဆောင် ဦးသိန်းစိန်က အနီကဒ်ထိနိုင်တယ်ဆိုပြီး ကြမ်းကြမ်းတမ်းတမ်း ကစားတာကို ရပ်ဖို့ အမိန့်ပေးတယ်။ (KIAကို ထိုးစစ်ဆင်ခြင်းမှ ရပ်စဲခိုင်းခြင်း) ဒီကြားထဲ ရှေ့တန်း တိုက်စစ်မှူးတွေဟာ ပေါ်တင်ပဲ လူချကစား ပြန်တယ်။ (ကချင် အမျိုး သမီးများကို မုဒိမ်းကျင့်ခြင်း) အသင်းခေါင်းဆောင် ဦးသိန်းစိန်နဲ့ ကွင်းလယ်ဖန်တီးရှင် ဦးဝဏ္ဏမောင်လွင် တို့ကို ကြည့်လိုက်မယ်ဆိုရင် အလိမ်အခေါက်တွေ တအားသုံးတာကို တွေ့ရတယ်။ (မြန်မာ နိုင်ငံမှာ နိုင်ငံရေး အကျဉ်းသားမရှိဟု ဗြောင်လိမ်ခြင်း) နောက်တန်းက မလုံတဲ့အတွက် ခဏခဏ ဂိုးသွင်းခံရတာပါပဲ။ DKBAက ဂိုးသွင်းလိုက်၊ KIAက ဂိုးသွင်းလိုက်၊ လူထုကလည်း နိုင်ငံရေး အကျဉ်းသမားတွေကို လွတ်ပေးရန် ဂိုးသွင်းလိုက်၊ အမေရိကန်ကလည်း စီးပွားရေး ပိတ်ဆို့မှုဂိုးကို အဆက်မပြတ် သွင်းပြန်နေတယ်။ ဒါကြောင့် ဒီအာဏာရှင် ဘောလုံး အသင်းဟာ မြန်မာ့အလယ်မှာရော ကမ္ဘာ့အလယ်မှာပါ မရှူမလှ ဂုဏ်သိက္ခာ ကျဆင်းခဲ့ရတယ်။ ဒါကြောင့် နည်ပြချုပ် ဗိုလ်ချုပ်မှူးကြီး သန်းရွေဟာ ကစားကွက် ပြောင်းလာတာကို တွေ့ရတယ်။ ရှေ့တန်း အလယ်တန်းနဲ့ နောက်တန်းတွေကို အချိန်အဆက် မိမိ ကစားနိုင်ဖို့အတွက် ကွင်းလယ် ဖန်တီးရှင်နေရာမှာ ဒေါ်အောင်ဆန်းစုကြည်ကို အစားထိုးနိုင်တဲ့ ပုံတွေ ပြလာတယ်။ ဒေါ်အောင်ဆန်းစုကြည်က အချိတ်အဆက်မိမိ ကစားနိုင်တဲ့အတွက် နည်းပြချုပ်လည်း အဆဲခံရမယ့် ဘ၀က လွတ်မြောက်သွားနိုင်တယ်။ (ဗိုလ်ချုပ်မှူးကြီးသန်းရွေ နိုင်ငံတကာ စစ်ခုံရုံးမှ လွတ်မြောက်သွားခြင်း) လက်ရှိ မြန်မာ ဘောလုံး အသင်းဟာ အာရှအဆင့်ကိုလည်း မကျော်လွားနိုင်၊ ကမ္ဘာ့ဖလား အဆင့်ကိုလည်းမရောက်နိုင် သေးသလို မြန်မာ့နိုင်ငံရေး အသင်းဟာလည်း အာရှနိုင်ငံတွေက ကျင့်သုံးတဲ့ ဒီမိုကရေစီအဆင့်နဲ့ ကမ္ဘာ့နိုင်ငံတွေက ကျင့်သုံးတဲ့ ဒီမိုကရေစီအဆင့်ကို ရောက်ဖို့ဆိုတာ အဝေး အဝေးကြီး လိုနေပါသေးတယ်။ ဒါဟာ လက်ရှိ မြန်မာနိုင်ငံရေး အခင်းအကျင်းပဲ။

စောသစ္စာထူး။ ။ လက်ရှိ တိုင်းရင်းသား နိုင်ငံရေးသမားတွေရဲ့ အခြေအနေကို အဖူး ဘယ်လိုမြင်ပါသလဲ။
စောဘဦီးကြီး။ ။ လက်ရှိ တိုင်းရင်းသား နိုင်ငံရေးသမားတွေထဲမှာတော့ ရှမ်းခေါင်းဆောင် ခွန်ထွန်းဦးရဲ့ နိုင်ငံရေး ရပ်တည်ချက်ကို ကြည့်ပြီး မန်းရှာကို အဖူး ချက်ခြင်း ပြေးမြင်မိတယ်ကွာ။ စစ်အာဏာရှင်တွေ မန်းရှာကို လုပ်ကြံလိုက်တာဟာ ကရင်တမျိုးသားလုံးနဲ့ တိုင်းရင်းသား အားလုံးကို လုပ်ကြံ သတ်ဖြတ်တာနဲ့ အတူတူပဲ။ ဒါကို မမေ့ကြနဲ့။ “တိုင်းရင်းသားတွေ လက်နက်ကိုင် လာတာ ကြာပြီဆိုတော့ လက်နက်စွန့်ခိုင်းဖို့ ခက်တယ်လို့ အာဏာရှင်တွေ ပြောသလို တိုင်းရင်းသားတွေကလည်း စစ်အာဏာရှင်တွေ အာဏာရှင် စနစ် စွဲကိုင်လာတာ ကြာပြီဆိုတော့ အာဏာစွန့်ဖို့ ခက်တယ်လို့ ပြန်ပြောရမယ်” KIAကတော့ ၀ါးကြည့်မှ ခါးမှန်း သိသွားပြီး။ တချို့ တိုင်းရင်းသား နိုင်ငံရေး သမားတွေဟာ စစ်အာဏာရှင်တွေနဲ့ ပေါင်းပြီး တိုင်းပြည်ကို ထူထောင်ဖို့ လုပ်နေကြတယ်။ ဒါဟာ အခုမှ မဟုတ်ဘူး။ အရင်တုန်းကလည်း လုပ်ခဲ့ကြတယ်။ ပေါင်းပြီးတော့ တန်းတူ အခွင့်အရေးလည်း မရ၊ ကိုယ်ပိုင် ပြဌာန်းခွင့်လည်း မရ၊ ကိုယ်ပိုင် အုပ်ချုပ်ခွင့်လည့်း မရပဲနဲ့ နောက်ဆုံးတော့ ဒီပေါင်းတဲ့ လုပ်ရပ်ဟာ ကိုယ့်တိုင်းရင်းသားတွေကို ကိုယ်ပြန်တိုက်သလို ဖြစ်ခဲ့ကြတယ်။ ဒီလုပ်ရပ်ဟာ စစ်အာဏာရှင်တွေနဲ့ ပေါင်းခဲ့တဲ့ တချို့ တိုင်းရင်းသား နိုင်ငံရေးသမားတွေ ပေးခဲ့တဲ့ အမွေဆိုးပဲ။ ပေါင်းတယ်ဆိုတာ နိုင်ငံရေး အာမခံချက် ရှိမှ ပေါင်းရတယ်။ ဗိုလ်ချုပ်အောင်ဆန်းက ပင်လုံစာချုပ်မှာ နိုင်ငံရေး မအာခံချက် ပေးခဲ့တာတောင် အခုချိန်ထိ ဘာမှ ဖြစ်မလာသေးဘူးဆိုရင် နိုင်ငံရေး အာမခံချက် မပေးတဲ့ လက်ရှိ စစ်အာဏာရှင်တွေနဲ့ ဆက်ပေါင်းဖို့၊ ဆက်ဆွေးနွေးဖို့ဆိုတာ တိုင်းရင်းသား အားလုံး တော်တော်လေးကို သတိကြီးကြီးနဲ့ လုပ်ဆောင်ရမယ်လို့ အဖူးမြင်တယ်။

စောသစ္စာထူး။ ။ပင်လုံစာချုပ်ကို အဖူးဘယ်လိုမြင်သလဲ။
စောဘဦီးကြီး။ ။ ဗမာပြည်ဟာ လွတ်လပ်ရေး ရပြီးရင် ပြည်တွင်းစစ်ကြီး ဖြစ်လာမယ်ဆိုတာ ဗိုလ်ချုပ်အောင်ဆန်းနဲ့ တိုင်းရင်းသား ခေါင်းဆောင်တွေ ကောင်းကောင်းကြီး သိခဲ့တယ်။ ဒါကြောင့် ပြည်တွင်းစစ် မဖြစ်ရလေအောင် ပင်လုံစာချုပ်နဲ့ ကာကွယ်ခဲ့ကြတာပါ။ ပြည်တွင်းစစ်ကို ဖန်တီးလိုက်တဲ့သူတွေဟာ ဗမာလူမျိုးကြီးဝါဒကို ကျင့်သုံးတဲ့ သူတွေပဲ။ အဲဒီလူတွေ အခုချိန်ထိ အာဏာကို ဆုပ်ကိုင်ထားသေးတယ် ဆိုတာ တိုင်းရင်းသားတွေ သိထားဖို့ လိုတယ်။ နှစ်ပေါင်း (၆၀) ကျော်လာအောင် ပြည်တွင်းစစ်ကြီး ဖြစ်လာရတာဟာ ဗမာ့ အမျိုးသား ခေါင်းဆောင် ဗိုလ်ချုပ်အောင်ဆန်းနဲ့ တိုင်းရင်းသား ခေါင်းဆောင်တို့ လက်နဲ့ ရေးခဲ့တဲ့ ပင်လုံ စာချုပ်ကို ခြေနဲ့ ဖျက်ပစ်လို့ပဲ ဖြစ်တယ်။ ပင်လုံစာချုပ်ကို အကောင်အထည် မဖော်ဘူးဆိုရင် ဗမာပြည်မှာ ဘယ်လူမျိုးမှ အေးအေးချမ်းချမ်း နေလို့ ရမှာ မဟုတ်ဘူး။ ဘယ်တော့မှလည်း စစ်မှန်တဲ့ ထာဝရ ငြိမ်းချမ်းရေး ရမှာ မဟုတ်ဘူး။ နယ်ချဲ့ကျွန်ဘ၀က လွတ်မြောက်ဖို့အတွက် ဗမာပြည်မှာ နေထိုင်ကြတဲ့ လူမျိုးပေါင်းစုံ တော်လှန်ခဲ့ကြတယ်။ ဗိုလ်ချုပ်အောင်ဆန်းနှင့် တိုင်းရင်းသား ခေါင်းဆောင် အားလုံးကတော့ အင်မတန် ကျေးဇူးကြီးမားတဲ့ သူတွေပဲ။ ဗမာပြည်မှာ အခုချိန်ထိ မအေးချမ်းသေးတာဟာ ကျေးဇူးရှင်တွေကို ကျေးဇူးကန်းခဲ့ကြလို့ပဲ။ တကယ်တော့ ပင်လုံစာချုပ်ကို ပစ်ပယ်ကြတဲ့ သူတွေဟာ ဗိုလ်ချုပ်အောင်ဆန်းနဲ့ တိုင်းရင်းသား ခေါင်းဆောင်တို့ရဲ့ တိုင်းပြည်အပေါ် ထားတဲ့ စေတနာကို ပြတ်ပြတ်သားသား စော်ကားလိုက်တာပါပဲ။ ဒါကြောင့် ကျေးဇူးရှင်တွေကို ထပ်ပြီး ကျေးဇူး ကန်းနေသေးမယ် ဆိုရင်တော့ ဗမာပြည်မှာ ရှိတဲ့ လူမျိုးအာလုံး ပူပူလောင်လောင်နဲ့ ပြည်တွင်းစစ်ကြီးကို ခါးစည်း ခံကြရအုံးမှာပါပဲ။ "ပြည်တွင်း စစ် ရောဂါဆိုးကြီး ပျောက်ဖို့ ဆိုရင် ပင်လုံစာချုပ်ဟာ အကောင်းဆုံး ဆေးတခွက်ပဲ"လို့ အဖူးမြင်တယ်။

စောသစ္စာထူး။ ။ ကရင့်တော်လှန်ရေးမှာ ကရင်လူငယ်တွေရဲ့ ပါဝင် လှုပ်ရှားမှုဟာ အင်မတန်မှာ အားနည်းတယ်လို့ ပြောကြတယ်။ ဒါကို အဖူးဘယ်လို ပြောချင်သလဲ။
စောဘဦီးကြီး။ ။ ကရင့်တော်လှန်ရေးမှာ ကရင်လူငယ်တွေ ပါဝင်မှု အားနည်းရတဲ့ အကြောင်းရင်း များစွာ ရှိပါတယ်။ တချို့ကို တင်ပြရမယ်ဆိုရင် ပြည်တွင်းမှာ ရှိကြတဲ့ ကရင်လူငယ်တွေက ကရင့်သမိုင်းကို ကောင်းကောင်း မသိကြတော့ဘူး။ သူတို့က ဗမာ့သမိုင်းပဲ သင်ရတယ်။ ကရင့်သမိုင်းကို မသင်ကြရဘူး။ ဒါကြောင့် ကရင့်တော်လှန်ရေးကို မသိကြတော့ ဘာလုပ်ရမှန်းမသိ၊ ဘာတာဝန်ယူရမှန်းလည်း မသိကြတော့ဘူးပေါ့။ ဒါကြောင့် ကိုယ်လုပ်ရမယ့် အလုပ်ဟာ ဘာကြီးမှန်းလည်း မသိတော့ စိတ်ဝင်စားမှု အားနည်းတာ သဘာဝပဲ။ နောက်တချက်ကတေ့ ကရင့်တော်လှန်ရေးကို ကရင်လူငယ်တွေ သိရှိခွင့်မရအောင် စစ်အာဏာရှင်တွေက နည်းမျိုးစုံနဲ့ အကြမ်းဖက်ပြီး နှိပ်ကွပ်ထားတယ်။ အဆိုးဆုံးကတော့ DKBAနဲ့ KNLAတိုက်ကြတာကို ကြည့်ပြီး ကရင်လူငယ်တွေ တော်တော်လေး စိတ်ပျက်ခဲ့ကြတယ်။ KNLAထဲ ၀င်ရင် DKBAက ရန်သူအဖြစ် မြင်တယ်။ DKBAထဲဝင်ရင် KNLAက ရန်သူအဖြစ် မြင်တယ်။ နောက်ဆုံးတော့ ဘယ်အဖွဲ့ထဲမှ မ၀င်ပဲ လက်ပိုက် ကြည့်နေကြတဲ့ ကရင်ပညာတတ် လူငယ်တွေ အများအပြား ရှိပါတယ်။ DKBAနဲ့ KNLAပွဲတောင် မပြီးသေးဘူး။ KPCကရင် ငြိမ်းကောင်စီက ထပ်ပြီး ကွဲလာပြန်တော့ ကရင်လူငယ်တွေ ကရင့်တော်လှန်ရေးကို တော်တော်လေး စိတ်ကုန်သွားတယ်။ တချို့ဆိုရင် ထိုင်းနိုင်ငံ၊ တချို့ဆိုရင် အနောက်နိုင်ငံဘက်ကို ထွက်ပြီး ကြေကွဲစွာနဲ့ပဲ ကရင့်တော်လှန်ရေးကို ကျောခိုင်းသွားကြတယ်။ အာဏာရှင်တွေ ဖန်တီးလိုက်တဲ့ ကရင်အချင်းချင်း လူသတ်ပွဲကြီးမှာ ကရင့်တော်လှန်ရေးကို စိတ်ဝင်စားတဲ့ ကရင်လူငယ်များဟာ လမ်းလျှောက်ရင်း လမ်းပျောက်ခဲ့ကြတယ်။ ဒီအချက်တွေဟာ ကရင့်တော်လှန်ရေးအပေါ် ထားတဲ့ ကရင်လူငယ်တွေရဲ့ အိမ်မက်အားလုံးကို ဖျက်ဆီးပစ်လိုက်တာပဲ။ ကရင့်တော်လှန်ရေးမှာ ကရင်လူငယ်တွေ ပါဝင်လှုပ်ရှားမှု အားနည်းသွားတာဟာ လူငယ်တွေရဲ့ အပြစ်မဟုတ်ဘူး။ လူကြီးတွေရဲ့ အားနည်းချက်ပဲလို့ အဖူးမြင်တယ်။ ဒီအားနည်းချက်တွေကို KNU, DKBAနဲ့ KPCခေါင်းဆောင်ကြီးတွေ ပြန်ပြင်ပြီး ကရင့်တပ်မတော်ကို တခုတည်း ဖြစ်အောင် ပြန်လုပ်နိုင်မယ်ဆိုရင် ကရင်လူငယ်တွေကို တပ်ဆင်ပေးဖို့ လက်နက်တွေတောင် လောက်ငှမှာ မဟုတ်ဘူးလို့ အဖူးပြောချင်တယ်။

စောသစ္စာထူး။ ။ တချို့ KNUခေါင်းဆောင် တွေကြားမှာ မှတ်ပုံတင်လုပ်ဖို့ ပြောနေကြပြီး။ ဒါကို အဖူး ဘာပြောချင်သလဲ။
စောဘဦီးကြီး။ ။ မှတ်ပုံတင် လုပ်ဖို့ မပြောခင် မှတ်တမ်းတင် လုပ်ရမယ့် အဖြစ်အပျက် တခုကို အဖူး အရင်ဦးဆုံး ပြောချင်တယ်။ အဖူးတို့ ထို့ကော်ကိုးရွာအနီးမှာ အ၀ိုင်းခံလိုက်ရတဲ့ အချိန်ပေါ့။ ဒီတိုက်ပွဲဟာ အဖူးတို့ သွေးမြေကျခဲ့ရတဲ့ နောက်ဆုံး တိုက်ပွဲပဲ။ အဖူးနဲ့ ကရင်အာဇာနည် တော်လှန်ရေး သမားတွေ တော်လှန်ရေး လုပ်တာဟာ “ဗမာနိုင်ငံသား မှတ်ပုံတင် လုပ်ဖို့အတွက် မဟုတ်ဘူး။ ကရင်နိုင်ငံသား မှတ်ပုံတင် လုပ်ဖို့အတွက် သွေးနဲ့ ပေးဆပ်ခဲ့ကြတာပါ။” ဒါကို KNUခေါင်ဆောင်တွေရဲ့ ဦးနှောက်နဲ့ အသဲနှလုံးထဲမှာ သံမှိုရိုက်ထားသလို စွဲမြဲနေပါစေ။ အခုချိန်မှာ ဗမာနိုင်ငံသား မှတ်ပုံတင် ရဖို့ထက် ကရင်နိုင်ငံသား မှတ်ပုံတင် ရဖို့က ပိုအရေးကြီးတယ်။ KNU, DKBAနဲ့ KPCတို့ ကရင့်တပ်မတော်ကို တခုတည်း ဖြ့စ်အောင် ပြန်လည် ဖွဲ့စည်းနိုင်မယ်ဆိုရင် ကရင်နိုင်ငံသား မှတ်ပုံတင် လုပ်ဖို့ နီးစပ်လာလိမ့်မယ်လို့ အဖူး ပြောချင်တယ်။ ကရင်နိုင်ငံ ရပြီဆိုရင် မှတ်ပုံတင် လိုချင်တဲ့ တချို့ KNUခေါင်းဆောင်တွေကို အဖူး မှတ်ပုံတင် ချက်ခြင်း ထုတ်ပေးမယ်။ အသက် ၇၀ရှိတဲ့ သူကို မှတ်ပုံတင် အခု ၇၀ထုတ်ပေးမယ်။ ၆၅နှစ် ရှိတဲ့သူကို မှတ်ပုံတင် ၆၅ခု ထုတ်ပေးမယ်။ အသက်ကို ကြည့်ပြီး မှတ်ပုံတင် အရေအတွက်ကို ထုတ်ပေးမယ်။ လုပ်ချင်တာထက် လုပ်သင့်တာကို လုပ်ကြပါလို့ အဖူး ပြောချင်တယ်။ အခု စစ်အာဏာရှင်တွေ လုပ်ပေးမယ့် မှတ်ပုံတင်ဟာ ကောင်းကျိုးထက် ဆိုးကျိုးက အများကြီးပဲ။ ဥပမာ- ကရင်လူမျိုးကို ဖျောက်ဖျက်ခြင်း၊ ကရင်လူမျိုးရဲ့ နာမည်ရှေ့မှ ဂုဏ်ပုဒ်ကို ပျက်ဆီးစေခြင်း၊ KNUမှ လျို့ဝှက်ချက်များ ပျက်ဆီးနိုင်ခြင်း၊ အစရှိသဖြင့် အများကြီး ပါပဲ။ ကရင်လူမျိုးကို ဖျောက်ဖျက်တဲ့ နေရာမှ ဗမာနာမည်ရှိတဲ့ ကရင်တွေနဲ့ ဗုဒ္ဖဘာသာ ကရင်တွေကို ဗမာလူမျိုးထဲ ထည့်သွင်းမယ်။ ကရင်လူမျိုးများရဲ့ ဂုဏ်ပုဒ်ရှေ့က “စော”တို့ “နော်”တို့ နေရာမှာ ဗမာဂုဏ်ပုဒ်ဖြစ်တဲ့ “မောင်”တို့ “မ” တို့ကို ထည့်သုံးမယ်။ ဒါကို ပြင်းပြင်းထန်ထန် ကန့်ကွက်ရမယ်။ KNUရဲ့ လျှုိ့ဝှက်ချက် ပျက်ဆီးနိုင်ရတဲ့ အကြောင်းကတော့ မှတ်ပုံတင်လုပ်ပြီဆိုရင် ဘယ်သူက ဘာလုပ်လဲ၊ ဘယ်ဌာနမှာ လုပ်လဲ၊ ဘယ်သူက ထောက်လှန်းရေးလဲ၊ အရပ်ဖက် ထောက်လှမ်းရေးလား၊ စစ်ဘက် ထောက်လှမ်းရေးလား၊ ဘယ်ထောက်လှန်းရေးက ဘယ်ဂွင်မှာ လှုပ်ရှားလဲ အစရှိသဖြင့် KNUရဲ့ လျှို့ဝှက်ချက်အားလုံးကို ဖော်ထုတ်သွားနိုင်တယ်။ ကိုယ့်အာနည်းချက်တွေကို ရန်သူက သိသွားပြီးဆိုရင် ကိုယ်ဟာ ရန်သူ လက်ခုပ်ထဲက ရေလို ဖြစ်သွားမယ်။ သွန်ချင်သွန်၊ မှောက်ချင်မှောက်ပဲ။ DKBAနဲ့ မွန်ပြည်သစ် ပါတီကို သင်ခန်းစာ ယူပါ။ စစ်အာဏာရှင်တွေရဲ့ ကောက်ကျစ်တဲ့ လုပ်ရပ်တွေကြောင့် DKBAရဲ့ အင်အားဟာ ၅ ပုံ ၁ ပုံပဲ ရှိတော့တယ်။ မွန်ပြည်သစ်ပါတီရဲ့ အင်အားဟာလည်း ၇၀၀၀ ကနေ ၂၀၀၀ ပဲ ကျန်တော့တယ်။ ဒီအတိုင်း ဆက်သွားရင် KNUဟာ DKBAနဲ့ မွန်ပြည်သစ် ပါတီလို ဖြစ်သွားနိုင်တယ်လို့ အဖူး ပြောချင်တယ်။
စောသစ္စာထူး (USK, United States of Karen) မှ တွေ့ဆုံ မေးမြန်းထားခြင်း ဖြစ်သည်။

ညီညွတ်ရေး၊ ငြိမ်းချမ်းရေးမှသည် လွတ်မြောက်ရေးဆီသို့

2012-01-22T21:04:00.000-08:00

အီးမေးလ်ကနေတဆင့် အမြင်သဘောထား ရေးသား ပေးပို့လာသူ မန်းရန်နိုင်ကို ကျေးဇူး အထူး တင်ရှိပါတယ်။ တချိန်က မန်းရန်နိုင်ဟာ KNLA အထူးတပ်ရင်းတခုမှာ ဒုရင်းမှူးအဆင့်နဲ့ တာဝန် ထမ်းဆောင်ခဲ့သူဖြစ်ပြီး လက်ရှိအချိန်ထိ အမျိုးသားရေး၊ တော်လှန်ရေးကို တပ်အားသရွေ့ လှုပ်ရှား ဆောင်ရွက်နေသူတဦးလည်း ဖြစ်ပါတယ်။
KNU

ကရင့်အမျိုးသား ခေါင်းဆောင်ကြီး အဖူး စောဘဦးကြီးနှင့် တွေ့ဆုံ မေးမြန်းချက် (အင်တာဗျူး) ပထမပိုင်း

2012-01-19T20:44:00.000-08:00

စောသစ္စာထူး။ ။KNU ခေါင်းဆောင်တချို့ အပစ်ခတ် ရပ်စဲတာကို အဖူး စောဘဦးကြီး အားရ ကျေနပ်မှု ရပါသလား။

စောဘဦီးကြီး။ ။ အားရ ကျေနပ်မှု ရလား၊ မရလား မပြောခင် KNU ခေါင်းဆောင်တွေကို အရင်ဦးဆုံး ပြောချင်တာကတော့ အဖူးဟာ မိသားစုနဲ့တကွ စည်းစိမ် ချမ်းသာတွေကို စွန့်လွတ်ပြီးတော့ ကရင့် တော်လှန်ရေး လုပ်ခဲ့တာပါ။ အဖူး မိသားစု ချမ်းသာဖို့ သူဌေးဖြစ်ဖို့ အတွက် တော်လှန်ရေး လုပ်ခဲ့တာ မဟုတ်ဘူး။ တော်လှန်ရေးမှာ စည်းစိမ် ချမ်းသာဆိုတာ ပေးဆပ်ခြင်းပဲ။ စည်းစိမ်ချမ်းသာ ရယူဖို့အတွက် ဆိုရင်တော့ ဒါဟာ စစ်မှန်တဲ့ တော်လှန်ရေး မဟုတ်တော့ဘူး။ ချမ်းသာဖို့ အတွက် တော်လှန်ရေး လုပ်ရင်တော့ ရှင်းရှင်းပဲ ပြောလိုက်မယ် လမ်းမှားနေပြီး။ အခု စစချင်း လှမ်းတဲ့ ခြေတလှုမ်းဟာ မမှားဖို့ အရေးကြီးတယ်။ “ခြေလှမ်းမှားခြင်း အားလုံးထဲမှာ နိုင်ငံရေး ခြေလှမ်းမှားခြင်းဟာ အဆိုးဆုံးပဲ။” အဖူးလည်း ခြေလှမ်း မှားခဲ့သလို ဖြစ်ခဲ့ရတယ်။ ဒါကို အမျှော်အမြင် ကောင်းတဲ့ မန်းဘဇန်နဲ့ ကရင်ခေါင်းဆောင် တချို့ ပြင်လို့သာပေါ့။ သူတို့သာ မပြင်ခဲ့ဘူးဆိုရင် အဲဒီအချိန်တုန်းကပဲ ကရင့် တော်လှန်ရေးဟာ အသက်ထွက်သွားပြီး။ အခု အပစ်အခတ် ရပ်စဲတဲ့ လုပ်ရပ်ဟာ လမ်းမှားဘက် ရောက်ဖို့ ပိုများ နေတဲ့အတွက် အားရ ကျေနပ်မှု မရှိပါဘူး။

စောသစ္စာထူး။ ။အားရကျေနပ်မှု ရနိုင်တဲ့ အပစ်အခတ်ရပ်စဲမှုကို အဖူးစောဘဦးကြီး ဘယ်လိုမြင်ပါသလဲ။

စောဘဦီးကြီး။ ။အားရ ကျေနပ်မှု ရနိုင်တဲ့ အပစ်အခတ်ရပ်စဲမှုဆိုတာ တစ်ဦးနဲ့ တစ်ဦး စိတ်ထဲမှာတောင် မတိုက်ရဘူး။ ဗမာနယ်မြေမှာ ကရင် လက်နက်ကိုင် မရှိရသလို ကရင် နယ်မြေမှာလည်း ဗမာ လက်နက်ကိုင် မရှိရပါဘူး။ ဒီလို အာမခံ ချက်မျိုးတွေ ရှိရမယ်။ အပစ်အခတ် ရပ်စဲတဲ့ အချိန်မှာ KNUထိမ်းချုပ် ထားတဲ့ နယ်မြေ အတွင်း လက်နက် ရိက္ခာတွေကို မဟားတရား ဖြည့်တင်းလာတာကို ကြည့်ခြင်းအားဖြင့် အခု အပစ်အခတ် ရပ်စဲတဲ့ လုပ်ရပ်ဟာ ကိုယ့်သေတွင်း ကိုယ်တူးသလို ဖြစ်သွားနိုင်တယ်လို့ အဖူးမြင်တယ်။

စောသစ္စာထူး။ အခု အပစ်အခတ် ရပ်စဲလိုက်တာကို အဖူးစောဘဦးကြီး ထောက်ခံပါသလား။

စောဘဦီးကြီး။ ။အခုလက်ရှိအခြေအနေကို ပြောမယ်ဆိုရင် ၁၀၀ မှာ ၂၀ရာခိုင်နှုန်းပဲ ထောက်ခံပါတယ်။

စောသစ္စာထူး။ ။ဘာကြောင့် ၁၀၀ရာခိုင်နှုန်း အပြည့်အ၀ မထောက်ခံတာလဲ

စောဘဦီးကြီး။ ။အခု ကရင့် တော်လှန်ရေးကို စက်မှုဇုန်နဲ့ လဲရမယ့် အခြေအနေမျိုး ဖြစ်နေတယ်။ ဘယ်လိုမှ အပြည့်အ၀ ထောက်ခံလို့ မရဘူး။

စောသစ္စာထူး။ ။ကရင် ဒေသတွေမှာ စက်မှုဇုန်တွေ ဖြစ်လာမယ်ဆိုရင် ကရင် လူမျိုးတွေရဲ့ လူနေမှု ဘ၀ တိုးတက်လာမယ် မဟုတ်ဘူးလား။

စောဘဦီးကြီး။ ။အပေါ်ယံ ကြည့်ရင်တော့ ဟုတ်ပါတယ်။ တကယ် အတွင်း ကျကျကို ၀င်ကြည့်မယ်ဆိုရင် ဒီမိုကရေစီလည်း မရသေး၊ စစ်မှန်တဲ့ ဖယ်ဒရယ် ပြည်ထောင်စုလည်း ဖြစ်မလာသေးဘူး။ ဘာနိုင်ငံရေး အာမခံချက်မှ မရှိသေးပဲနဲ့ စက်မှုဇုံတွေ တည်ထောင်မယ်ဆိုရင် တရုတ်၊ ကုလား၊ ဗမာတွေကပဲ လက်ဝါးကြီးအုပ် ချုပ်ကိုင်ထားကြမယ်။ အဖူးတို့ ကရင် လူမျိုးတွေကတော့ အလုပ်သမား ဘ၀ကနေ ရုန်းထွက်နိုင်မှာ မဟုတ်ပါဘူး။ နယ်မြေတွေလည်း အများကြီး ပျက်စီး ဆုံးရှုံးနိုင်တယ်။ ဗမာပြည် အထက်ပိုင်းမှာ ရှိတဲ့ ဗမာလူမျိုးတွေကို တရုတ်တို့ ၀ါးမြိုထားသလို အဖူးတို့ ကရင်တွေလည်း အခြားလူမျိုး ပေါင်းစုံတို့ရဲ့ ၀ါးမြိုမှုကို ခံရမယ်။ ကရင်ဒေသမှာ ထွက်တဲ့ တွင်းထွက် သဘာဝ သယံဇာတ ပစ္စည်းတွေလည်း အမျိုးပြုတ် သွားနိုင်တယ်။ ကချင်ဒေသက ထွက်တဲ့ ကျောက်စိမ်းတွင်းတွေ တိမ်ကောသလို ဖြစ်သွားနိုင်တယ်။ ပိုပြီး ရင်နာစရာ ကောင်းတာကတော့ အဖူးရဲ့ မျိုးဆက်သစ် မြေးနဲ့ မြစ်လေးတွေဟာ မူးယစ် သမားတွေနဲ့ ပြည့်တန်ဆာတွေ ဖြစ်ဖို့ ရှိတယ်။ ဒါဟာ ကရင်လူမျိုးတွေရဲ့ လူနေမှုဘ၀ တိုးတက်မှု အစစ်အမှန် မဖြစ်နိုင်တော့ဘူး။

စောသစ္စာထူး။ ။ယခု တိုင်းရင်းသား လက်နက်ကိုင် အဖွဲ့အစည်း တော်တော်များများ အပစ်အခတ် ရပ်စဲတာကိုရော အဖူး ဘယ်လိုမြင်သလဲ။

စောဘဦီးကြီး။ ။ယခုချိန်မှာ ၀၊ မိုင်းလား၊ ရှမ်း၊ ချင်း၊ ကရင် အစရှိတဲ့ တိုင်းရင်းသား လက်နက်ကိုင် အဖွဲ့အစည်းတွေ စစ်အာဏာရှင်တွေ အပစ်အခတ် ရပ်စဲလိုက်တာဟာ KIAကို သွယ်ဝိုက်တဲ့နည်းနဲ့ တိုက်ခိုက် လိုက်တယ်လို့ အဖူးမြင်တယ်။ ဒါကို ပြန်လည် သုံးသပ်ကြပါ။ KIAသာ အမြစ်ပြတ်ထွက် သွားရင် အပစ် ရပ်စဲထားတဲ့ အဖွဲ့တွေလည်း အမြစ်ပြုတ် ထွက်ဖို့သာ ပြင်ထားပါ။ KIAရဲ့ နိုင်ငံရေး ရပ်တည်ချက်ကတော့ တိုင်းရင်းသား လက်နက်ကိုင် အဖွဲ့အစည်း အားလုံးထဲမှာ စံပြအဖွဲ့ပဲ။ ဘာနိုင်ငံရေး အာမခံချက်မှ မပေးနိုင်ဘူးဆိုရင် ဘာမှ မလုပ်သေးတာ အကောင်းဆုံးပဲ။ မွန်ပြည် သစ်ပါတီလည်း KIAရဲ့ လမ်းစဉ်ကို လိုက်မယ်လို့ပဲ အဖူး မျှော်လင့်တယ်။ ဒီလမ်းစဉ်ဟာ ဖြောင့်မတ်မှန်ကန်တဲ့ လမ်းစဉ်ပဲလို့ အဖူးမြင်တယ်။

စောသစ္စာထူး။ ။ ဒါဆိုရင် KNUအနေနဲ့ ဘာဆက်လုပ် သင့်တယ်လို့ ထင်ပါသလဲ။

စောဘဦီးကြီး။ ။အခုအချိန်မှာ KNUဘာလုပ်သင့်သလဲ မပြောခင် ဒေါ်အောင်ဆန်းစုကြည် အခုဘာလုပ် နေသလဲဆိုတာ အရင်ဦးဆုံး ပြောမယ်။ အကျဉ်းထောင်က ထွက်လာပြီး ဒုတိယပင်လုံ ညီလာခံ လုပ်မယ်လို့ ပြောတယ်။ ဒီလုပ်ရပ်ကို အတိုက်အခံနဲ့ တိုင်းရင်းသားတွေက ထောက်ခံတယ်။ အာဏာရှင်တွေက မထောက်ခံဘူး။ ဒီလုပ်ရပ်ကို ဆက်လုပ်မယ်ဆိုရင် ဖမ်းဆီး ထောင်ချ လုပ်ကြံသတ်ဖြတ် ခံရဖို့ပဲ ရှိတယ်။ ဧရာဝတီတိုင်း စည်းရုံးရေးမှာ တကြိမ် ဒီပဲယင်းမှာ တကြိမ် လုပ်ကြံ သတ်ဖြတ်ဖို့ ကြိုးစားခဲ့ကြတယ်။ ဒါဟာ ဘယ်လိုမှ မေ့ပျောက်လို့ မရနိုင်တဲ့ စစ်အာဏာရှင်တွေရဲ့ ကောက်ကျစ်တဲ့ လုပ်ရပ်တွေပဲ။ ဒါပေမယ့် ဒေါ်အောင်ဆန်းစုကြည်ဟာ ဗမာပြည်သူတွေနဲ့ တိုင်းရင်းသား အားလုံး ပြန်လည်စည်းလုံးဖို့ အတွက်ဆိုရင် အသက်ကိုပင် စွန့်လွတ်ဝံ့သူလို့ အဖူး မြင်တယ်။ အခုချိန်မှာတော့ စည်းလုံးမှု ပြိုကွဲပြီး ရန်သူတွေ ဖြစ်နေကြတဲ့ ဗမာ အချင်းချင်းကို ပြန်ပြီး စည်းလုံးအောင် လုပ်နေတယ်။ အခုချိန်မှာ တိုင်းရင်းသား ကိစ္စတွေကို ဦးစား မပေးဘဲနဲ့ ဗမာ အချင်းချင်း ပြန်လည်ရင်ကြားစေ့ရေး၊ ဗမာလူထု တရပ်လုံးနဲ့ ကမ္ဘာက အသိအမှတ်မပြုတဲ့ ဦးသိန်းစိန်တို့ အဖွဲ့ကို အသိအမှတ်ပြုအောင် လုပ်ပေးနေတယ်။ ဘယ်သူမှ မျှော်လင့် မထားတဲ့ ဗိုလ်ချုပ်ကြီးဟောင်း ဦးခင်ညွန့်နှင့် လက်အောက် ငယ်သားတွေကို ပြန်လွတ်ပေးတာကို ကြည့်ခြင်းအားဖြင့် သင်ပုန်ချေရေးကို လုပ်နေတယ်။ ဒီလိုပဲ ဖြစ်ရမယ်။ အဖူးတို့ ကရင်တွေလို ဗမာအချင်းချင်း ပြန်တိုက်ကြတာကို အဖူး မမြင်ချင်ပါဘူး။ ကဲ--ဒါဆိုရင် KNUက အခုချိန်မှာ သူတို့ ဘာလုပ် သင့်သလဲဆိုတာ သိလောက်ပါပြီး။ ဆက်ပြောဖို့ မလိုတော့ဘူးလို့ ထင်တယ်။

စောသစ္စာထူး။ ။နိုင်ငံရေးအမြင် အားကောင်းတဲ့ လူတွေက သိပေမယ့် နိုင်ငံရေး အမြင် အားနည်းတဲ့ လူတွေက အဖူးရဲ့ ဆိုလိုချက်ကို ကောင်းကောင်း မသိဘူး။ ကေအဲန်ယူ ဘာလုပ်သင့်လဲ ဆိုတာကို ကျေးဇူးပြုပြီး အသေးစိတ် ဖြေကြားပေးပါ။

စောဘဦီးကြီး။ ။နိုင်ငံရေးနဲ့ ပတ်သက်ပြီး ပြောရမယ်ဆိုရင် နိုင်ငံရေး အမြင် အားကောင်းတဲ့ လူမျိုးတွေက သခင်ဖြစ်မယ်၊ နိုင်ငံရေး အမြင် အားနည်းတဲ့ လူမျိုးတွေက ကျွန်ဖြစ်မယ်။ ဒါကို အရင်ဦးဆုံး သိစေချင်တယ်။ အခုချိန်မှာ ကေအဲန်ယူ လုပ်ရမှာက နှဖူးတွေ့ ဒူးတွေ့ စေ့စေ့စပ်စပ် သေသေချာချာနဲ့ အချိန်ပေးပြီး အချင်းချင်း သဘောထား ကွဲလွဲမှုတွေကို ဆွေးနွေးရမယ်။ တချို့ အတွေးအခေါ် အယူအဆ တွေဟာ မှားနေတဲ့အတွက် နားလည် ခွင့်လွတ်ပေးပြီး ဆွေးနွေး တင်ပြကြပါ။ ကရင့် တော်လှန်ရေးအတွက် ဆုံးဖြတ်ချက် ချမယ်ဆိုရင်လည်း ကရင်ပြည်သူ တရပ်လုံးရဲ့ ထောက်ခံ အားပေးမှု အများဆုံး ရမှပဲ ဆုံးဖြတ်ပါ။ နောက်ထပ် အရေးကြီးဆုံး လုပ်ရမယ့် အလုပ်ကတော့ ကရင် လက်နက်ကိုင် တပ်ဖွဲ့အားလုံး အပြုသဘော ဆောင်တဲ့ ဆွေးနွေးပွဲ ကြီးတခု အမြန်လုပ်ပါ။ KNUကို ထောက်ခံတဲ့ ကရင်ပြည်သူတွေ ရှိတယ်။ DKBAကို ထောက်ခံတဲ့ ကရင် ပြည်သူတွေ ရှိတယ်။ KPC ကရင် ငြိမ်းချမ်းရေး ကောင်စီကို ထောက်ခံတဲ့ ကရင်ပြည် သူတွေ ရှိတယ်။ ဒါကို KNU ခေါင်းဆောင်တွေ သိထားဖို့ လိုလာပြီး။ အခုအချိန်မှာ ကရင် တော်လှန်ရေးဟာ လမ်းဆုံ လမ်းခွကို ရောက်နေပြီး။ နည်းနည်းလေးမှ အမှားခံလို့ မရဘူး။ အခုအချိန်မှာ ကရင် လက်နက်ကိုင် တပ်ဖွဲ့ အားလုံးကို

၁။ ပူးပေါင်းမှုရအောင်

၂။ ညီညွတ်မှုရအောင်

၃။ တန်းတူ အခွင့်အရေး ရအောင် လုပ်ဆောင်နိုင်တဲ့ အဖွဲ့ကတော့ ကရင် သမိုင်းမှာ ရာဇ၀င် တင်ခံရမှာပဲ။ ပူးပေါင်းမှု မလုပ်နိုင်တဲ့ အဖွဲ့ကတော့ ကရင်ပြည်သူတွေရဲ့ ပစ်ပယ်ခြင်းကို ခံရမှာပဲ။ ဒါကို ၂၀၁၂ ဇန်န၀ါရီလ အတွင်းမှာပဲ လုပ်ပါ။ ဖေဖော်ဝါရီလ ၅ရက် ကရင်အမျိုးသား အစည်းအရုံးနေ့မှာ အားလုံး သဘောတူ လက်မှတ် ရေးထိုးနိုင်အောင် အပြီးသတ် လုပ်ဆောင်ဖို့ လိုတယ်။ ဗမာစစ်တပ်နဲ့ ပူးပေါင်းထားတဲ့ ကရင် နယ်ခြားစောင့် တပ်ဖွဲ့တွေလည်း ရှိတယ်။ သူတို့လည်း ကရင်တွေပဲ။ ဒီဆွေးနွေး ပွဲကြီးမှာ သူတို့ကို လေ့လာ သူများအဖြစ် ဖိတ်ကြားရမယ်။ အခုချိန်မှာ ကရင် နယ်ခြားစောင့် တပ်ဖွဲ့တွေလည်း လမ်းဆုံလမ်းခွ ရောက်သွားပြီး။ သူတို့သမိုင်း သူတို့ ဘယ်လို ရေးမလဲဆိုတာ အဆုံးအဖြတ် ပေးရမယ့် အချိန်ရောက်လာပြီး။ ပါဝင် ပူးပေါင်းမှု မလုပ်နိုင်ဘူး ဆိုရင်တော့ ကရင်ပြည်သူတွေရဲ့ ဆန့်ကျင်မှုကို ပိုပြီး ထပ်ခံရဖို့ပဲ ရှိတယ်။ ဒီဆွေးနွေးပွဲကြီးဟာ ကရင် လူမျိုးတွေရဲ့ အနာဂတ် ကံကြမ္မာကို ဖန်တီးမယ့် ဆွေးနွေးပွဲပဲ။

စောသစ္စာထူး။ ။ ကရင် လက်နက်ကိုင်တပ်ဖွဲ့ အားလုံးမှာ ဘယ်သူတွေ တွေ့ကြရင် အကျိုးများ နိုင်မလဲ။

စောဘဦီးကြီး။ ။တချို့ နိုင်ငံရေး စစ်ရေး ခေါင်းဆောင်တွေဟာ အသက်ကြီးလာ လေလေ အာဏာမာန် ကြီးလာ လေလေပဲ။ ဥပမာ-KNU, DKBA, KPC ဒီခေါင်းဆောင်ကြီးတွေ တွေ့ကြရင် KNU ခေါင်းဆောင် တချို့က KPCခေါင်းဆောင် ဗိုလ်ချုပ်ထိန်မောင်ကို သစ္စာဖောက်လို့ ပြောနိုင်တယ်။ ဗိုလ်ချုပ် ထိန်မောင်ကလည်း KNU ခေါင်းဆောင် တချို့ကို KNUကို ခုတုံးလုပ်ပြီး ကိုယ်ကျိုး အတ္တသမားလို့ ပြန်ပြောနိုင်တယ်။ သူ့ကို ကိုယ်အပြစ်မြင် ကိုယ့်ကို သူအပြစ်မြင်နဲ့ ဘယ်လိုမှ အကျိုးမရနိုင်တော့ဘူး။ ကရင့် တော်လှန်ရေးမှာ ငယ်ရွယ်တုန်းက ဆက်ဆံရေးတွေ အဆင်ပြေခဲ့ပေမယ့်လည်း အသက်ကြီးလာတော့ အာဏာ မာန်မာနတွေကြောင့် ကွဲသွားကြတဲ့အထိပဲ မဟုတ်လား။ ဘယ်လောက် ရင်နာဖို့ကောင်းလဲ။ ဒါကြောင့် လူကြီးတွေ တွေ့တာထက် လူငယ် ခေါင်းဆောင်တွေ တွေ့တာက ပိုအကျိုးများပါတယ်။ ဥပမာ-KNUမှာဆိုရင် ဗိုလ်မှူးစောလှငွေတို့လို DKBAမှာဆိုရင် ဗိုလ်မှူး စောဆန်းအောင်တို့လို KPCမှာဆိုရင် ဗိုလ်မှူးစောဝင်းတင်တို့လို လူငယ် ခေါင်းဆောင် တပ်မှူးတွေ ဆွေးနွေးရမယ်။ နောက်ထပ် ပါဝင်ရမယ့် သူတွေကတော့ ကရင့်တော်လှန်ရေးအပေါ် သစ္စာရှိတဲ့ ကရင်ပညာတတ် လူငယ်တွေပဲ။ ဥပမာ-နန့်ဇိုယာဖန်းတို့လို လူငယ်တွေ ပါဝင်ဆုံးဖြတ်ရမယ်။ ကရင့်တော်လှန်ရေးရဲ့ အနာဂတ်ဟာ ဒီလူငယ်တွေရဲ့ လက်ထဲမှာ ရှိတယ်။ လူကြီးတွေကတော့ ၀န်းရံပေးဖို့ပဲ။ ဒီဆွေးနွေးပွဲမှာ ကရင် တပ်မတော်ကို တခုတည်း ဖြစ်အောင် ပြန်လုပ်ရမယ်။ ဥပမာ KULA(Karen Unity and liberation Army) ကရင် ညီညွတ်ရေး နှင့် လွတ်မြောက်ရေး တပ်မတော်ကို ဖွဲ့စည်းရမယ်။ ဒီတပ်မတော်မှာ မူဝါဒ ၃ခု ချမှတ်ရမယ်။

၁။ ဒီမိုကရေစီ တပ်မတော် ဖြစ်ရမည်။

၂။ ခေတ်မှီလက်နက်ကိုင် တပ်မတော် ဖြစ်ရမည်။

၃။ ကရင်လူထုအပေါ် သစ္စာရှိရမည်။

အခုချိန်မှာ ဒီဆွေးနွေးပွဲကို မဖြစ်ဖြစ်အောင် လုပ်ရတော့မယ်။ ဒီဆွေးနွေးပွဲ မဖြစ်အောင် စစ် အာဏာရှင်တွေက နည်းမျိုးစုံနဲ့ ဖျက်စီးလိမ့်မယ်။ ဘယ်လိုပဲ ဖျက်ဖျက် မဖြစ်ဖြစ်အောင် ဒီဆွေးနွေးပွဲကို လုပ်ရမယ်။ ဒါဟာ ကရင်လူမျိုးတွေရဲ့ အနာဂတ် ကံကြမ္မာပဲ။ ခုချိန်မှာ အိပ်လို့ မအားအောင် ဆွေးနွေးရမယ့် အချိန်၊ အသက်ရှူလို့ မအားအောင် ဆွေးနွေးရမယ့် အချိန်ပဲ။ “ ညီညွတ်မှု တစ်လမ်း နောက်ကျသွားရင် တစ်သက်လုံး ကျွန်ဖြစ်သွားနိုင်တယ်။”

စောသစ္စာထူး။ ။ခုချိန်မှာ ကရင့်တော်လှန်ရေးကို ကရင်ပြည်သူတွေက ဘယ်လို မြင်ချင်သလဲ။

စောဘဦီးကြီး။ ။ ပြည်တွင်း ပြည်ပ ကရင်ပြည်သူတွေက ကရင့်တော်လှန်ရေးမှာ ကရင်အချင်းချင်း ပြန်တိုက်ကြတာကို မမြင်ချင်ဆုံးအရာပဲ။ စစ်အာဏာရှင်တွေက KNUကို တိုက်လို့ အမြစ်ပြတ်သွားရင် DKBAနဲ့ KPCတို့လည်း အမြစ်ပြုတ် ထွက်သွားမယ်။ DKBAကို တိုက်လို့ အမြစ်ပြတ်သွားရင် KNUနဲ့ KPCတို့လည်း အမြစ် ပြုတ်ထွက်သွားမယ်။ KPCကို တိုက်လို့ အမြစ်ပြတ် ထွက်သွားရင် KNUနဲ့ DKBAတို့လည်း အမြစ်ပြုတ် ထွက်သွားမယ်။ ဒါကို ကရင်ပြည်သူတွေ ကောင်းကောင်း သဘောပေါက်တယ်။ ဒါကြောင့် ကရင့်တော်လှန်ရေးမှာ ကရင် လက်နက်ကိုင် တပ်ဖွဲ့အားလုံး ပြန်လည် ပေါင်းစည်းပြီး တခုတည်းသော ကရင့် တပ်မတော်ကို ဖွဲ့စည်းနိုင်ဖို့ဟာ ကရင်ပြည်သူတွေ အမြင်ချင်ဆုံး အရာပဲ။

စောသစ္စာထူး။ ။ KNUခေါင်းဆောင်တွေကို အဖူး စောဘဦးကြီး အပြောချင်ဆုံး စကားက ဘာလဲ။

စောဘဦီးကြီး။ ။ဗမာပြည်မှာ လွတ်လပ်ရေး မရခင်တုန်းက ဗမာတွေနဲ့ နိုင်ငံရေး စကားပြောမယ် ဆိုရင် ဗိုလ်ချုပ်အောင်ဆန်းနဲ့ ပြောရတယ်။ လွတ်လပ်ရေးရပြီး ယခုလက်ရှိ အချိန်မှာ ဗမာတွေနဲ့ နိုင်ငံရေး စကား ပြောမယ်ဆိုရင် ဒေါ်အောင်ဆန်းစုကြည်နဲ့ ပြောရတယ်။ ဗမာ စစ်အာဏာရှင်တွေနဲ့ နိုင်ငံရေး စကား ပြောမရလို့ ပြည်တွင်း စစ်ကြီး နှစ်ပေါင်း ၆၀ကျော်က သက်သေပြ သွားခဲ့ပြီး။ လွန်ခဲ့တဲ့ နှစ်ပေါင်း (၆၀)ကျော်က ကရင့် တော်လှန်ရေးဟာ သွေးပူ လေ့ကျင့်ခန်းပါ။ အခုချိန်မှာ KNU ခေါင်းဆောင်တွေကို အဖူး အပြောချင်ဆုံး စကားက”ကရင့် တော်လှန်ရေးဟာ အခုမှ အစပဲ ရှိသေးတယ်။” လို့ ပြောချင်တယ်။

စောသစ္စာထူး။ ။ တချို့KNU ခေါင်းဆောင်နဲ့ တချို့ ကရင်လူငယ်တွေက အဖူးစောဘဦးကြီးရဲ့ မူ (၄)ချက်ဟာ ခေတ်မမှီ တော့ဘူးလို့ ပြောကြတယ်။ ဒါကို အဖူးဘယ်လို ပြောမလဲ။

စောဘဦးကြီး။ ။ သိပ်ကောင်းတဲ့ မေးခွန်းပဲကွာ။ ဒီလိုကောင်းတဲ့ မေးခွန်းတွေကို မေးနိုင်တဲ့အတွက် စောသစ္စာထူးကို အဖူးအရမ်း လေးစားသွားပြီး။ ကျေးဇူးလည်း အထူးတင်တယ်။ အဖူး ချမှတ်ခဲ့တဲ့ မူ (၄)ချက်ကို ပြန်ကြည့်လိုက် -- လောလောဆယ် ၂ချက်ပဲ အရင် ထောက်ပြမယ်။ ကရင့်လက်နက် ကရင့် လက်ထဲ မရှိရင်၊ ကရင့်ကံကြမ္မာ ကရင် ဖန်တီးခွင့် မရှိရင် ကရင်ကျွန် ဖြစ်တာက လွဲပြီး တခြား ဖြစ်စရာ မရှိဘူး။ သခင်ဆိုတာ ထည့်တောင် စဉ်းစားလို့ မရတော့ဘူး။ အဖူးရဲ့ မူ (၄)ချက်ကို ခေတ်မမှီတော့ဘူးလို့ ပြောတဲ့ သူတွေဟာ -----

၁။ အကြမ်းဖက် စစ်အာဏာရှင်တွေ

၂။ စိတ်ဓါတ်ပျော့ညံ့တဲ့ ကရင့်တော်လှန်ရေးသမားတွေ

၃။ နိုင်ငံရေး အမြင်အားနည်းသေးတဲ့ ကရင်လူငယ်တွေ

၎။ ကျွန်စိတ်ရှိနေသေးတဲ့ ကရင်တွေ

၅။ အကြမ်းဖက် စစ်အာဏာရှင်တွေရဲ့ မှိုင်းတိုက်မှုကို ခံလိုက်ရတဲ့ ကရင်တွေပဲ။

ဒါကြောင့် တချို့ KNUခေါင်းဆောင်တွေနဲ့ ကရင် လူငယ်တွေကို အဖူး ပြောချင်တာက ကိုယ့်ကိုယ်ကို ပြန်စစ်ကြပါ။ ငါဟာ ဘယ်အချက်ထဲမှာ ပါနေလဲ။ ပါနေရင် ဆွဲနှုတ်ပစ်လိုက်ပါ။ ဒီမူ (၄)ချက် မရှိခဲ့လို့ အဖူးတို့ ကရင်လူမျိုးတွေ တရုတ်နိုင်ငံ တိဘက်မြေကို အပြီးအပိုင် စွန့်လွတ်ခဲ့ရတယ် မဟုတ်လား။ အဲဒီ အချိန်တုန်းက ဒီမူ (၄)ချက်သာ ရှိခဲ့မယ်ဆိုရင် တိဘက် လူမျိုးတွေနဲ့ ပေါင်းပြီး တရုတ်တွေကို ပြန်တော်လှန်မှာ အသေအချာပဲ။ ဒီသမိုင်းကြောင့်ပဲ ဒီမူ (၄)ချက်ကို အဖူး ချမှတ်ခဲ့တာပါ။ ဒီမူ (၄)ချက်ကို မချမှတ်ခဲ့ဘူးဆိုရင် ဗမာတွေ တိုက်ထုတ်လို့ ဗမာပြည်မှာ ကရင် လူမျိုးတောင် ရှိတော့မှာ မဟုတ်ဘူး။ နောင်ဆိုရင် "ကရင် လူမျိုးတွေကို ပြတိုက်မှာပဲ တွေ့ရမယ်"လို့ ဗမာစစ် အာဏာရှင်တွေ ပြောခဲ့တယ် မဟုတ်လား။ ဒီစကားကို ကရင်ပြည်နယ် ကော့ကရိတ်မြို့နယ် မြပတိုင်ကျေးရွာ ကရင် လူထုတွေကို ဗိုလ်ချုပ်မောင်လှ ကိုယ်တိုင် ထုတ်ဖော် ကြေညာခဲ့တယ်။ မြပတိုင်ကျေးရွာမှ ကရင်ပြည်သူတွေနဲ့ စစ်ထောက်လှမ်းရေးဟောင်း ဗိုလ်ချုပ်ကြီး ခင်ညွန့်တို့က အခိုင်အမာဆုံးသော သက်သေတွေပါပဲ။ အခုလည်း ကြည့်လေ ကရင်လူမျိုးတွေ ဗမာပြည်ကနေ အများကြီး ထွက်ပြေးကြပြီ မဟုတ်လား။ ဒီမူ (၄)ချက်ကို ကရင့် အာဇာနည် တော်လှန်ရေး သမားတွေ ဆုပ်ကိုင်ထားလို့ အခုချိန်ထိ ဗမာပြည်မှာ ကရင်လူမျိုးတွေ ရှိနေတုန်းပဲပေါ့။ ဒါကြောင့် အဖူးရဲ့ မူဝါဒကို ခေတ် မမှီတော့ ဘူးလို့ ပြောကြတဲ့ တချို့ KNU ခေါင်းဆောင်တွေနဲ့ တချို့ ကရင် လူငယ်တွေကို အဖူးက မေးခွန်းတခု မေးချင်တယ်။

“တရုတ်နိုင်ငံ တိဘက်မြေမှာ ကရင်လူမျိုးတွေ ရှိသေးလား”

အတိတ်သမိုင်းကို ထင်ထင်ရှားရှား ပြန်မြင်သွားရင် အဖူးရဲ့ မူ (၄)ချက်ဟာ ခေတ်မှီတုန်းပဲလို့ ပြန်ပြီး လက်ခံသွားမယ်။

စောသစ္စာထူး။ ။ KNUနဲ့ ဦးသိန်းစိန်တို့ အဖွဲ့ ထပ်တွေ့ဖို့ ရှိသေးတယ်။ KNUကို အဖူး ဘာမှာချင်သလဲ။

စောဘဦီးကြီး။ ။ နောက်ထပ်တွေ့မယ့် ပွဲမှာ KNUကို ဗမာ ပြည်ထောင်စုကနေ ခွဲမထွက်ဖို့ လက်မှတ် ထိုးခိုင်းမယ်။ ကရင်တွေ ဗမာပြည်ထောင်စုကနေ ခွဲထွက် မခွဲထွက်ဆိုတာ KNU,DKBA, KPCတို့ ဆုံးဖြတ်ရမယ့် အလုပ်မဟုတ်ဘူး။ ပြည်တွင်း ပြည်ပမှာ ရှိကြတဲ့ ကရင်ပြည်သူ တရပ်လုံး ဆုံးဖြတ်ရမယ့် အလုပ်ပါ။ အနာဂတ် ဗမာ့နိုင်ငံရေးကို အဆုံးအဖြတ် ပေးနိုင်တဲ့ သူဟာ ဒေါ်အောင်ဆန်းစုကြည် ဖြစ်တဲ့အတွက် ဒေါ်အောင်ဆန်းစုကြည်နဲ့ တွေ့ဆုံခွင့်မရရင် ပြန်မလာနဲ့လို့ပဲ မှာချင်တယ်။

စောသစ္စာထူး (USK, United States of Karen) မှ တွေ့ဆုံ မေးမြန်းထားခြင်း ဖြစ်သည်။

အမျိုးသားရေးအတွက် သံဓိဌာန်ချပြီး တကယ့်လုပ်ဆောင်မည် ဆိုပါက--------------------

2012-01-17T08:55:00.000-08:00

မိမိအမျိုးသားရေးပဲ ဖြစ်ဖြစ် တိုင်းရေးပြည်ရေးပဲ ဖြစ်ဖြစ် ဘိုးဘွားအမွေအနှစ်ပဲ ဖြစ်ဖြစ် သံဓိဌာန်ချထားပြီး တကယ့်လုပ်ဆောင်မည် ဆိုပါက အထူးသဖြင့် သတိထားရမည့် အချက်တွေကို လေ့လာထားရမည် ဖြစ်ပေသည်။

ထိုအချက်အလက်တွေက ဘာတွေလဲ တင်ပြရမည် ဆိုပါက------

တောထဲက အောင်းနေသော မသူတော်ကျားသည် ခွေးခြင်္သေမင်းနှင့် အသွင်ပြောင်း တူနေပါက အဆိပ်ပြင်းသထက် အလွန်ပင် ကောက်ကျစ်နေတတ်သည်။.

ဒေါင်းမင်းသည် ကျီးကန်းကဲ့သို့ အသွင်ပြောင်းတူနေပါက ဖြောင့်မတ်သော အကျင့်ကို မကျင့်တော့ပဲ ယုတ်မာသော အကျင့်ကိုသာ လုပ်ဆောင်နေတတ်သည်။

တောခွေးသည် ရွာဝက်ကဲ့သို့ အသွင်ပြောင်း တူနေပါက အရေ့ပြားထူနေသဖြင့် အဆီယိုစီးကျရာ အတူနေတဲ့ တောကောင်များနှင့် ၀ိုင်းဝန်းညစ်ပတ် ပေကျန်တတ်သည်။

အမျိုးသားရေးအတွက် ဟန်ဆောင် ဟစ်ကြွေးနေသော လူစုသည် မိမိတို့ အမျိုးသားအပေါ် ချမှတ်ထားသော ကတိတွေကို အလွယ်တကူနဲ့ ယိုယွင်းပျက်ပြားအောင် ဆုံးဖြတ် လုပ်ဆောင်တတ်ကြပေသည်။

ဒီအချက်အလက်နှင့် ပတ်သက်ပြီး အမျိုးသားရေးအတွက် ရှေ့တန်းတနေရာမှ အားသွန်ခွန်စိုက် လုပ်ဆောင်ကြမည့် အမျိုးသား သူရဲကောင်းများအဖို့ ထိုနှိုင်းယဉ်ချက်ကို ရယူကာ တင်ပြလိုက်ရခြင်း ဖြစ်သည်။

မန်းအိုင်ဒီ(ဒေါ န)၏ ဇရက်လေလား ဂျိုးလေလား ဆောင်းပါးမှ ကောက်နှုတ် ဖော်ပြလိုက်ပါသည်။

ဗိုလ်ချုပ်ကြီးရဲ့ သမိုင်းဝင် မျက်ရည်

2012-01-16T20:52:00.000-08:00

လွန်ခဲ့တဲ့ နှစ်အနည်းငယ်ခန့်က ကရင်အာဇာနည်နေ့ အခမ်းအနားမှာ ကျဆုံးခဲ့လေပြီးသော ကရင့်တော်လှန်ရေး သမားတွေကို လွမ်းဆွတ်သတိတရဖြစ်ပြီး မထိမ်းနိုင်တော့ပဲ မျက်ရည်စက်များဟာ ဗိုလ်ချုပ်ကြီးတယောက်ရဲ့ ပါးပြင်ပေါ်မှာ စီးကျလာခဲ့ရပါတယ်။ အဆိုပါ ဗိုလ်ချုပ်ကြီးဆိုသူဟာ လက်ရှိ ကရင့်တော်လှန်ရေးကို ဦးစီးနေတဲ့ ကေအဲန်ယူရဲ့ လက်နက်ကိုင်တပ်ဖွဲ့ ကေအဲန်အယ်လ်အေရဲ့ စစ်ဦးစီးချုပ်ဖြစ်ပြီး မြန်မာအစိုးရနဲ့ ကေအဲန်ယူတို့ ငြိမ်းချမ်းရေး သွားရောက်ဆွေးနွေးရာမှာ ဦးစီးလိုက်ပါသွားတဲ့ ဗိုလ်ချုပ်ကြီးမူတူးစေးဖိုးပဲ ဖြစ်ပါတယ်။ အမျိုးသား တန်းတူ အခွင့်အရေး ရရှိဖို့ တောင်းဆို တိုက်ပွဲဝင်ခဲ့တဲ့ ကရင်တော်လှန်ရေး ခရီးကြမ်းတလျှောက်မှာ အသက်သွေးချွေး၊ မျက်ရည်တွေအများအပြားကို ရင်းနှီးခဲ့ရပြီး ပန်းတိုင် မရောက်ရှိမချင်းလည်း ဆက်လက်ရင်းနှီး ရအုံးမှာသာ ဖြစ်ပါတယ်။ ယနေ့ မြန်မာအစိုးရနဲ့ ငြိမ်းချမ်းရေး သွားရောက် ဆွေးနွေးခဲ့သူ ဗိုလ်ချုပ်ကြီးအနေဖြင့် ကရင့်တော်လှန်ရေးအတွင်း ပေးဆပ်သွားခဲ့သူတွေကို ယခုချိန်ထိ မေ့ပျောက်သွားမယ်လို့ မထင်ပါဘူး။ ဒါကြောင့် ဗိုလ်ချုပ်ကြီးအနေနဲ့ ကရင့်တော်လှန်ရေးးအတွက် အဆုံးအဖြတ်ပေးမယ့် ယနေ့ အရေးကြီးတဲ့ အချိန်အခါမှာ အကောင်းဆုံးသော ဆုံးဖြတ်မှုတွေ၊ အကြံပေးမှုတွေနဲ့အတူ အမျိုးသားလွတ်မြောက်ရေး လှုပ်ရှားမှုကို ဆက်လက်ချီတက် သွားမယ်ဆိုတာ ကရင်လူထုတရပ်လုံးက မျှော်လင့်နေလျှက် ရှိပါတယ်။ ဒါ့အပြင် ခေတ်အဆက်ဆက် မြန်မာခေါင်းဆောင်တွေရဲ့ လိမ်ညာလှည့်ဖြားမှုတွေကို ကျော်လွားနိုင်ပြီး ဘေးမသီရန်မခတ်ပဲ ချောချောမွေ့မွေ့နဲ့ လျှောက်လှမ်းနိုင်ပါစေလို့ပဲ ဆုတောင်းလိုက်ပါရစေ။
အဲခေါင်သောင့်

ငြိမ်းချမ်းရေး တည်ဆောက်စဉ်ကာလ အစိုးရတပ် ရိက္ခာ ဖြည့်တင်း

2012-01-14T09:54:00.000-08:00

ဇန်န၀ါရီ ၁၄ရက်၊ ၂၀၁၂
ကြံဖွံ မြန်မာအစိုးရနှင့် ကေအဲန်ယူတို့ ငြိမ်းချမ်းရေး တည်ဆောက်စဉ် ကာလအတွင်း ကရင်ပြည်နယ် ရှေ့တန်း တပ်စခန်းများအတွက် လူသူ လက်နက်ရိက္ခာများ ဖြည့်တင်းလျှက်ရှိသည်ဟု မြင်မျက် သက်သေများက ဆိုသည်။
်
ကေအဲန်ယူနှင့် ကြံဖွံ မြန်မာအစိုးရတို့ ငြိမ်းချမ်းရေး သဘောတူ လက်မှတ်ရေးထိုးခဲ့သည့် ဇန်န၀ါရီလ ၁၂ရက်နေ့က စစ်ကား အများအပြား ကော့ကရိတ် မြ၀တီ ကားတန်း အတက်နေ့တွင် တက်ရောက်လာတာကို တွေ့မြင်ရပြီး အလုံပိတ်ထားသည့် စစ်ကားများလည်း ပါဝင်သည်ဟု မျက်မြင်သက်သေတဦးဖြစ်သည့် ကျုံဒိုးနယ်သား ခရီးသည်တဦးက ပြောဆိုသည်။

အချို့ကားများတွင် စစ်သားများကို တင်ဆောင်ပြီး အလုံပိတ်သည့် ကားများတွင် ရိက္ခာ(သို့မဟုတ်) လက်နက်များကို တင်ဆောင်ခြင်း ဖြစ်နိုင်သည်ဟုလည်း ၄င်းက ဆိုသည်။

ဒါ့အပြင် ငြိမ်းချမ်းရေး ဆွေးနွေးနေချိန်ကို အခွင့်ကောင်းယူပြီး တပ်မဟာ ၆နယ်မြေအတွင် ရိက္ခာများ သယ်ယူနိုင်ရန်အတွက် သက်ဆိုင်ရာ တပ်မဟာ၆ တာဝန်ရှိသူတွေထံ လူလွတ် ခွင့်တောင်းမှုများ ရှိနေသော်လည်း စောသေးသည်ဟုသာ အကြောင်းပြန်လိုက်သည်ဟု တပ်မဟာ ၆ အရာရှိတဦးက ပြောဆိုသည်။

၂၇၅၁ခုနှစ်ထုတ် ကရင်နှစ်သစ်ကူး သတင်း စာစောင်(ဆစ်ဒနီ)

2011-12-31T06:18:00.000-08:00

Karen News Letter 2751

ညီနောင် ကချင်တွေရဲ့ အောင်မြင်မှု (တိုက်ပွဲ ရုပ်သံ)

2011-12-29T02:50:00.000-08:00

တရားမျှတသည့် ခုခံတော်လှန်စစ် အောင်မြင်ရမည်။
မတရားသည့် ကျူးကျော် ရန်စဖိနှိမ့်သည့် စစ် မုချ ကျဆုံးရမည်။
Jinghpaw Kasaဆိုက်မှ ကူးယူထားပါသည်။

ငြိမ်းချမ်းပါစေ ဒေါနမြေ

2011-12-27T22:44:00.000-08:00

အဲခေါင်သောင့်

အချိန်ကတော့ ၂၀၀၄ ဇူလိုင်လ------ တားဆီးလို့ မရနိုင်တဲ့ မိုးတွေဟာ သဲသဲမည်းမည်းကြီးနဲ့ ရွာကောင်းတိုင်း ရွာနေတဲ့ အချိန်ပေါ့။ မိုးကောင်းကင် တခုလုံး မဲမှောင်လာပြီး အရှေ့ဘက် စူးစူးကို ကြည့်လိုက်ပြန်တော့ အထီးကျန်စွာ ရှိနေတဲ့ ဒေါနတောင်တန်း ကြီးဟာလည်း မိုးရေတွေရဲ့ အောက်မှာ ပန်ချီကား ချပ်ကြီး တခုပမာ မပီဝိုးတ၀ါးနဲ့ အဝေးကနေ မြင်တွေ့ရပါတယ်။ အဲဒီဒေသထဲမှာပဲ စီးဆင်းနေပြီး နွေပိုင်း ရေလမ်းခရီး အသုံးမပြုနိုင်တဲ့ ဟောင်သရော မြစ်ဟာလည်း တောင်ကျရေ၊ မိုးရေတွေကြောင့် ရေများပြည့်လျှံလာကာ ရေလမ်းခရီး အသုံးပြုလာနိုင်သဖြင့် လူထုအကျိုး စတင် သယ်ပိုးနေပြီ ဖြစ်ပါတယ်။

ဒေါနတောင်တန်း ရှည်ကြီး နောက်ခံထားတဲ့ ဒီဒေသဟာ လှချင်တိုင်း လှနေတဲ့ သဘာဝ နေရာလေး တခုဖြစ်ပြီး နေချင်စရာ ကောင်းတဲ့ နေရာ လေးတခုလို့ မသိသူတွေ ထင်ကောင်း ထင်နေကြပါမယ်။ တကယ်တော့ဗျာ---ဒီနေရာကြီးဟာ နေချင်စရာကောင်းတဲ့ နေရာလေးတခု မဖြစ်သေးပါဘူး။ နှစ်ပေါင်းများစွာ ကတည်းက အဆိုပါ သဘာဝ တရားတွေကို ဖျက်ဆီး နှင်းချေပြီး အစားထိုး ၀င်ရောက် နေရာယူသွား တာကတော့ ပြည်တွင်းစစ် အနှစ် ခြောက်ဆယ်ရဲ့ အနိဌာရုံပဲ ဖြစ်ပါတယ်။ အဲဒီ ဒေသတွေထဲမှာ ခိုကိုးရာမဲ့နေပြီး တစုံတရာ အကူအညီရဖို့ မျှော်ကိုးရင်း မအေးချမ်းနိုင်ပဲ ပူလောင်နေတဲ့ ဘ၀တွေလည်း ရှိနေပါတယ်။ ငိုကြွေးသံ၊ ကြုံးဝါးသံနဲ့ ယမ်းငွေ့သံ တထောင်းထောင်း ထွက်နေတာကို ဒေါနတောင်တန်းကြီးက စိတ်မကောင်းကြီးစွာ မြင်နေ ကြားနေရတာ နှစ်ပေါင်း အတော် ကြာခဲ့ပြီ ဖြစ်ပါတယ်။

ငြိမ်းချမ်းရေးရဲ့ အရသာကို ငြိမ်းချမ်းရေး ငတ်မွန်းနေသူတွေလောက် ဘယ်သူတွေ ရယူခံစားချင်ပါမလဲ။ နှစ်ပေါင်းများစွာ ပြည်တွင်း စစ်ကြီးအတွင်း မြေဇာပင်တွေ ဖြစ်ခဲ့ရတဲ့ လူထုတွေကတော့ ၂၀၀၄ ဗိုလ်ချုပ်မြရဲ့ ရန်ကုန်ဆင်းပြီး ငြိမ်းချမ်းရေး ဆွေးနွေးမှုကနေ ရရှိလာမယ့် ငြိမ်းချမ်းရေး အသီးအပွင့်တွေကို မျှော်လင့်ချက် တကြီးနဲ့ ရှိနေခဲ့တဲ့ အချိန်ပါ။ ငြိမ်းချမ်းရေး ရရှိလာရင် အပစ်အခတ် မရှိတော့တဲ့အတွက် လယ်ယာကိုင်း ကျွန်းအလုပ်ကို လွတ်လွတ်လပ်လပ် လုပ်ကိုင် လာနိုင်မယ်၊ အေးချမ်းစွာနဲ့ သွားလာ လှုပ်ရှားလာ နိုင်ကြမယ၊် သားသမီးတွေလည်း ပညာ ကောင်းကောင်း သင်ယူလာနိုင်ကြမယ် မဟုတ်ပါလား။

ဟောင်သရော ကမ်းနဘေးမှာ ရှိနေတဲ့ သုံးဆယ်သုံးဆူလို့ ခေါ်တဲ့ ရွာတန်းရှည်ကြီးမှာ အခြေချထားတဲ့ မိမိတို့ရဲ့ KNLA တပ်မဟာ ၆ လက်အောက်ခံ တပ်ရင်း ၁၈က တပ်မှူး ရဲဘော်တွေဟာလည်း အများပြည်သူတွေ နည်းတူ ငြိမ်းချမ်းသာယာလာမယ့် အချိန်၊ အပစ်အခတ် ရပ်စဲလာမယ့် အချိန်ကို မျှော်လင့်တကြီး ရှိခဲ့ကြပါတယ်။ ဘယ်သူမှ စစ်ကို မလိုလားပါဘူး။ စစ်ဖြစ်ရင် လူ့အသက်တွေ ဆုံးရှုံးမယ်။ ထိခိုက် ပျက်စီးမှုတွေ ရှိလာမယ်။ စစ်ဆိုတာ မကောင်းပါဘူး။ နိုိင်ငံရေးနည်းတွေ ဖြေရှင်းမရလို့ စစ်ဆိုတာ ဖြစ်လာရသလို နိုင်ငံရေးနည်းတွေ ဖြေရှင်းပြေလည်လာတဲ့ အချိန်မှာတော့ စစ်ဆိုတာလည်း ရှိတော့မှာ မဟုတ်ပါဘူး။ ဒါကြောင့် နိုင်ငံရေး နည်းတွေ ဖြေရှင်းဖို့ ဟာ လည်း နိုင်ငံရေးစားပွဲဝိုင်းတွေပေါ် နှစ်ဖက် ရောက်ရှိလာဖို့က အရေးကြီးတာကြောင့် ယခုစားပွဲဝိုင်းပေါ် ပြန်ရောက်လာခဲ့တဲ့အပေါ် ကြိုဆိုရမည်သာ ဖြစ်ပါတယ်။ ကောင်းတဲ့ နိုင်ငံရေး အဖြေ ထွက်ရှိလာမှသာ စစ်ဆိုတာကိုလည်း ရပ်တန့်သွားနိုင်ပါမယ် မဟုတ်ပါလား။

အထူးသဖြင့် အသက်ကို ဖက်နဲ့ ထုတ်ပြီး အခန့်မသင့်ရင် မျက်စိတမှိတ်ထဲ သေမင်းထံ အသက်ကိုပင် အပ်နှံရနိုင်တဲ့ လက်နက်ကိုင် စစ်သားကြီးတွေ စစ်ကို ဘယ်လောက်ထိ မုန်းတီး လိုက်မလဲဆိုတာ စဉ်းစားအဖြေရှာလို့ ရပါတယ်။ ဒါကြောင့် ငြိမ်းချမ်းရေး ရောင်နီ သန်းလာမယ့်နေ့ကို မျှော်လင့်တကြီးနဲ့ ကြိုဆိုနေကြမယ် ဆိုတာကတော့ မြေကြီးလက်ခ မလွဲပါဘူး။ ငြိမ်းချမ်းရေး ဆွေးနွေးတဲ့ ကာလမို့လို့ မိမိတို့ တပ်ရင်း ထိမ်းချုပ်ရာ နေရာတွေမှာ သေနတ်သံ မကြားရပေမယ့်လည်း မိမိတို့နဲ့ နီးစပ်နေတဲ့ တပ်ရင်း ၁၇၊ ၁၆။ ကေအဲန်ဒီအို ရင်း၆ ဆက်စပ် နယ်မြေတွေမှာတော့ သေနတ်သံတွေ ကြိုကြားကြိုကြား ကြားနေရဆဲပါ။

ဒါ့အပြင် မိမိတို့ နယ်မြေမှာ ရန်သူ့ရဲ့ စစ်ရေး လှုပ်ရှားမှုတွေကတော့ ရပ်တန့်သွားတာ မတွေ့ရပဲ ပိုလိုပင် တိုးလာတာကို တွေ့ရပါတယ်။ ဒါကြောင့်လည်း သတိဆိုတာ ပိုသည်မရှိ ဆိုသလို ရန်သူ့ရဲ့ လှုပ်ရှားမှု ခြေလှမ်းတွေကို သတိဝိရိယ ရှိကြဖို့ သက်ဆိုင်ရာ အထက်လူကြီးတွေက ညွန်ကြားခဲ့ကြပါတယ်။ မသေချာ မရေရာသေးတဲ့ အပစ်အခတ် ရပ်စဲရေး လမ်းကြောင်းပေါ်မှာ မပစ်မခတ်ကြပဲ စောင့်ကြည့်နေ ကြတဲ့အချိန် ရန်သူဟာ လက်နက်နဲ့ ရိက္ခာတွေ ဖြည့်တင်း လာကြပါတယ်။ ရေလမ်း အသုံးပြုလို့ရတဲ့ ဟောင်သရောမြစ်ကို အသုံးချပြီး ကော့ကရိတ်ကနေ ကျိုက်ဒုံအထိ ရိက္ခာတွေပို့ဖို့ ကြိုးစားလာပါတယ်။ မိုးတွင်းပိုင်း အရင်ကထက်ပင် စစ်ရေး လှုပ်ရှားမှုတွေ ပိုလို့ပင် တိုးလာပါတယ်။

တကယ်တော့ ကော့ကရိတ်မြို့နဲ့ တမိုင်အကွာ တမိုင်ကုန်းဆိုတဲ့ ရွာကနေ ကော့ကရိတ် တောင်ဘက်ခြမ်း တလျှောက် မိမိတို့ရဲ့ တပ်ဖွဲ့ဝင်တွေ လှုပ်ရှား ထိန်းချုပ်ထားနိုင်ပြီး အင်အား အသာစီး ရှိနေတဲ့ ရန်သူက အဲဒီဒေသကို ထိန်းချုပ်နိုင်ဖို့ အကြိမ်ကြိမ် ကြိုးစားခဲ့ပေမယ့်လည်း မအောင်မြင်ခဲ့ပါဘူး။ လူသူလက်နက် အသာစီး ရှိပြီး အဲဒီ ဒေသကို ဘာဖြစ်လို့ မထိမ်းနိုင်ရလဲဆိုတာ လူထု ထောက်ခံမှု မရှိရတဲ့ အခြေခံ အကြောင်းရင်းပဲ ဖြစ်ပါတယ်။ ကော့ကရိတ်တောင်ပိုင်း တလျှောက်မှာ ကရင်ရွာတွေချည်းပဲ ရှိနေတာ မဟုတ်ပါဘူး။ ဗမာ၊ ရှမ်း၊ မွန်၊ ပအို့ဝ်တွေလည်း နေထိုင်နေကြပြီး အနည်းနဲ့အများ မြန်မာ စစ်တပ်တွေ အဆက်ဆက်ရဲ့ နှိမ့်စက်မှု ဒဏ်ကို ခံခဲ့ရကာ မုန်းတီး ရွံရှာလာခဲ့ကြပါတယ်။

ဒါကြောင့် လူထု ထောက်ခံမှု မရှိတဲ့ စစ်တပ်ဟာ နယ်မြေ ထိမ်းချုပ်နိုင်ဖို့ အတွက် အပစ်အခတ် ရပ်စဲဖို့ ကြိုးစားနေတဲ့ ကာလကို အခွင့်ကောင်းယူပြီး ကောက်ကျစ် ညစ်ပတ်တဲ့ ဥာဏ်နီဥာဏ်နက်တွေ ထုတ်သုံး လာပါတော့တယ်။ တဖက်က စစ်အင်အားတွေ တိုးချဲ့လာသလို တဖက်မှာလည်း သွေးခွဲရေးမူကို ကျင့်သုံးကာ အောက်ခြေ တပ်ဖွဲ့တွေကို ဖဲ့ထုတ်ဖို့ ကြိုးစားလာတာကို တွေ့ရပါတယ်။ နိုင်ငံရေး အားနည်းပြီး တော်လှန်ရေး စိတ်ဓါတ် မခိုင်သူတွေ ယိမ်းယိုင်သွားနိုင်အောင် အရက်ကြိုက်ရင် အရက်၊ မိန်းမကြိုက်ရင် မိန်းမနဲ့ ငွေကြိုက်ရင် ငွေပုံအော ပေးပြီး ဖဲ့ထုတ်ဖို့ ကြိုးစားလာခဲ့တာ အဲဒီအချိန်က အများအသိပင် ဖြစ်ပါတယ်။ ဖွင့်ထားတဲ့ အိမ်ရှေ့ ပေါက်ကနေ မလာပဲ နောက်ဖေးပေါက်ကနေ လာပြီး ဖဲ့ထုတ် စည်းရုံးမှုတွေ လုပ်ဆောင် လာခဲ့ကြပါတယ်။

ဒါတွေကို ကြည့်ခြင်းအားဖြင့် ရန်သူဟာ ငြိမ်းချမ်းမှုကို အကောင်အထည်ဖော်တဲ့နေရာမှာ စေတနာ မမှန်ကန်ဘူးလို့အကြမ်းဖျင်း သုံးသပ်လို့ရပါတယ်။ ဒါပေမယ့် ငြိမ်းချမ်းရေး ပေါ်လာမယ့် မိမိတို့ရဲ့ မျှော်လင့်ချက်ကိုတော့ ပျောက်ဆုံး မသွားစေခဲ့ပါဘူး။ ငြိမ်းချမ်းရေး ဆွေးနွေးနေချိန်ကို အခွင့်အကောင်းယူပြီးး နယ်မြေစိုးမိုးရေး၊ စစ်ရေးအသာ ရရေးအတွက် လှုပ်ရှားလာတာတွေက မဆုံးနိုင်တဲ့ ပြည်တွင်းစစ်မီးကြီးကို တဖန် ဆက်လက် လောင်ကျွမ်းစေပြီး သက်ဆိုးရှည် သွားစေခဲ့တာက ဖုန်းကွယ်လို့ ရတဲ့ အရာ တခုမဟုတ်ပါ။ ဒါကြောင့် ငြိမ်းချမ်းရေးကို အကောင် အထည် ဖော်တဲ့နေရာမှာ စေတနာမှန်ဖို့ အဓိက လိုအပ်ပါတယ်။ စေတနာ မမှန်ပဲ အပေါ်ယံ ရွေမှန့်ကြဲထားတဲ့ အတုအယောင် ငြိမ်းချမ်းရေးကိုပဲ ဆက်ပြီး လုပ်နေအုံးမယ် ဆိုရင်တော့ ဒေါနမြေကြီးဟာ ဘယ်လိုမှ ငြိမ်းချမ်း သာယာမှုကို မရလာနိုင်သကဲ့သို့ အဲဒီဒေသက ပြည်သူတွေ၊ တော်လှန်သူတွေ အတွက်ကတော့ ယုံကြည်မှုကို တော်ရုံနဲ့ ပြန် တည်ဆောက်ယူဖို့ မလွယ်ကြောင်း တင်ပြလိုက်ရပါတယ်။
(စာရေးသူရဲ့ ဖြတ်သန်းမှုလေးတွေကို ပြန်လည်ရေးသား တင်ပြမှု တရပ်သာ ဖြစ်ပြီး အဲဒီအချိန် အပစ်အခတ်ရပ်စဲရေးကာလ ဖြစ်ပျက်မှုတွေဆီက သင်ခန်းစာတချို့ ရယူနိုင်မယ်လို့ မျှော်လင့်ပါတယ်)
အဲခေါင်သောင့်

ကမ္ဘာ့တလွား ကရင့် နှစ်သစ်ကူးပွဲ ပုံရိပ်များ

2011-12-25T16:26:00.000-08:00

စကာင်္ပူ ကရင်နှစ်သစ်ကူး ပွဲတော်၊ ဓါတ်ပုံ-ဇွဲကပင် မျိုးချစ်လူငယ်

သြစတြေးလျား၊ ဆစ်ဒနီ ကရင်နှစ်သစ်ကူးပွဲတော်- ဓါတ်ပုံ-KIC

ထိုင်းနိုင်ငံ မဲဆောက် CDCကျောင်း ကရင်နှစ်သစ်ကူး ပွဲတော်-ဓါတ်ပုံ-ဧရာဝတီ

အိန္ဒိယနိုင်ငံ၊ နယူးဒေလီ ကရင်နှစ်သစ်ကူး ပွဲတော်။ ဓါတ်ပုံ-ဧရာဝတီ

မလေးရှားနိုင်ငံ ကရင့်နှစ်သစ်ကူးပွဲတော်- ဓါတ်ပုံ- ကိုးဒီသွေး

ဗိုလ်ချုပ်ကြီး စောဘိုမြ ကွယ်လွန်ခြင်း ၅နှစ်ပြည့်နှင့် အတုအယောင် ငြိမ်းချမ်းရေး

2011-12-25T04:32:00.000-08:00

ဗိုလ်ချုပ်ကြီး စောဘိုမြ ကွယ်လွန်ခဲ့တာ မနက်ဖြန် ဒီဇင်ဘာလ ၂၆ရက်နေ့တွင် ၅နှစ် ပြည့်မြောက်တော့မှာ ဖြစ်ပါတယ်။ သူမကွယ်လွန်ခင် ငြိမ်းချမ်းရေးအတွက် ရန်ကုန်အထိ ဆင်းကာ ဆွေးနွေးမှုတွေ လုပ်ခဲ့ပြီး မရိုးသားတဲ့ အာဏာရှင်တွေကြောင့် ငြိမ်းချမ်းရေး မရရှိခဲ့တဲ့ သင်ခန်းစာတွေ ပေးသွားခဲ့ပါတယ်။ ယနေ့ သိန်းစိန်အစိုးရရဲ့ ငြိမ်းချမ်းရေး အကောင်အထည် ဖော်မှုတွေကို အဲဒီ သင်ခန်းစာယူပြီး သတိရှိစွာနဲ့ ဆက်ဆံဖို့ လိုအပ်ပါကြောင်း ငြိမ်းချမ်းရေးအတွက် စွမ်းဆောင်ခဲ့သူ ဗိုလ်ချုပ်ကြီးရဲ့ ကွယ်လွန်ခြင်း ၅နှစ်ပြည့်မှာ တိုက်တွန်းလိုပါတယ်။ ဗိုလ်ချုပ်မြရဲ့ ရန်ကုန်ဆင်း ငြိမ်းချမ်းရေး ဆွေးနွေးခဲ့တဲ့ မှတ်တမ်းနဲ့ သူ့ကို သတိတရနဲ့ အမှတ်ရစေဖို့ သူ့ရဲ့ နောက်ဆုံး ခရီး မှတ်တမ်းကို ကို တင်ဆက်လိုက်ပါရစေ။

ပဒိုမန်းရှာလားဖန်း၏ ခေါင်းဆောင်ဆု ရရှိမည့်သူအား စတင် ရွေးချယ်နေပြီ

2011-12-08T01:02:00.000-08:00

အဲခေါင်သောင့်၊ ဒီဇင်ဘာလ ၈ရက်၊ ၂၀၁၁ခုနှစ်။

၂၀၁၁ခုနှစ်အတွက် ပဒိုမန်းရှာလားဖန်း လူငယ့်ခေါင်းဆောင်ဆု ရရှိမည့်သူအား စတင်ရွေးချယ်တော့ မည်ဖြစ်သဖြင့် အဆိုပါဆုကို လက်ခံရယူနိုင်မည့် ကရင်လူငယ်များကို စာရင်းစတင်ပေး သွင်းနိုင်ပြီ ဖြစ်ကြောင်း အဆိုပါဆုကို တာဝန်ယူ ပေးအပ်နေသည့် ဖန်းဖောင်ဒေးရှင်း အဖွဲ့မှ တိုက်တွန်း နိုးဆော် ထားသည်။

အဆိုပါဆုသည် မိမိကိုယ်ကျိုးအတွက် မကြည့်ဘဲ ကရင်အမျိုးသား တိုးတက်ရေးအတွက် ပညာရေး ဆိုင်ရာ၊ ရိုးရာ ယဉ်ကျေးမှု ဆိုင်ရာ စသည့် ကရင်လူမျိုးတို့၏ လိုအပ်ချက်များကို အထောက် အကူ ဖြစ်အောင် စွမ်းစွမ်းတမံ လုပ်ဆောင်ပေးသူ ကရင်လူ ငယ်များကို ပေးအပ် ချီးမြှင့်ခြင်း ဖြစ်သည်။

ဖန်းဖောင်ဒေးရှင်း တည်ထောင်သူများ( စောစေးစေး၊ နန့်ဘွားဘွားဖန်း၊ နန့်ဇိုယာဖန်း)

ဖန်းဖောင်ဒေးရှင်းကို လုပ်ကြံမှုကြောင့် ကျဆုံးသွားခဲ့သည့် ပဒိုမန်းရှာလားဖန်းနှင့် ကွယ်လွန်သွား ခဲ့ပြီးဖြစ်သည့် ၄င်း၏ဇနီးနန့်ကျင်ရွေတို့အား အမှတ်တရအနေဖြင့် ကျန်ရစ်သူ သားသမီး ၄ဦးမှ တည်ထောင် ထားခြင်းဖြစ်သည်။

အဆိုပါဆုပေးပွဲကို နှစ်စဉ် ပေးအပ်ခဲ့ခြင်း ဖြစ်ပြီး ယခုတကြိမ်ဆိုလျှင် (၄)ကြိမ်မြောက် ပေးအပ်မည့် အစီအစဉ်တရပ်လည်း ဖြစ်ပြီး အဆိုပါဆု လက်ခံရရှိသူကို လာမည့် ၂၀၁၂ မေလတွင် ထုတ်ဖော် ကြေညာသွားမည် ဖြစ်သည်ဟုလည်း ဖန်းဖောင်ဒေးရှင်း အဖွဲ့က ပြောဆိုထားသည်။

ဖန်းဖောင်ဒေးရှင်း(Phan Foundation)ကို ကေအဲန်ယူ အတွင်းရေးမှူးချုပ်ဟောင်း ပဒိုမန်းရှာလားဖန်း လုပ်ကြံ သတ်ဖြတ်ခံရသည့် ၂၀၀၈ခုနှစ်၊ ဖေဖော်ဝါရီလ (၁၄)ရက်နေ့တွင် ကျန်ရစ်သူ သားသမီးလေးဦးဖြစ်သည့် စောစေးစေးဖန်း၊ နန့်ဇိုယာဖန်း၊ နန့် ဘွားဘွားဖန်းနှင့် စလုံ့ဖန်းတို့က စတင်တည်ထောင်ခဲ့သည်။

အဆိုပါဆုကို ကရင်လူငယ်တဦးအား ပေးအပ်မည့်ဖြစ်ကာ လူတဦးချင်းအနေဖြင့်သော်၎င်း အဖွဲ့အစည်း တခုခု ချင်းအနေဖြင့်သော်၎င်း ဆုရယူနိုင်မည့် သူတဦးကို ဇန်န၀ါရီလ ၃၁ရက်နေ့ နောက်ဆုံး ထားကာ bwabwa.phan@phanfoundation.org ထံ ပေးပို့နိုင်ပြီဖြစ်သည်၊
အသေးစိတ်သိလိုပါက ဖန်းဖောင်ဒေးရှင်း http://www.phanfoundation.org/ ၀က်ဆိုက်ဘ်တွင် ဆက် လက်ဖတ်ရှူနိုင်ပါသည်။

ပဒိုမန်းရှာလားဖန်း ခေါင်းဆောင်ဆု ရရှိခဲ့ပြီး သူများ။
(၁) နော်ဖောကဘလာဖူး (ညောင်လေးပင် ခရိုင်)
(၂) စောညွန့်ဝင်း (ဖာပွန်ခရိုင်)
(၃) နော်ဒီဇင်ဘာဖော (မြိတ်ထားဝယ် ခရိုင်) တို့ဖြစ်သည်။

ယခုနှစ် ဖန်းဖောင်ဒေးရှင်း ထုတ်ပြန်သည့် ကြေညာချက်။
PDFOnline(1)

တိုင်းရင်းသားများ လွတ်မြောက်မှု အရေးကို ဖော်ဆောင်နေသည့် UNFCကို ၀န်း ရံကြ၊ ထောက်ခံကြ

2011-12-06T02:20:00.000-08:00

မြန်မာအစိုးရ၏ တိုင်းရင်းသား အဖွဲ့တွေ အပေါ် ထိုးခွဲမှု မှန်သမျှကို ဆန့်ကျင်ကြ၊

တိုင်းရင်းသားတို့၏ အရေးကို ဖော်ဆောင်နေသည့် UNFCကို ၀န်းရံကြ၊ ထောက်ခံကြ၊

UNFCဦးဆောင် ဖွဲ့စည်းမည့် ပြည်ထောင်စု တပ်မတော် အင်အားတောင့်တင်းရေးနှင့်
လူထု ထောက်ခံရေးအတွက် တိုင်းရင်းသား အားလုံး ၀ိုင်းဝန်း ကြိုးပမ်းကြ။

UNFCတွင် ပါဝင်သည့် တိုင်းရင်းသား ကိုယ်စားပြု အဖွဲ့များ
ကရင်အမျိုးသားအစည်းအရုံး (KNU)၊
ကချင်ပြည်လွတ်လပ်ရေးအဖွဲ့(KIO)၊
မွန်ပြည်သစ်ပါတီ(NMSP)၊
ကရင်နီအမျိုးသားတိုးတက်ရေးပါတီ(KNPP)၊
ချင်းအမျိုးသားတပ်ဦး (CNF)၊
ရှမ်းပြည်တိုးတက်ရေးပါတီ(SSPP)
ပအိုဝ်းအမျိုးသားလွတ်မြောက်ရေးအဖွဲ့ချုပ်(PNLO)၊
ပလောင်ပြည်နယ်လွတ်မြောက်ရေးတပ်ဦး(PSLF)၊
ရခိုင် ပြည်အမျိုးသားကောင်စီ(ANC)၊
လားဟူဒီမိုကရက်တစ်သမဂ္ဂ(LDU)၊
‘ဝ’ အမျိုးသားအဖွဲ့ချုပ်(WNO)
ကချင်အမျိုး သားအစည်းအရုံး(KNO)

UNFCဦးဆောင် ကော်မတီဝင်များ
ဥက္ကဌ- ဗိုလ်ချုပ်အင်လဘန် (KIO)
ဒုဥက္ကဌ(၁) အေဘယ်တွီ (KNPP)
ဒုဥက္ကဌ(၂) ပဒိုဒေးဗစ်သာကပေါ (KNU)
အထွေထွေအတွင်းရေးမှူး- နိုင်ဟံသာ(NMSP)
တွဲဖက်အတွင်းရေးမှူး (၁) ပဒိုစောဒေါလေမှူး(KNU)
တွဲဖက်အတွင်းရေးမှူး (၂) ခွန်ဥက္ကာ (PNLO)

UNFC၏ သဘောထား ထုတ်ပြန်ကြေညာချက်

2011-12-06T00:27:00.000-08:00

UNFC Stmt on Internal Peace 4Dec11 burmese

တိုင်းရင်းသားတွေ ပြည်ထောင်စုတပ်မတော် ဖွဲ့စည်းမည်

2011-12-03T20:56:00.000-08:00

ညီညွတ်သော တိုင်းရင်းသားများ ဖယ် ဒရယ် ကောင်စီ UNFC က ပြည်ထောင်စု တပ်မတော် တရပ် ဖွဲ့စည်း ဖို့ ဆုံးဖြတ် လိုက်ပါတယ်။

နိုဝင်ဘာလ ၂၆ ရက်ကနေ ၃ဝရက်နေ့ထိ ထိုင်းမြန်မာ နယ်စပ် တနေနရာမှာ ကျင်း ပခဲ့တဲ့ UNFC အစည်းအဝေး ကနေ အခု လို ဆုံးဖြတ်ခဲ့တာ ဖြစ်တယ်လို့ အသစ် ဖွဲ့ မယ့် ပြည်ထောင်စု တပ်မတော်ရဲ့ ကာကွယ်ရေး ကော်မီတီဝင် KNU ဒု-ဥက္ကဋ္ဌ စောဒေးဗစ်တာ ကပေါ က ပြောပါတယ်။

“ပြည်နယ် တပြည်နယ်၊ သို့မဟုတ် အခုအဆင့်မှာ ဆိုရင်တော့ အဖွဲ့တဖွဲ့က တရာဆိုရင် လည်းတရာ၊ တထောင် ဆိုရငလည်း တထောင်ပေါ့ ပြည်ထောင်စု တပ်ကို ပို့ပေးမယ်။ ပြည်နယ်မှာ လည်း သူ့တပ်သူ ရှိမယ်လေ။ ပြည်ထောင်စု တပ်ကတော့ တပြည်လုံး အတိုင်းအတာနဲ့ စစ်ရေးတာဝန်ကို ထမ်းဆောင်ရမယ်။ အစတည်းက ဒီရည်ရွယ်ချက်ရှိတယ်။ ဒါပေမယ့် ပြည်ထောင်စုတပ်ကြီး ဖွဲ့မယ်ဆိုရင် ဦးသိန်းစိန်တို့ပဲဖြစ်ဖြစ် နအဖ ပဲဖြစ်ဖြစ် နည်းနည်း တွန့်ဆုတ်သွားမလား ဆိုပြီး နည်းနည်း စောင့်ကြည့်နေတာ။ အခုဟာက အပစ်အခတ် ရပ်ပါ ရပ်ပါ ပြောတာကို မရပ်တဲ့အခါ ကျတော့ ကျနော်တို့အနေနဲ့ ရှေ့ရေးလည်း ပြင်ဆင်ရမယ်၊ ဆက်လုပ်ရမယ်ဆိုတဲ့ သဘော”

ပြည်ထောင်စုတပ်မတော် ဖွဲ့စည်းရေးကိစ္စကို UNFC ကောင်စီထဲမှာ ပါတဲ့ ၁၂ ဖွဲ့စလုံးက သဘောတူတယ်လို့ သိရပါတယ်။

ပြည်ထောင်စု စစ်တပ်နဲ့ ပတ်သက်ပြီး တပ်ဖွဲ့စည်းပုံကို အကြမ်းဖျင်း ရေးဆွဲထားပြီး ဖြစ်တယ်လို့ ဆိုပါတယ်။ အစောပိုင်းမှာတော့ ပြည်ထောင်စုစစ်တပ်ရဲ့ စစ်ဦးစီးချုပ်အဖြစ် KNU က ဗိုလ်ချုပ်ကြီး မူတူးဆေးဖိုးကို ရည်ရွယ်ထားခဲ့ပြီး အသက်အရွယ် အရရော အလုပ်တာဝန် များပြားတာကြောင့် သူက ငြင်းပယ်ခဲ့တဲ့အတွက် အခုတော့ စစ်ဦးစီးချုပ် အသစ်တဦးကို ရှာဖွေနေဆဲ ဖြစ်ပါတယ်။ ဒါပေမယ့် KNPP ကရင်နီတပ်က စစ်ခေါင်းဆောင်တဦး ဖြစ်သူ ဗိုလ်ချုပ်ဘီတူးကို လျာထားတယ်လို့လည်း သိရပါတယ်။
သတင်း-http://www.rfa.org/burmese/news/union-army-12032011111821.html

ဇရက်လေလား ဂျိုးလေလား

2011-12-03T18:03:00.000-08:00

kkkkkk

ပေးပို့သူ- မန်းအိုင်ဒီ(ဒေါန) အထူး ကျေးဇူးတင်ရှိပါသည်။

ကျက်သရေ တုံးလိုက်လေခြင်း

2011-12-03T06:01:00.000-08:00

ဒီဓါတ်ပုံကို ကြည့်လိုက်တဲ့ အချိန် ကျနော့ရဲ့ ရင်ထဲကနေ တဆင့် ပါးစပ်ဖျားကနေ ထွက်ကျလာရတဲ့ စကားလုံးလေး ကတော့ ကျက်သရေ တုံးပါတယ် ဆိုတဲ့ စကားလုံးလေးပါပဲ။ ဘာဖြစ်လို့ပါလိမ့်။ အမေရိကန်နဲ့ ယနေ့ မြန်မာပြည်က အုပ်ချုပ်နေသူတွေ တွေ့ကြဆုံကြ ဆွေးနွေးကြတာတွေကို အဆိုးမြင်ပြီး ပြောနေတာ မဟုတ်ရပါ။ မြန်မာပြည်ကို အုပ်ချုပ်နေပါတယ် ဆိုတဲ့ သမ္မတ အပါအ၀င် တာဝန်ရှိသူတွေရဲ့ ၀တ်ပုံစား ပုံလေးတွေကို အမြင်ကပ်ချင် စရာ ကောင်းလွန်းလို့ ထွက်လာတဲ့ စကားလုံးလေးပါ။ အမေရိကန် နိုင်ငံခြားရေး ၀န်ကြီး လေယဉ်ပေါ် ဆင်းပြီး မြန်မာမြေကြီးပေါ် နင်းလိုက်တဲ့ အချိန် ပထမဦးဆုံး လာရောက်နှုတ်ဆက်တဲ့ တာဝန်ရှိသူ ဆိုတဲ့ လူတွေက တိုက်ပုံအကျီာင်္၊ လုံချည် တကားကားနဲ့ အမျိုးကို တကယ် ချစ်လှပြီး ယဉ်ကျေးသိမ်မွေ့ကြောင်း ပြတာလောက် အမြင်ကပ်စရာ ဘယ်အရာမှ မရှိနိုင်တော့ပါဘူး။ တဆက်ထဲ သွားပြီး ပြန်ပြေးယောင် မိတာက ၁၉၉၇ခုနှစ် မြန်မာပြည်ကို အာဆီယံထဲ ၀င်ခွင့်ပေးတဲ့ အချိန် က နိုင်ငံခြားရေး ၀န်ကြီး ဦးအုံးဂျော်ဆိုသူဟာလည်း နိုင်ငံတကာ အလယ်မှာ ထူးထူးခြားခြား အဲဒီဝတ်စုံကို ၀တ်ပြ သွားခဲ့တာပဲ ဖြစ်ပါတယ်။ သူတို့ကိုယ် သူတို့ ကျက်သရေ တော်တော်လေး ရှိလှပြီလို့ ထင်နေကြလား မသိဘူး။ သမိုင်း တလျှောက်လုံး အိမ်နီးချင်း နိုင်ငံတွေကို အနိုင်ကျင့် ရန်စ စော်ကားပြီး တမြေတည်းနေ တရေတည်း သောက်နေသူ ညီအစ်ကို တိုင်းရင်းသားတွေကို ဖိနှိမ့်အနိုင်ကျင့်ကာ လူမျိုးတူ အချင်းချင်းထဲမှာပင် မညှာမတာ သတ်ဖြတ်နှိမ့် စက်နေကြသူတွေက ဘုရားတရား သမားလိုလို စိတ်ထား မွန်မြတ်တဲ့ သူတော်ကောင်းကြီး လိုလို လာဟန်ဆောင် ပြနေတာလောက် ဘယ်လိုမှ ကျက်သရေ ရှိလာမှာ တော့ မဟုတ်ဘူး။ လူမျိုးပေါင်းစုံ နေထိုင်တဲ့ မြန်မာပြည်ထဲမှာ လူမျိုးတိုင်းလိုလို ကိုယ်ပိုင် ၀တ်စား ဆင်ယင်မှုတွေ ကိုယ်စီရှိကြပါတယ်။ တိုက်ပုံအကျီာင်္နဲ့ လုံချည်ဆိုတာကလည်း မြန်မာပြည်ထဲက ဗမာဆိုတဲ့ လူမျိုးကို ကိုယ်စားပြုတဲ့ အ၀တ်အစားတခု ဖြစ်ပြီး စစ်မှန်တဲ့ ဒီမိုကရေစီ ဖော်ဆောင်ကြမယ် ဆိုရင် အဆိုပါ -၀တ်စား ဆင်ယင်မှုတွေကို သတိထားဝတ်ဆင်ဖို့ လိုအပ်ပါတယ်။ ဗမာ အ၀တ်အစားကြီးကို နိုင်ငံတကာအလယ်မှာ ၀တ်ပြလိုက်ခြင်းအားဖြင့် မြန်မာပြည်ထဲက တိုင်းရင်းသားတွေ အားလုံးကို ကိုယ်စားပြုရာ မရောက်သလို ခေတ်အဆက်ဆက် ဖိနှိမ့် အနိုင်ကျင့် ခံနေရတဲ့ တိုင်းရင်းသားတွေရဲ့ အမြင်ထဲမှာ မဟာဆန်မှု၊ လူမျိုးရေး အစွဲကြီးမှုလို့ပဲ မြင်ယောင်လာနိုင်ပါတယ်။ တကယ်တော့ ကမ္ဘာ့အလယ်မှာ သွားပြီး ဟန်ဆောင် ယဉ်ကျေးပြနေစရာ မလိုပါဘူး။ အလုပ်နဲ့ သက်သေပြဖို့သာ လိုပါတယ်။ ပြည်သူတရပ်လုံးကို နှိမ့်ဆက်ညှင်းပန်း ခဲ့တဲ့ လူတွေက နိုင်ငံတကာ မြင်ကွင်းတွေမှာ ယဉ်ကျေးကြောင်း ဟန်ဆောင်ပန်ဆောင် လုပ်ပြနေတာကတော့ ကျနော့ရဲ့ မျက်စိရှေ့ထဲမှာ ဘယ်လိုနည်းနဲ့မှ ကျက်သရေ ရှိလာမယ် မထင်ကြောင်း တင်ပြလိုက်ရပါတယ်။
ဝန်ခံချက်- ရင်းတွင်းခံစားချက်ဖြင့် ရေးသားထားပါတယ်။
အဲခေါင်သောင့်(ဒီဇင်ဘာလ ၃ရက်၊ ၂၀၁၁)

မာနယ်စိုး စစ်ဆင်ရေး တိုက်ပွဲမှတ်တမ်း (ဒုတိယပိုင်း) ကြည့် လိုသူများအတွက်

2011-12-01T02:14:00.000-08:00

ယခုနှစ်လယ်ပိုင်းတွင် မြန်မာစစ်တပ်နှင့် DKBA, KNU, ABSDF ပူးပေါင်းတပ်ဖွဲ့တို့ ကရင် ပြည်နယ်အတွင်း ဖြစ်ပွားခဲ့သည့် တိုက်ပွဲမှတ်တမ်းတွေ ပါဝင်တဲ့ မာနယ်စိုး စစ်ဆင်ရေး တိုက်ပွဲ မှတ်တမ်း (ဒုတိယပိုင်း)ကို သြစတြေးလျားနိုင်ငံမှာလည်း ၀ယ်ယူအားပေး နိုင်ပြီး ဖြစ်ပါတယ်။ လိုချင် သူများအနေဖြင့် အောက်ပါ ဖုန်းနံပါတ်ကို ဆက်သွယ် ၀ယ်ယူအားပေးနိုင်ပါတယ်။

ဒါးဒူ- +61 421783840
ဖိုးသား +61 432609389

ကရင်ပြည်နယ် အတွင်းရှိ မြ၀တီ ကော့ကရိတ်နှင့် ကြာအင်းဆိပ်ကြီး မြို့နယ်တွေမှာ ဖြစ်ပွားခဲ့တဲ့ တနာရီကျော် ကြာမြင့်တဲ့ တိုက်ပွဲ မှတ်တမ်း ဖြစ်ပြီး တိုက်ပွဲ ကာလအတွင်း မြန်မာစစ် တပ်ဖွဲ့ဝင်များနှင့် ပူးပေါင်း တပ်ဖွဲ့ဝင်တွေ ထိခိုက်ကျဆုံးတဲ့ မှတ်တမ်းလည်း ပါဝင်ပါတယ်။

မြန်မာ အစိုးရသစ်နဲ့ ဒီကေဘီအေတို့ ယာယီအ ပစ်အခတ် ရပ်စဲရေး လက်မှတ်ရေးထိုးအပြီး ပထမဆုံး ဖြန့်ချိတဲ့ မှတ်တမ်းလည်း ဖြစ်ပြီး အဆိုပါမှတ်တမ်း ဖြန့်ဝေမှုကြောင့် ၄င်းတို့ သဘောတူညီချက်ကို ထိခိုက်နိုင်ခြင်း မရှိဟုလည်း ဒီကေဘီအေ ခေါင်းဆောင်တွေက ဆိုပါတယ်။

ဆွဲမိုင်းတိုက်ပွဲကြောင့်အစိုးရ စစ်သည်၉ဦး ထိခိုက်သေဆုံး

2011-11-29T03:12:00.000-08:00

တပ်မဟာ ၄ တပ်ဖွဲ့ဝင်များ

တနင်္သာရီတိုင်း၊ မြစ်တန်းမြို့နယ်တွင် လှုပ်ရှားနေသည့် အစိုးရစစ်တပ်အား ကေအဲန်ယူ တပ်မဟာ(၄)တပ်ဖွဲ့၏ ဆွဲမိုင်းများဖြင့် တိုက်ခိုက်မှုကြောင့် ၃ဦးသေဆုံးပြီး ၆ဦး ဒဏ်ရာရရှိခဲ့သည်ဟု သိရသည်။
အစိုးရစစ်တပ် စစ်ကွပ်ကဲရေးဌာနချုပ်-စကခ(၈)မှ နည်းဗျူဟာ(၂)လက်အောက်ခံ ခမရ(၄၀၇)မှ အင်အား ၁၂၀ဦးပါ ဗိုလ်မှူး မင်းဌေးဦးစီးတပ်ဖွဲ့သည် နိုဝင်ဘာလ ၂၆ရက်နေ့ မနက် ၉နာရီခွဲတွင် ဆင်ဖြူဒိုင်ရွာမှ မေတ္တာရွာဘက်သို့ ချီတက်လာစဉ် ကေ အဲန်ယူ တပ်မဟာ(၄)မှ စောင့်ကြိုပစ်ခတ်ခဲ့ခြင်းဖြစ်သည်ဟု သိရသည်။

သတင်း ကိုးကား-ကေအိုင်စီ

“တနိုင်ငံလုံး အတိုင်းအတာနဲ့ အပစ်ရပ်တာမျိုး ဖြစ်သင့်တယ်”

2011-11-21T23:16:00.000-08:00

ပေါ်တူဂီတွင်မွေးဖွားခဲ့သူ ဗိုလ်မှူးချုပ် စောဆာဂေးသည် ကရင် အမျိုးသား အစည်းအရုံး (KNU) တွင် ၁၉၈၉ ခုနှစ်မှစပြီး တာဝန်ထမ်းဆောင်ခဲ့သည်။ လက်ရှိအချိန်တွင် KNU ဗဟိုကော်မတီဝင်၊ လက်ထောက်နိုင်ငံခြားရေးဝန်ကြီး၊ အထူးစစ်ဗျူဟာဌာနမှူး စသည့် တာဝန်များ ထမ်းဆောင်လျက်ရှိသည်။

စောဆာဂေးသည် ၁၉၉၅ နှစ်တွင် စပိန်နှင့် ပေါ်တူဂီနိုင်ငံဆိုင်ရာ KNU ကိုယ်စားလှယ်အဖြစ် တာဝန်ယူခဲ့ပြီး ၁၉၉၇ မှ စ၍ ဥရောပနိုင်ငံများဆိုင်ရာ ကိုယ်စားလှယ် ဖြစ်လာသည်။

မြန်မာစစ်အစိုးရအပေါ် ဒဏ်ခတ် ပိတ်ဆို့ အရေးယူရေး၊ မြန်မာနိုင်ငံ တိုင်းရင်းသားများအရေးတို့ကို KNU၏ မူဝါဒများအတိုင်း နိုင်ငံတကာတွင် လှုံ့ဆော်ခဲ့သူဖြစ်သည်။

အမျိုးသား ဒီမိုကရက်တစ် တပ်ဦး (NDF)၊ တိုင်းရင်းသား လူမျိုးစုများကောင်စီ (ENC) တို့တွင်လည်း KNU ကိုယ်စားလှယ်အဖြစ် တာဝန်ယူထားသည်။

အစိုးရနှင့် KNU တို့၏ လတ်တလော ငြိမ်းချမ်းရေး ဆွေးနွေးမှုများနှင့် ပတ်သက်ပြီး ဧရာဝတီ အကြီးတန်းသတင်းထောက် စောရန်နိုင်က ဗိုလ်မှူးချုပ် စောဆာဂေးကို မကြာသေးမီက ဆက်သွယ် မေးမြန်းထားသည်။

မေး။ ။ အခုလ အစောပိုင်းက KNU က ဗဟိုကော်မတီ အစည်းအဝေးအပြီးမှာ ငြိမ်းချမ်းရေး ကော်မတီကို အရေးပေါ် ဖွဲ့စည်းခဲ့တာ ဘာကြောင့်လဲ။

ဖြေ။ ။ မကြာသေးခင်က ကျနော်တို့ နဲ့ အစိုးရဘက်က ဦးအောင်မင်း ခေါင်းဆောင်တဲ့အဖွဲ့ တွေ့ပါတယ်။ ငြိမ်းချမ်းရေးအတွက် လက်တွေ့ကျတဲ့ နိုင်ငံရေး လုပ်ငန်းတွေကို ဖော်ဆောင်ရာမှာ အသေအချာ ကွပ်ကဲဖို့ အပြင် ဆွေးနွေးပွဲရဲ့ တိုးတက်မှု ရလဒ်ကို မူတည်ပြီး အဲဒီ ကော်မတီကပဲ ဆက်လက် အကောင် အထည်ဖော် ဆောင်ရွက်သွားဖို့ ဖြစ်ပါတယ်။ အရင် ဆွေးနွေးပွဲတွေတုန်းက နားလည်မှုလွဲတာတွေ၊ ဦးဆောင်ကွပ်ကဲမှု အားနည်းတာတွေ ရှိပါတယ်။ ကျနော်တို့ရဲ့ မူဝါဒတွေ၊ ဆွေးနွေးပွဲနဲ့ ပတ်သက်တာတွေကို နားမလည်ဘဲနဲ့ အမျိုးမျိုး ပြောခဲ့တာမျိုးလည်း ရှိပါတယ်။ အဲဒါတွေကို ပြန်ပြီး ထိန်းကျောင်းဖို့ အတွက်လည်း ရည်ရွယ်ပါတယ်။

မေး။ ။ အဲဒီ ကော်မတီမှာ ဘယ်သူတွေ ပါသလဲ။

ဖြေ။ ။ ကော်မတီအဖွဲ့ဝင် ၇ ဦး ပါဝင်ပြီးတော့ KNU ရဲ့ ဒု ဥက္ကဋ္ဌ စောဒေးဗစ် သာကပေါက ဦးဆောင်မှာဖြစ်ပါတယ်၊ အဲဒါက ဦးဆောင်ကွပ်ကဲမယ့် အဖွဲ့ ဖြစ်ပါတယ်။ ကိုယ်စားလှယ်အဖွဲ့ မဟုတ်ပါဘူး။ အဲဒီအဖွဲ့ကပဲ လိုအပ်တဲ့ မူဝါဒတွေကို ချမှတ်ပေးသွားမှာဖြစ်ပါတယ်။

မေး။ ။ ငြိမ်းချမ်းရေးဆွေးနွေးမှုအတွက် အစိုးရဘက်က အရင်ကလည်း အခုလို ကမ်းလှမ်းတာမျိုး ရှိပါတယ်။ ဒီတကြိမ် ကမ်းလှမ်းတာကရော ဘယ်လောက်ထိ လေးနက်မှု ရှိလဲ။

ဖြေ။ ။ အရင် ဗိုလ်ချုပ်ကြီးဟောင်း ခင်ညွန့်လက်ထက်က သုံးခဲ့တဲ့ နည်းတွေလိုပဲ တိုင်းရင်းသားအဖွဲ့တွေကို သွေးခွဲ သပ်လျှိုနေတုန်းလို့ ကျနော်တို့ မြင်ထားပါတယ်။ ၂၀၀၈ အခြေခံဥပဒေကို အခြေခံထားတယ်၊ ပြည်ထောင်စုနဲ့ တိုင်းရင်းသား စည်းလုံး ညီညွတ်မှုကို အကျိုးမပြုဘူး၊ သူတို့ရဲ့ အာဏာ ဆက်လက် တည်တံ့ဖို့အတွက်ပဲလို့ မြင်ထားပါတယ်။

မေး။ ။ KNU ဘက်က ဘယ်ကိစ္စတွေကို အဓိကထား ဆွေးနွေးမှာလဲ၊ ဆွေးနွေးမှုကနေ ဘာတွေကို မျှော်လင့်ထားလဲ။

ဖြေ။ ။ နိုင်ငံတနိုင်ငံရဲ့ ပြဿနာတွေကို ဖြေရှင်းနိုင်ဖို့ ဆိုတာ အဓိပ္ပာယ်ရှိပြီး အရေးပါတဲ့ နိုင်ငံရေးဆွေးနွေးမှုတွေ အထူးသဖြင့် တိုင်းရင်းသားတွေပါဝင်တဲ့ ဆွေးနွေးမှုတွေကပဲ ဖြေရှင်းနိုင်မယ်လို့ ကျနော်တို့ ယုံကြည်ထားပါတယ်။ ကျနော်တို့ရဲ့ လက်ရှိအနေအထားကတော့ ရှင်းပါတယ်၊ တနိုင်ငံလုံး အတိုင်းအတာနဲ့ အပစ်ရပ်တာမျိုး ဖြစ်သင့်တယ်၊ တိုင်းရင်းသားအဖွဲ့ အားလုံးက ညီညွတ်သော တိုင်းရင်းသားများ ဖက်ဒရယ်ကောင်စီ (UNFC) ကနေပဲ နိုင်ငံရေးဆိုင်ရာ ဆွေးနွေးမှုတွေကို ပြုလုပ်သွားသင့်တယ်လို့ပဲ ကျနော်တို့ ယုံကြည်ထားပါတယ်။ ကျနော်တို့ရဲ့ နိုင်ငံရေး ခံယူချက်ကတော့ အရင်တုန်းကလိုပါပဲ၊ ဖက်ဒရယ်စနစ်၊ တရားမျှတမှု၊ ကိုယ်ပိုင်အုပ်ချုပ်ခွင့်၊ အဲဒါတွေကိုပဲ ဆက်လက် တောင်းဆိုသွားမှာပါ။ စောဘဦးကြီးရဲ့ လမ်းညွှန်မှုအတိုင်းပဲ ကျနော်တို့ ဆက်လက် လုပ်ဆောင်သွားမှာ ဖြစ်ပါတယ်။

မေး။ ။ တိုးတက်သော ဗုဒ္ဓဘာသာ ကရင်အမျိုးသားတပ်မတော် (DKBA) တပ်မဟာ ၅ က မကြာသေးခင်ကပဲ အပစ်အခတ်ရပ်စဲရေး စာချုပ်ကို သဘောတူလိုက်တယ် ဆိုတော့ KNU နဲ့ DKBA ရဲ့ လက်ရှိ ဆက်ဆံရေးကရော ဘယ်လိုရှိလဲ။

ဖြေ။ ။ ကျနော်တို့ အမြဲတမ်း ပြောနေတာ ရှိပါတယ်။ အဲဒါကတော့ ကျနော်တို့ဟာ သူတို့ရဲ့ ရန်သူမဟုတ်ပါဘူး၊ ကျနော်တို့လည်း သူတို့နဲ့ မတိုက်ချင်ပါဘူး။ ကျနော်တို့ အချိန်မရွေး သူတို့နဲ့ စကားပြောနိုင်ပါတယ်။

ဒုတိယတချက်ကတော့ DKBA ဟာ သူတို့အဖွဲ့ တည်တံ့ဖို့နဲ့ စီးပွားရေး လုပ်ငန်းတွေကလွဲလို့ နိုင်ငံရေးမောင်းနှင်မှုအား ကြီးမားတဲ့ အဖွဲ့အစည်းတခု မဟုတ်ပါဘူး။ အဲဒါကြောင့် သူတို့တွေ ထိန်းချုပ်တဲ့ နယ်မြေအပေါ် မူတည်ပြီးတော့ သူတို့ရဲ့ နိုင်ငံရေး ခံယူချက်တွေက ကွဲပြားကြပါတယ်။ မကြာသေးခင်က အပစ်ရပ် လက်မှတ်ထိုးလိုက်တဲ့ ဗိုလ်မှူးချုပ် စောလားပွယ်ရဲ့ တပ်မဟာ ၅ ကတော့ နိုင်ငံရေးအရ လက်မှတ်ထိုးတာ မဟုတ်ဘဲနဲ့ ဗျူဟာပိုင်းအရ လိုအပ်ချက်တွေကြောင့်မို့လို့ လက်မှတ် ထိုးလိုက်တာဖြစ်ပါတယ်။ သူ့အနေနဲ့ အစိုးရရဲ့ နယ်ခြားစောင့်တပ် အစီအစဉ်ကို လက်မခံဘဲနဲ့ ပြန်ပြီး တိုက်ခိုက်ခဲ့တာတွေကို မမေ့သင့်ပါဘူး။ ကျနော်တို့ရဲ့ ဆက်ဆံရေးဟာလည်း တခါတလေမှာ တည်နေရာတွေကို မူတည်ပြီး ဆုံးဖြတ်ရတာမျိုး ရှိသလို တခါတလေမှာ ပုဂ္ဂိုလ်ချင်း ရင်းနှီးမှုမျိုးတွေကို မူတည်ပြီး ဆုံးဖြတ်ရတာမျိုးတောင်မှ ရှိပါတယ်။ ဒါပေမယ့် အဲဒါကလည်း အမြဲတမ်း တသမတ်တည်း သွားမယ် လို့တော့ မဆိုလိုပါဘူး။

မေး။ ။ KNU ဟာ မြန်မာအစိုးရကို နှစ်ပေါင်း ၆၀ လောက် ပြန်ပြီး တိုက်ခိုက်ခဲ့တယ်။ KNU က အစိုးရဆီက ဘာကို လိုချင်တာလဲ။ ခွဲထွက်ရေးလား၊ ဖက်ဒရယ် ပြည်ထောင်စုလား။

ဖြေ။ ။ ကျနော်တို့ ကိုယ်ပိုင် အုပ်ချုပ်ခွင့် လိုအပ်တယ် ဆိုတာကို သေချာ ရှင်းလင်းခဲ့ပြီးပါပြီ။ နောက်တခုက တန်းတူ အခွင့်အရေးတွေ ရှိတဲ့ တိုင်းရင်းသားတွေက ဖက်ဒရယ် ပြည်ထောင်စုကို ဝိုင်းပြီး တည်ဆောက်ကြဖို့ပါ။ အဲဒါကတော့ တိုင်းရင်းသားတွေ အားလုံး ပါဝင်ပြီး အဓိပ္ပာယ် ပြည့်ဝတဲ့ တွေ့ဆုံ ဆွေးနွေးမှုတွေက တဆင့်ပဲ အကောင်အထည်ဖော်လို့ ရမှာပါ။ ကျနော်တို့ ပြောတဲ့ ကိုယ်ပိုင်အုပ်ချုပ်ခွင့်ရ ဖက်ဒရယ် ပြည်ထောင်စု ဆိုတာကတော့ ၁၉၄၇ အခြေခံဥပဒေအရ ပြည်နယ် ပြည်မ ခွဲခြားသလိုပုံစံ မဟုတ်ဘူးလို့ ပြောချင်ပါတယ်။
သတင်း-ဧရာဝတီ

KNU ငြိမ်းချမ်းရေးကော်မတီဝင်များ အစိုးရအဖွဲ့နှင့် တွေ့ဆုံခဲ့

2011-11-21T23:07:00.000-08:00

ကရင် အမျိုးသား အစည်းအရုံး (ကေအဲန်ယူ)နှင့် မြန်မာအစိုးရ ကိုယ်စားလှယ်အဖွဲ့တို့သည် ယခုလ နိုဝင်ဘာလ ၁၉ရက်မှ ၂၀ ရက်နေ့အထိ ထိုင်း-မြန်မာနယ်စပ် ချင်းရိုင်းခရိုင်၊ မယ်ဆိုင်မြို့တွင် ငြိမ်းချမ်းရေး ဖော်ဆောင်ရေးနှင့် ပတ်သက်ပြီး တွေ့ဆုံ ဆွေးနွေးခဲ့သည်။

ဆွေးနွေးပွဲတွင် ပါဝင်ခဲ့သူ ကေအဲန်ယူ ဗဟိုသစ်တောဌာနမှူး ပဒိုစောအားတိုးက “အခုသွားတာ သဘောတူညီချက် လက်မှတ် သွားထိုးဖို့ သွားတာမဟုတ်ဘူးနော်။ Informal အနေနဲ့သွားတာပဲနော်။ ဒါကြောင့် ဒီတွေ့ဆုံမှုမှာ သဘောတူချက် လက်မှတ် ထိုးတာတို့ လုံးဝ မပါဘူး။”ဟု ကေအိုင်စီသို့ ပြောသည်။
၎င်းတွေ့ဆုံမှုတွင် (၁)အပစ်အခတ်ရပ်စဲရေး (၂)ဆက်ဆံရေးရုံးများ အပြန်အလှန်ထားရှိရေး (၃)လက်နက်မပါဘဲ နယ်မြေ ကျော်ဖြတ်ခွင့်ပြုရေး (၄)တိုင်းရင်းသားအားလုံးနှင့် အဖွဲ့ပေါင်းစုံပါဝင်သည့် ဗဟိုအဆင့် ဆွေးနွေးပွဲအတွက် နေရာ၊ သတ်မှတ် ရေး စသည့် အချက်လေးချက်ကို ပဏာမအဆင့် သဘောတူညီခဲ့ကြသည်ဟု ကေအဲန်ယူဘက်က ပြောဆိုသည်။

နှစ်ဘက် အပစ်အခတ်ရပ်စဲရေး ကိစ္စတွင် ကရင်ဒေသ အခြေအနေနှင့် တခြား တိုင်းရင်းသား ဒေသအခြေအနေနှင့် မတူညီသော ကြောင့် အချေအတင် ဆွေးနွေးသွားရမည့်သဘောရှိသလို အပစ်အခတ် ရပ်စဲရေး သဘောတူညီမှု ရရှိမှာသာလျှင် ကျန်သည့် လုပ်ငန်းစဉ်များကို ဆက်လက် လုပ်ဆောင် သွားမည်ဖြစ်ကြောင်း ပဒိုစောအားတိုးက ပြောသည်။
ယခုတကြိမ် တွေ့ဆုံမှုတွင် အစိုးရဘက်မှ သမ္မတဦးသိန်းစိန် တိုက်ရိုက် ခန့်အပ်ေ စလွှတ် သည့် ပြည်ထောင်စုဝန်ကြီး ဦးအောင် မင်းတစ်ဦးသာ ဦးဆောင်ဆွေးနွေးခဲ့ပြီး ကေအဲန်ယူဘက်မှ ငြိမ်းချမ်းရေး ဖော်ဆောင်ရေးေ က်ာမတီမှ ပဒိုစောဒေးဗစ်ထော၊ စစ် ဦးစီးချုပ် ဗိုလ်ချုပ်ကြီးမူတူးစေးဖိုးနှင့် ပဒိုစောအားတိုးတို့ ပါဝင်သည်။
ကေအဲန်ယူ ငြိမ်းချမ်းရေး ကိုယ်စားလှယ်အဖွဲ့နှင့် မြန်မာအစိုးရ ငြိမ်းချမ်းရေးဖော်ေ ဆာင်ရေးအဖွဲ့တို့သည် နောက်ပိုင်းတွင် ထပ်မံ တွေ့ဆုံဆွေးနွေးရန်ရှိသော်လည်း ရက်အတိအကျ မသတ်မှတ်ရသေးကြောင်း ပဒိုစောအားတိုးက ယခုလို ပြောသည်။
“ကျနော်တို့ ကေအဲန်ယူက သက်ဆိုင်ရာ ကော်မတီတွေ အားလုံးပြန်ပြီးေ တာ့ ညှိနှိုင်းတိုင်ပင်ရအုံးမယ်။ ဆွေးနွေးရအုံးမယ်။ အဲဒီကိစ္စမှာ ကျနော်တို့ သတ်မှတ်ရက်အပေါ်မှာ ဦးအောင်မင်းကိုယ်တိုင် လက်ခံပြီးတော့ လာပြီးကြိုဆိုမယ်လို့ ပြောထားတာ ရှိတယ်”ဟု ၎င်းက ပြောသည်။

ယခုတွေ့ဆုံမှုမှာ ညီညွှတ်သော တိုင်းရင်းသားလူမျိုးများ ဖယ်ဒရယ်ကောင်စီ (UNFC)၏ မူအရ တွေ့ဆုံဆွေးနွေးခြင်း မဟုတ် ဘဲ ကေအဲန်ယူ ကိုယ်စားလှယ်အရ တွေ့ဆုံခြင်းဖြစ်သည်ဟု သိရသည်။
အလားတူ နိုဝင်ဘာလ ၁၉ရက်နေ့တွင် ရထားပို့ဆောင်ရေး ၀န်ကြီး ဦးအောင်မင်း ဦးဆောင်သည့် အစိုးရ ကိုယ်စားလှယ်အဖွဲ့ သည် လက်နက်ကိုင် တိုင်းရင်းသားတပ်ဖွဲ့များဖြစ်သည့် သျှမ်း၊ ချင်း၊ ကချင်၊ ကရင်နီ ကိုယ်စားလှယ်အဖွဲ့များနှင့်လည်း တွေ့ ဆုံခဲ့သည်ဟု သိရသည်။

ကေအဲန်ယူသည် ၁၉၄၉ခုနှစ်မှ ယနေ့အချိန်ထိ မြန်မာအစိုးရအဆက်ဆက်နှင့် ငြိမ်းချမ်းရေးကိစ္စ တွေ့ဆုံဆွေးနွေးခဲ့သော် လည်း အောင်မြင်မှု မရရှိခဲ့ပေ။ သမ္မတဦးသိန်းစိန် တက်လာပြီးနောက် ကေအဲန်ယူနှင့် တရားဝင် တွေ့ဆုံမှုသည် ယခုအကြိမ် နှင့်ဆိုလျှင် (၂)ကြိမ်မြောက်ဖြစ်သည်ဟု ကေအဲန်ယူဘက်က အတည်ပြု ပြောကြားခဲ့သည်။