ငွေစက္ကူမှပြောသော ဗမာနဲ့မြန်မာ
(မင်းစိုးစံ)ဗမာ ဆိုတဲ့ စကားက တိုင်းရင်းသားတွေအားလုံးကို ကိုယ်စားပြုတယ်။
မြန်မာ ဆိုတဲ့ စကားက တိုင်းရင်းသား တွေအားလုံးကို ကိုယ်စားပြုတယ်။
ကဲ တိုင်းရင်းသားအပါအ၀င် ဗမာတွေပါ မကွယ်မ၀ှက် ရင်ထဲရှိတဲ့အတိုင်း ဆွေးနွေး အဖြေရှာကြည့်ကြပါစို့။ အဖြေရှာကြတဲ့အခါမှာ ရလာတဲ့အဖြေဟာ တစ်ခုတည်းမဖြစ်နိုင်တာကိုတော့ အားလုံးလက်ခံကြလိမ့်မယ်လို့ ယုံ ကြည်ပါတယ်။ သေခြာတာတခုကတော့ သမိုင်းကိုဖျောက်ဖျက်ဘို့ မိုက်မဲစွာ ကြိုးစားစိုင်းပြင်းသူတွေရဲ့ ယုတ်ညံ့တဲ့ အကြံအစည်ကြောင့် ဒီကနေ့ မညီမညွတ်နဲ့ဝါးအစည်းပြေသလို အကွဲကွဲအပြားပြားတွေဖြစ်ကုန်တာကိုတော့ ဘယ်
သူမျှညင်းလို့ရမှာမဟုတ်ပါဘူး။
ဘာကြောင့်လဲဆိုတော့ သမိုင်းပေးတာဝန်ကို ကျေကျေပြွန်ပြွန်ထမ်းဆောင်ချင်တဲ့လူတွေ သမိုင်းပေးတာဝန်ကို မှန်မှန်ကန်ကန် လွတ်လွတ်လပ်လပ် ရဲရဲတင်းတင်း ထမ်းဆောင်နိုင်ခွင့်မရခဲ့ကြရလို့ဖြစ်ပါတယ်။
ဒါကြောင့်လည်း ကျုပ်တို့နိုင်ငံနဲ့ ကျုပ်တို့လူမျိုးတွေရဲ့သမိုင်းဟာ စုတ်ပြတ်သတ်ကုန်ရုံမက တိုင်းပြည်လည်း နာလံ
မထူနိုင်အောင်ဖြစ်နေရတာ အားလုံးအသိပါ။
ကျုပ်တို့ရဲ့အိမ်နီးချင်းနိုင်ငံတွေကလည်း ကျုပ်တို့တိုင်ြး့ပည်အပေါ် ဆက်ဆံတဲ့ဆက်ဆံပုံက ကျုပ်အမြင်နဲ့ ပြောရ
မယ်ဆိုလျင် ဗိုလ်ချုပ်အောင်ဆန်းပြောခဲ့သလို ဖါနိုင်ငံလိုဆက်ဆံနေကြတာပါ၊ ကျုပ်တို့နိုင်ငံကထွက်တဲ့သယံဇာ တတွေကို အလိုရမက်ကြီးမားစွာနဲ့ သူ့ထက်ငါအလုအယက် ဈေးချိုချို(အလကားမတ်တင်းနီးနီး)ရအောင် နည်း အမျိုးမျိုးပုံစံအသွယ်သွယ်နဲ့ ချဉ်းကပ်နေကြတာ ထင်သာမြင်သာရှိလှပါတယ်။
အဲဒီလို အဲဒီလိုတွေ ဖြစ်ပျက်နေတာကို သိသိကြီးနဲ့ ထိန်းသိမ်းကာကွယ်ရကောင်းမှန်းသိနေကြပါလျက် သမိုင်း ကိုဖျောက်ဖျက်ဘို့ မိုက်မိုက်မဲမဲကြိုးစားခဲ့သူတွေရဲ့ ယုတ်ညံ့တဲ့အကြံအစည်ကို အရသာရှိရှိဆက်ပြီးအကောင်အ ထည်ဖေါ် မိုက်တွင်းနက်ပြီးရင်းနက်ရင်းနဲ့ တိုင်းပြည်နဲ့လူမျိုး လုံးပါးပါးရမယ့် အခြေအနေဆိုးကို တွန်းပို့နေတာမို့ အင်မတန်မှ ကြေကွဲစရာကောင်းလှပါတယ်။
အဲဒီတော့ ဗမာပြည်တွင်းမှာနေထိုင်နေကြတဲ့ လူမျိုးစုတွေဟာ စစ်တပ်ကလုပ်တာပါလို့ မမြင်တော့ပဲ ဗမာတွေ လုပ်တာလို့ မြင်နေကြတဲ့အတွက် အမျိုးသားရင်ကြားစေ့ရေးဆိုတာကလည်း သဲထဲရေသွန်သလိုဖြစ်နေတဲ့အ
ခြေအနေမျိုးရောက်သွားမှာ အင်မတန်စိုးရိမ်ရမယ့် အဖြစ်က ဆီးကြိုနေပါတယ်။
ဒီကနေ့ အမျိုးသားရင်ကြားစေ့ရေးဆိုတဲ့ အရာဟာ ဗမာနဲ့ဗမာအချင်းချင်း ကရင်နဲ့ကရင်အချင်းချင်း ပြေလည်
နေရုံလေးနဲ့ သင့်တင့်နေရုံလေးနဲ့ မဖြစ်နိုင်ဘူးဆိုတာ အားလုံးအသိပါ။ ဗမာနဲ့မြန်မာ ဆိုတဲ့အသုံးအနှုန်းလေး တ ခုကို အခြေပြုပြီး ဗမာအချင်းချင်းအငြင်းအခုံဖြစ်နေတယ်လို့ အပေါ်ယံအကြောအရ မြင်နေကြပေမယ့် တကယ် တမ်းတော့ ဗမာပြည်ဆိုတာကို အတိအလင်းဖြစ်အောင် တရားဝင်ဖြစ်အောင် ဗမာတွေကြိုးပမ်းနေကြတာလို့ မြင်
တဲ့လူတွေကလည်း ရှိနေပါတယ်။
မြန်မာဆိုတာ မြမ္မာဆိုတဲ့စာလုံးကနေပြောင်းလွဲလာခဲ့တာပါ၊ မြမ္မာဆိုတဲ့စာလုံးကလည်း ဗြမ္မာဆိုတဲ့အသုံးအနှုန်း ကနေဆင့်ကဲပြောင်းလဲခဲ့တာလို့ ဆိုကြပါတယ်၊ ဗြမ္မာကြီးတွေကို ကိုးကွယ်တယ်လို့ဆိုတဲ့သူကရှိသလို ဗြမ္မာမျိုး ကနေဆင်းသက်လာတယ်ဆိုတာခံယူကြတယ်လို့ ပြောတဲ့သူကပြောကြပြီး ဗြမ္မပုတ္တရမြစ်ရဲ့အရှေ့ဘက်ခြမ်းမှာ
နေထိုင်ကြလို့ ဗြမ္မာလူမျိုးလို့ခေါ်တွင်လာကြရာကနေ မြမ္မာဆိုတာဖြစ်လာပြီး နောက်ပိုင်းမှာတော့ မြမ္မာဆိုတဲ့အ
ရေးအသားဟာ အဓိပ္ပါယ်လေးနက်မှုမရှိတဲ့အတွက် မြန်မာလို့ပြောင်းပြီးရေးသားခြင်းအားဖြင့် ပညတ်သွားရာဓါတ်
သက်ပါဆိုတဲ့အတိုင်း မြန်ဆိုတာ မြန်ဆန်သော လျင်မြန်သော မြန်မြဲသော သဘောကိုဆောင်သလို မာ ဆိုတာ
ကလည်း မာကြောသော ခိုင်မာသော မာထန်သော သဘောကိုဆောင်တဲ့အတွက် မြန်မာလို့သာရေးသားသုံးနှုံး
ခြင်းကို အထူးလိုလားကြောင်းကို ဆရာတော်အောင်ကျော်စံထား ရေးသားပြုစုတဲ့ ဝေါဟာရတ္ထ ပကာသဏီကျမ်း
မှာ ရေးသားဖေါ်ပြထားတာတွေ့ရပါတယ်။
ဗမာဆိုတဲ့စကားလုံးကတော့ ဗြမ္မာဆိုတာကနေ ဗမာ ဆိုပြီးဖြစ်လာတာမျိုးလားဆိုပြီးတွေးထင်စရာ ဖြစ်လာပါတယ် ဥပမာအားဖြင့် စေတီပုထိုးတွေမှာ ထီးတော်တင်တဲ့အခါ ငှက်မြတ်နားဆိုတာ ရှိတယ်လို့ဆိုပါတယ် အဲဒီငှက်မြတ်နား
ကို ငှက်မနားလို့ခေါ်ကြတာမျိုး။ နောက်တခုက ပြီးပါပြီ ဆိုတဲ့ စာလုံးကို ပီးပါပီ လို့ အသံထွက်တာမျိုး။ အဲဒီလိုမျိုးကနေ ဗြမ္မာကနေ ဗမာဆိုပြီးဖြစ်လာတာများလားဆိုတာမျိုးပါ။ ဘယ်လိုပဲဖြစ်ဖြစ်ကိုလိုနီခေတ်က ငွေစက္ကူတွေပေါ်မှာတော့ ဗမာနိုင်ငံတော်လို့ရေးသားသုံးနှုံးခဲ့ကြသလို အခုခေတ် စစ်အာဏာရှင်ခေတ်မှာလည်း မြန်မာနိုင်ငံတော်လို့သုံးနှုံးတာကိုကြည့်ခြင်းအားဖြင့် ဗမာနဲ့မြန်မာဆိုတာ အတူတူဖြစ်
တယ်လို့ ပြောနိုင်ပါလိမ့်မယ်။
ဗမာစာသည် တို့စာ။
ဗမာစကားသည် တို့စကား။
တို့ပြည်ကို ချစ်ပါ။
တို့စာပေကို လေးစားပါ။
ဆိုတဲ့ ကြွေးကြော်သံတွေ ကြွေးကြော်ခဲ့တဲ့အတွက် တိုင်းရင်းသားတွေ အားလုံးကို ကိုယ်စားပြုတယ်ဆိုတာကလည်း ရာနှုံးပြည့်မဖြစ်နိုင်ပါဘူး။
ဘာကြောင့်လဲဆိုတော့ တိုင်းရင်းသားတွေတိုင်းလိုလိုမှာ သူ့ကိုယ်ပိုင်စာပေတွေရှိနေကြတာ ဖြစ်သလိ်ု ဗြိတိသျှကိုလို
နီ မဖြစ်ခင်အထိ နိုင်ငံနယ်နိမိတ်အတွင်း နေထိုင်နေတဲ့ မြန်မာအပါအဝင် တိုင်းရင်းသားတွေဟာ အပြန်အလှန် ပဒေ သရာဇ်ခေတ် အင်ပါယာချဲ့ထွင်မှုသဘောအရ အတူယှဉ်တွဲနေထိုင်ရတဲ့ ကာလတွေရှိခဲ့ပေမယ့် တကယ်တမ်းမှာ
တော့ ကိုယ့်ထီး ကိုယ့်နန်းနဲ့နေခဲ့ကြတာပါ။
ပါလီမန် ဒီမိုကရေစီခေတ်၊ကနေ မဆလ တပါတီအာဏာရှင် ခေတ်ရောက်လာတဲ့အထိ ငွေစက္ကူတွေပေါ်မှာ ပြည်
ထောင်စုဆိုတာလေးကို ထည့်သွင်းသုံးစွဲထားတာတွေ့ရတဲ့အတွက် ဗမာနိုင်ငံတော်ပဲဖြစ်ဖြစ် မြန်မာနိုင်ငံတော်ပဲဖြစ်
ဖြစ်ရေးကြီးခွင်ကျယ်နဲ့ အကျယ်မချဲ့ခဲ့တာများလားလို့တွေးမိပြန်ပါတယ်။
ဗမာလား မြန်မာလားနဲ့ တိုင်းရင်းသားပြဿနာ ဆိုတဲ့ဆောင်းပါးရှင် ဆရာငြိမ်းချမ်းအေးရဲ့ဆောင်းပါးထဲက တနေ
ရာမှာဖေါ်ပြထားတာက လူမျိုးစု အသီးသီးရဲ့ ကိုယ်ပိုင်ပြဋ္ဌာန်းခွင့်၊ ကိုယ်ပိုင်အုပ်ချုပ်ခွင့် ပီပီပြင်ပြင် သီးသီး သန့် သန့်ဖော်ဆောင်ခွင့်ရတဲ့ ဖယ်ဒရယ် ပြည်ထောင်စု စစ်စစ်ဖော်ဆောင်နိုင်တဲ့အချိန်ကျရင် ဒီ နိုင်ငံအမည် ဗမာနိုင်ငံ (Burma)ဆိုတဲ့သဘောကို ပြည်သူလူထုဆန္ဒ၊ အထူးသဖြင့် လူနည်းစုလူမျိုးစုတွေရဲ့ ဆန္ဒသဘောတောင်းခံပြီး ပ
ညာရှင်တွေရဲ့ အကြံပြုချက်နဲ့အညီ ပြုပြင်ပြောင်းလဲဖို့၊ ဒါမှမဟုတ် ထပ်မံဖြည့်စွက်ဖို့ လုပ်ဆောင်ရမှာဖြစ်ပါတယ်။ ဆိုပြီးရေးသားထားတာတွေ့ရပါတယ်။ အလွန်သင့်မြတ်ကောင်းမွန်တဲ့ ဆောင်ရွက်ချက်ပါ။
ကျုပ်အမြင်ကတော့ အဲဒီအချိန်မရောက်မှီလေးမှာ အခုသုံးစွဲနေတဲ့ငွေ စက္ကူတွေမှာပဲဖြစ်စေ၊ နိုင်ငံတကာမှာဖြစ်စေ၊ သတင်းစာတွေမှာဖြစ်စေ၊ အသံလွှင့်ဌာနတွေမှာဖြစ်စေ၊ ပြောဆိုဆက်ဆံသုံးနှုံးတဲ့အခါမှာ ဗမာလို့ပဲသုံးသုံး မြန်မာ
လို့ပဲသုံးသုံး ပြည်ထောင်စု ဆိုတာလေးကိုတော့ အရင်ဦးဆုံးမဖြစ်မနေ ပြောင်းလွဲပြင်ဆင်ထည့်သွင်းသုံးစွဲပေးသင့်
ပါကြောင်း။
ကျန်းမာချမ်းသာကြပါစေ။
မင်းစိုးစံ
(အဝေးရောက် ကရင်ဒုက္ခသည်တဦး)
မှီငြမ်း
အောင်ကျော်စံထား ဆရာတော်ဘုရား ရေးသားပြုစုသည့် ဝေါဟာရတ္ထပကာသဏီကျမ်း။
ငြိမ်းချမ်းအေး ရေးသားသည့် ဗမာလား မြန်မာလားနှင့် တိုင်းရင်းသားပြဿနာ ဆောင်းပါး။
ဖူးတာမိက် ဘလော့မှ တဆင့်ခံ ကူးယူသည်။
