Wednesday, February 15, 2012

ငြိမ်းချမ်းရေး ပွဲစား



ညိုအုံးမြင့်ဟာ အမျိုးသားဒီမိုအရေစီ အဖွဲ့ချုပ် (ပြည်ပ) ရဲ့အားထားရတဲ့ အင်္ဂလိပ်စာတတ်တဦး ဖြစ်ပါတယ်။ ညိုအုံးမြင့် ရဲ့ ဖခင် ဦးအုံးမြင့်ဟာ မြန်မာ့ဆိုရှယ်လစ်လမ်းစဉ်ခေတ်မှာ ကယ်ဆယ်ရေးနဲ့ ပြန်လည်နေရာချထားရေး ဦးစီးဌာနရဲ့ ညွှန်ကြားရေးမှူးချုပ် တဦးပါ။ ဦးအုံးမြင့်ဟာ လူသတ်ကောင် စစ်ထောက်လှမ်း ရေးဗိုလ်မှူးချုပ် မျက်မှန်တင်ဦး ရဲ့ ဆွေ မျိုးသားချင်းတဦးလဲ ဖြစ်ပါတယ်။

ရခိုင်ပြည်နယ်မှာ ၁၉၇၀ ပြည့်နှစ် ပတ်ဝန်းကျင်လောက်မှာ လေဘေးမုန်တိုင်းကြောင့် ရခိုင်လူမျိုးများ ဒုက္ခအကြီးအကျယ် ကျရောက်ခဲ့ပါတယ်။ အဲဒီတုန်းက ရခိုင်ပြည်နယ် စစ်တိုင်းမှူးနဲ့ ဒေသ ပါတီ ဥက္ကဋ္ဌ ဗိုလ်မှူးချုပ်ဝမ်းတင် ဟာ ကမ္ဘာ အရပ် ရပ်က စေတနာရှင်တွေရဲ့ ငွေအား ပစ္စည်းအားနဲ့ ကူညီထောက်ပံ့တာတွေကို ကယ်ဆယ်ရေးနဲ့ ပြန်လည်နေရာချထား ရေး ဦးစီးဌာနက ညွန်ကြားရေးမှူးချုပ် ဦးအုံးမြင့်နဲ့အတူ လက်ခံကြီးကြပ် ခဲ့ရပါတယ်။ စေတနာရှင်များ လှူဒါန်းတဲ့အထဲ မှာ အများတကာ ပြောဆိုကြတဲ့ ဗေထုပ်ဆိုတဲ့ အ၀တ်အစား အသစ်နဲ့ အဟောင်းများအပြင် တခြားအဖိုးတန် အသုံး ဆောင်ပစ္စည်းများလဲ ပါဝင်ပါတယ်။ ပလပ်စတစ် ရေသန့် ဂါလံဝင် ပုံးများလဲ ပါဝင်ပါတယ်။ နောင်မှာ အဲဒီရေပုံးတွေကို ဝမ်းတင် ရေပုံးဆိုပြီး လူသိများပါတယ်။ ဗေထုတ်များကတော့ ကယ်ဆယ်ရေး အုံးမြင့် ဗေထုပ်လို့ လူသိများပါတယ် ။

ဗိုလ်မှူးချုပ် ၀င်းတင်ကို လေမုန်တိုင်း ကယ်ဆယ်ရေး ပစ္စည်းများကို ကိုယ်ကျိုးအတွက် အလွဲသုံးစားမှုကြောင့် ရွှေချောင်း ကြီးများ၊ ငွေသားများ၊ နိုင်ငံခြားငွေ (ဒေါ်လာ) များနှင့် အတူ ဖမ်းစီးရမိလို့ ထောင်ဒဏ်အပြစ်ပေးခံရပါတယ်။ ဦးအုံးမြင့် ဟာလဲ ဗိုလ်မှူးချုပ် ၀င်းတင်နှင့် ပုလင်းတူ ဗူးဆို့ ဆိုပြီး အိမ်တွင်လာ ရောက် ဖမ်းစီး သွား ခဲ့ ပါတယ်။ ဖမ်းတဲ့နေ့ဟာ
နိုင်ငံတော် သမ္မတကြီးရဲ့ လွတ်လပ်ရေးနေ့ ညစာစားပွဲကို တက်ရောက်ရန် တောင်ရှည်ပုဆိုးနဲ့ ခေါင်းပေါင်းပေါင်းကာ အိမ်ကအဆင်းမှာ အဆိုပါ အလွဲ သုံးစားမှုကြောင့် ဖမ်းစီးခံခဲ့ရပါတယ်။

မျက်မှန် ဗိုလ်မှူး ချုပ်တင် ဦးက ဦးအုံး မြင့်အား သြစတေးလျ နိုင်ငံဆိုင်ရာ မြန်မာသံအမတ်ကြီး ရာထူးကို ခန့်အပ်ရန် လျာထားပြီးတဲ့ အချိန်ကာလ ဖြစ်ပါတယ်။ သံ အမတ်ကြီး ရာထူးမရဘဲ စစ်ထောက်လှမ်းရေး စစ်ကြောရေးစခန်းသို့ ရောက်သွားခဲ့ရတဲ့ ညိုအုံးမြင့်၏ ဖခင် ဦးအုံးမြင့် ရဲ့ ဘ၀တစိတ်တပိုင်းမျှသာ ဖြစ်ပါတယ်။
ယခု စစ်တပ်ကြောထောက်နောက်ခံ ပြုထားတဲ့ ပြည်ခိုင်ဖြိုး အစိုးရရဲ့ ပြည်ထောင်စု မီးရထားဝန်ကြီး ဦးအောင်မင်းဟာ လဲ ထောက်လှမ်းရေး မျက်မှန်တင်ဦး ရဲ့ တပည့်တဦးပဲ ဖြစ်ပါတယ်။

ဦးအောင်မင်းဟာ လဲ မီးရထား စက်ခေါင်းတလုံးကို နိုင်ငံခြားက ၀ယ်ယူတိုင်း အမေရိကန်ဒေါ်လာ သုံးလေးသောင်း ကော်မရှင်ယူပြီး နိုင်ငံခြားမှာ သိမ်းဆည်းထားသူ ဖြစ်ပါတယ်။ မီးရထား ဇလီဗာတုံးနဲ့ သံလမ်းဝယ်ရာက ခိုးဝှက်ထားတာ လဲ သားစဉ်မြေဆက် ဆယ်ဆက်စာ စားမကုန်အောင် ရှိနေပါတယ်။ ဦးအုံးမြင့် ကဲ့သို့ တောင်ရှည်ပုဆိုးနဲ့ ခေါင်းပေါင်း ပေါင်းပြီး ထောင်နန်းစံရမဲ့ သူခိုးတဦးသာ ဖြစ်ပါတယ်။ စစ်မှန်တဲ့ ငြိမ်းချမ်းရေးကို ဖော်ဆောင်နိုင်မယ့်သူ မဟုတ်ပါဘူး။

ညိုအုံးမြင့်နဲ့ အောင်မင်းတို့ဟာ မြန်မာ့သမိုင်းမှာ ယုံကြည်ချက်ကြောင့် အကျဉ်းကျခံရသူများအပေါ် လူသားမဆန်စွာ ညှဉ်းပန်းနှိပ်ဆက်ခဲ့သူ မျက်မှန်တင်ဦးရဲ့ မျိုးဆက်များသာဖြစ်ပြီး ယခု မသူတော်အချင်းချင်း အပေါင်အသင်း လုပ်ဖော် ကိုင်ဖက် ဖြစ်နေကြပါတယ်။

ဒီပဲယင်း လူသတ်သမားနဲ့ သူခိုးကြီး ဦး အောင်သောင်းက သောင်းကျန်းသူများကို အောင်နိုင်ဖို့နဲ့ သူခိုးကလေး ဦးအောင် မင်းက လူမျိုးစု မင်းအသီးသီးကို အောင်နိုင်ဖို့အတွက် ဗေဒင်ကိန်းခန်းအရ တပ်ချုပ်ကြီးက တာဝန်ပေးထားတယ် ဆို တော့ ပြည်တွင်းငြိမ်းချမ်းရေး က မျှော်လေတိုင်း ဝေးသလို ဖြစ်နေပါတယ်။
တိုင်းရင်းသား အချင်းချင်းနဲ့ နိုင်ငံရေး လှုပ်ရှားသူအချင်းချင်း အကွဲအပြဲဖြစ်အောင် ဒီငြိမ်းချမ်းရေး ဖော်ဆောင်ရေး ခေါင်း ဆောင် ဦးအောင်သောင်းနဲ့ ဦးအောင်မင်းတို့ သပ်လျှိုကြံစီနေတာကို အထူးသတိထားကြပါရန် စေတနာနဲ့ ရေးသား တင် ပြလိုက်ရခြင်း ဖြစ်ပါတယ်။

တိုင်းရင်းသား အချင်းချင်းနဲ့ နိုင်ငံရေးလှုပ်ရှားသူ အချင်းချင်းတို့ စိတ်ဝမ်းမကွဲပြားစေလိုပါ။ မြန်မာနိုင်ငံ ထာဝရ ငြိမ်းချမ်း ရေးအတွက် အကျင့်သိက္ခာ ပညာ ပြည့်စုံသူများ ဦးဆောင်မှသာ တိုင်းသူပြည်သားများ လိုလားတောင်းတနေသည့် တိုင်းပြည်ငြိမ်းချမ်းရေးနဲ့ တိုင်းပြည့် ဖွံ့ဖြိုးသာယာရေးကို ရရှိနိုင်မည်ဟု ယုံကြည်လျှက်ပါ။

စိုးသီဟဦး (ပြည်ချစ်လူငယ်တဦး)
နေ့သစ်မှ ကူးယူသည်။
Olá! Se você ainda não assinou, assine nosso RSS feed e receba nossas atualizações por email, ou siga nos no Twitter.
Nome: Email:

1 comments:

Unknown said... at April 27, 2012 at 6:14 PM

ညိုအုန်းမြင့်ဟာတကယ့်ကိုရုတ်မာတဲ့အကောင်ပါ..ရသမျှကိုသူဟာဘယ်ကဘဲရရအကုန်ရိတ်မဲ့အကောင်ပါ..သူဒီကျွန်တော်တို့တိုင်ဝင်္မမှာလဲလာရိတ်ပါသေးတယ်၊ဒီတိုင်ဝမ်ကအစိမ်းရောင်အစိုးရတုန်းကအများကြီးဘဲရိတ်သွားပါသေးတယ်အကြောင်းပြချက်ကတော့မြန်မာပြည်မှဒီမိုခရေစီအတွက်ဆိုပြီးရိတ်သွားပါတယ်၊သူဟာအမေရိကားမှာ(ABC)လေးတတ်ပြီးနိုင်ငံရေးသင်တန်းကိုတက်ခဲ့ပါတယ်..ဒီမိုခရေစီအဖွဲ့စည်းတွေတော်တော်များနေရာမှာဖျာဝင်ခင်းနိုင်ခဲ့တယ်..ခုလည်းကရင်တွေကြားမှာသူ့နောင်တော်မီးရထားအောင်မင်းနှင့်ပေါင်းပြီးဖျာလာခင်းပြန်ပြီးဒီကောင်ခြေလှမ်းအရန်းကိုသွက်နေတယ်၊သူ့ကိစ္စမှာဒေါ်စုတစ်ယောက်လုံးဝမသိတာဟာစိတ်မကောင်းစရာပါဘဲဒီကောင်အုပ်စုတွေဟာမြန်မာပြည်သူပြည်သားတွေအတွက်လုံးဝအနှစ်နာခံသူမဟုတ်ပါ..သူ့ရဲ့ကိုယ်ကျိုးကိုရှေ့တန်းတင်သူတစ်ဦးဆိုတာကျန်ဒီမိုခရေစီအုပ်စုတွေကိုသတိပေးလိုက်ပါတယ်..ကရင်တွေလဲအထူးသတိထားကာ..ဒီမသူတော်ညီနောင်နှစ်ကောင်ကိုအထူးသတိထားစေလိုပါသည်..ကရင်တွေဟာအရန်းကိုအယုံလွယ်ပါတယ်..သိုးမှန်း..၀ံပုလွေခွေးမှန်း..မခွဲခြားတတ်ကြဘူးလားခင်ဗျား..သူတို့ရဲ့မျှက်နှာကိုကြည့်လိုက်တာနဲ့ကိုသိနိုင်ပါတယ်..၄င်းတို့မျှက်နှာတွေဟာစပလိန်မျှက်နှာတွေဆိုကြည့်မထွင်္ကကြတော့ဘူးလား..ကိုရွှေကရင်ကြီးတွေရယ်လို့သာပြောလိုက်ခြင်ပါတယ်..

Post a Comment