ရွေးကောက်ပွဲတွင် မဲဆန္ဒနယ် အနည်းဆုံး သုံးခု၌ လွတ်တော် ကိုယ်စားလှယ် များ ၀င်ရောက်ယှဉ်ပြိုင်ခြင်း မပြုနိုင်ပါက ပြည် ထောင်စု ရွေးကောက်ပွဲ ကော်မရှင်မှ နိုင်ငံရေးပါတီများ မှတ်ပုံခြင်းဥပဒေ ပုဒ်မ ၁၂(ခ)အရ နိုင်ငံရေး ပါတီအဖြစ် မှတ်ပုံတင် ထား ခြင်းကို ပယ်ဖျက်၍ ဖျက်သိမ်းခံရသည့် နိုင်ငံရေးပါတီ(၅)ခုတွင် ကရင်ပါတီ တစ်ခုဖြစ်သည့် (UKL) ပါဝင်ခဲ့သည်။ယနေ့ထုတ် စစ်အစိုးရပိုင်သတင်းစာတွင် ဖော်ပြထားသည့် ကြေညာချက်အမှတ် (၉၇/၂၀၁၀)အရ ဖျက်သိမ်းခံရသည့် ပါတီ ၅ခုမှာ်ထောင်စုကရင် ပြည်အမျိုးသားများ အဖွဲ့ချုပ်(UKL)၊ မြန်မာ့ လူ့ဘောင်သစ် ဒီမိုကရက်တစ်ပါတီ (MNSDP)၊ မြန်မာဒီမိုက ရေစီ ကွန်ဂရက်ပါတီ(MDCP)၊ မြိုတိုင်းရင်းသားပါတီ(MNP)နှင့် ဒေသဖွံ့ဖြိုးတိုးတက် ရေးပါတီ-ပြည်(NDF)တို့ ဖြစ်သည်။
ရန်ကုန်တိုင်း ကြည့်မြင်တိုင်မြို့နယ်၊ ကရင်အမျိုးသားရပ်ကွက်၊ အမှတ်(၁)စောတေလိန်း၊
ဦးလူနီလမ်းရှိ UKL ပါတီရုံးသို့ ကေအိုင်စီက ဆက်သွယ်မေးမြန်းရာ ဘဏ္ဍာရေး အခက် အခဲကြောင့် ဖြစ်ကြောင်း အဖွဲ့ဝင်အမျိုးသမီးတဦးက ယခုလို ပြော သည်။
“ပါတီဖျက်သိမ်းခံရတာနဲ့ ပတ်သက်ပြီး တစ်ခုပဲ ပြောချင်ပါတယ်။ ဘဏ္ဍာငွေကြေး အခက်အခဲ ကြောင့်ပဲ ဖြစ်တာပါ။”ဟု ဆို သည်။
၁၉၉၀ခုနှစ် ရွေးကောက်ပွဲတွင် နေရာ ၇ခုတွင် ၀င်ရောက်အရွေးခံခဲ့သည့် UKL ပါတီသည်
ယခုနှစ် ဧပြီလ ၈ရက်နေ့တွင် ပြည် ထောင်စု ရွေးကောက်ပွဲကော်မရှင်ထံ နိုင်ငံရေးပါတီအ
ဖြစ် ဆက်လက် တည်ထောင်ခွင့်လျှောက်ထားခဲ့ရာ၌ ကရင်အမျိုးသား အလံကို ပါတီအလံအဖြစ် အသုံးပြုခဲ့မှုအပေါ် ကရင်အမျိုးသား နှစ်သစ်ကူးကျင်းပရေးကော်မတီ (မဟာရန်ကုန်)မှ ဧပြီလ ၁၅ ရက်နေ့တွင် ကန့်ကွက်ခဲ့သေးသည်။
၎င်းပါတီသည် ပါတီမှတ်ပုံတင်အမှတ်(၁၁)ဖြင့် မေလ ၂၁ရက်နေ့စွဲဖြင့် ပါတီမှတ်ပုံ တင်ခွင့်ကျပြီးနောက် ရက်ပေါင်း ၉ဝအတွင်း ရွေးကောက်ပွဲ ကော်မရှင်သို့ ပါတီဝင်ဦးရေ ၅ဝဝကျော်သာ တင်ပြနိုင်ခဲ့သဖြင့် ဧရာဝတီတိုင်း၌သာ ၀င်ရောက်ယှဉ်ပြိုင်တော့ မည်ဟု ပြီးခဲ့သည့် သြဂုတ်လက ပြောခဲ့သည်။
ဥက္ကဋ္ဌ စောမောင်ချော၊ ဒုဥက္ကဌ စောသန်းအောင်၊ ဒုဥက္ကဌ-၂ မန်းသိန်းရွှေ၊ ဒုဥက္ကဌ-၃
စောအောင်ထွန်းကြည်၊ ဒုဥက္ကဌ-၄ မန်း သောင်းကြွယ်လင်းတို့ အပါအ၀င် အလုပ်အမှု
ဆောင် ၁၅ဦးရှိသည့် UKL ပါတီသည် ၂၀၁၀ ရွေးကောက်ပွဲတွင် ကရင်ပြည်နယ်၊
မွန်ပြည်နယ်နှင့် ဧရာဝတီ၊ ရန်ကုန်၊ ပဲခူး၊ တနင်္သာရီတိုင်းတို့တွင် ၀င်ရောက်ယှဉ်ပြိုင်ရန်
ဆုံးဖြတ်ခဲ့သည်။
အဆိုပါနိုင်ငံရေးပါတီ ၅ခု ဖျက်သိမ်းခံရသည်နှင့် တချိန်တည်းတွင် သတ်မှတ်ရက်အတွင်း
နိုင်ငံရေးပါတီအဖြစ် ဆက်လက် တည်ထောင်လိုကြောင်း လျှောက်ထားခြင်းမရှိသည့် ပြည်ထောင်စု ပအိုဝ်းအမျိုးသားအဖွဲ့ချုပ်၊ ရှမ်းတိုင်းရင်းသားများ ဒီမိုကရေ စီအဖွဲ့ချုပ်၊ ရှမ်းပြည် ကိုးကန့်ဒီမိုကရက်တစ်ပါတီ၊ ၀အမျိုးသား ဖွံ့ဖြိုးတိုးတက်ရေးပါတီနှင့် အမျိုးသား ဒီမိုကရေစီအဖွဲ့ချုပ်တို့ကို လည်း ရွေးကောက်ပွဲ ဥပဒေအရ အလိုအလျောက် ပျက်ပြယ်ပြီး နိုင်ငံရေးပါတီအဖြစ်မှ ဖျက်သိမ်းလိုက်ကြောင်း စစ်အစိုးရက ကြေညာခဲ့သည်။
ပြည်ထောင်စုရွေးကောက်ပွဲကော်မရှင်က နိုင်ငံရေးပါတီအဖြစ် မှတ်ပုံတင်ခွင့်ပေးခဲ့သည့် ပါတီ ၄၂ခုအနက် ၃၇ပါတီသာ ဆက် လက် ရပ်တည်ခွင့်ရှိတော့မည်ဖြစ်ပြီး ၎င်းအနက် ကရင်ပြည်သူ့ပါတီနှင့် ဖလုံ-စဝေါ်ဒီမိုကရက်တစ်ပါတီတို့ ပါဝင်သည်။
