မှတ်မှတ်ရရ အဲဒီနေ့မှာ ရုပ်ရှင်ရုံထဲမှာ ကရင်တွေ တော်တော်များများ လာရောက်ကြည့်ရှူတာကို တွေ့ခဲ့ရပြီး သူတို့တွေလည်း ကျနော်လို နာမည်ကြီး သရုပ်ဆောင်တွေ ကရင်ပြည်နယ်မှာ သွားရောက် ရိုက်ကူးထားတဲ့ ကရင်ပြည်နယ် အကြောင်းတွေ ဒါမှမဟုတ် ကရင်တွေနဲ့ ဆက်စပ်ပတ်သက်နေတဲ့ ဓလေ့ထုံးတမ်းတွေ စတာတွေ ပါဝင်မယ်ဆိုလို့ ယခုလို လာရောက်အားပေးကြတယ်လို့ပဲ ယူဆခဲ့မိပါတယ်။
ဝေမှိုင်းညို(သို့) ဖိုးကံကောင်း(သို့) ဗိုလ်ကြီးလှဌေးဆိုသူ ဓါတ်ပုံ-ဧရာဝတီ
သို့ပေမယ့်လည်း ကရင်ပြည်နယ်မှာ သွားရောက် ရိုက်ကူးထားခဲ့တယ်ဆိုပေမယ့်လည်း ကျနော်တို့တွေ ထင်ထားခဲ့သလို မဟုတ်တာကတော့ ရုပ်ရှင်ကားကြီးတော့ စတာနဲ့ကိုပင် သိလာခဲ့ရပါတယ်။ ကေအဲန်ယူ အဖွဲ့က ကရင့်နှစ်သစ်ကူးပွဲက ဒုံးယိမ်းအက ကနေသူ ကရင်ပြည်သူတွေကို လက်နက်ကြီးတွေနဲ့ အကြမ်းဖက် ပစ်ခတ်တိုက်ခိုက်တယ်ဆိုတာနဲ့ စလာတာကြောင့် အစိုးရရဲ့ ပေါ်လစီ ဇတ်ကားမှန်း သိလာခဲ့ရပါတယ်။ကရင်ပြည်သူတွေကို ကရင်အဖွဲ့တခုက ယခုလို ရက်ရက်စက်စက် ပြန်လည် သတ်ဖြတ်ပါတယ် ဆိုတဲ့ လုပ်ကြံ ၀ါဒဖြန့် ဇတ်လမ်းကို ကြည့်ရတဲ့ ကျနော့လို ကရင်ပြည်နယ်သား တယောက်အနေနဲ့က အလွန်ပဲ ဒေါသထွက်မိပါတယ်။ ကရင်ပြည်သူတွေကို ဘယ်သူတွေက ရက်ရက်စက်စက် သတ်ဖြတ်အနိုင်ကျင့်သလဲဆိုတာ ကျနော်တို့တွေ အသိဆုံးဖြစ်သလို ယခုလို သူခိုးက လူပြန်ဟစ်ထားတဲ့ လုပ်ကြံ ဇတ်ကားကို ကြည့်ရတော့ ဒေါသတွေ ထွက်ခဲ့ရတာတော့ အမှန်ပါပဲ။
ဒါနဲ့ ဇတ်ကားကိုတော့ အဆုံးထိ အောက်အီးပြီး ကြည့်လိုက်တော့လည်း ၀တ္တု၊ ဇတ်ညွန်းရေးသူ၊ ဒါရိုက်တာ ဆိုသူတွေရဲ့ နာမည်ကိုတော့ ကောင်းကောင်း သိလိုက်ရပါတယ်။ ၀တ္တု၊ ဇတ်ညွန်းကို ဖိုးကံကောင်းက ရေးပြီး ဒါရိုက်တာကတော့ ဝေမှိုင်းညိုလို့ ကောင်းကောင်း သိလိုက်ရပါတယ်။ ကရင်တော်လှန်ရေးထဲက အထက်အောက် မညီမျှမှု ဘာသာရေး တန်းတူ မရှိမှုနဲ့ ကရင့်တော်လှန်ရေးကို အကြမ်းဖက် အဖွဲ့ တဖွဲ့လို အဲဒီဇတ်ကားထဲမှာ လုပ်ကြံ ရိုက်ကူးထားခဲ့ပါတယ်။
ကရင်ပြည်နယ် ပြန်ရောက်တဲ့ အချိန်မှာ အဲဒီဇတ်ကား လာရောက် ရိုက်ကူးခဲ့တာနဲ့ ပတ်သက်ပြီး ကြားရတာ တချို့ ရှိခဲ့ပါတယ်။ အဲဒီဇတ်ကားကို ကရင်ပြည်နယ်က ဇွဲကပင် တောင်ခြေ၊ နောင်လုံတောင်ကြား၊ မြိုင်ကြီးငူနဲ့ သူးမွဲထဆိုတဲ့ မြစ်ဆုံ ဒေသအထိပင် သွားရောက် ရိုက်ကူးခဲ့ပြီး မြိုင်ကြီးငူ ဆရာတော် ဦးသုဇနကိုယ်တိုင် လိုက်လံ ပို့ဆောင် ကူညီပေးခဲ့တယ်လို့ သိရှိခဲ့ရပါတယ်။ နောက်ပြီး အဲဒီ ဇတ်ကား ရိုက်ကူးသူနဲ့ ဒါရိုက်တာ ဆိုသူတို့ဟာ မြန်မာ ထောက်လှမ်းရေးတွေ ဖြစ်တယ်ဆိုတာကိုလည်း သိလာခဲ့ရပါတယ်။
ဗိုလ်ချုပ်ထင်မောင် သားမက် ဗိုလ်လယ်မူး(အလယ်)နှင့် ဝေမှိုင်းညို( ညာဘက် အရပ်ဝတ်ဖြင့်)ကို ဗိုလ်ချုပ်ထင်မောင်ကို စည်းရုံးဖဲထုတ်မှုအပြီး တွေ့ရစဉ်။ ဓါတ်ပုံ-KNU/KNLA PC
ထူးခြားတာတခုကတော့ ၀တ္တုရေးသူ ဖိုးကံကောင်းဆိုသူနဲ့ ဒါရိုက်တာ ဆိုသူ ဝေမှိုင်းညို ဆိုသူတို့ဟာ တဦးထဲ ဖြစ်နေတာကို သိရပါတယ်။ သူဇတ်ကား ရိုက်ရတဲ့ ရည်ရွယ်ချက်ကတော့ ကရင့်တော်လှန်ရေးကို အကြမ်းဖက်အဖွဲ့ ဖြစ်အောင် ၀ါဒဖြန့် လုပ်ကြံ ရိုက်ကူးထားပြီး ကရင့်တော်လှန်ရေးကို ကရင်ပြည်သူတွေ အယုံအကြည်မရှိအောင် ဖန်တီးတဲ့ လုပ်ဆောင်ချက်ကြီး တခုဖြစ်ပါတယ်။ ဝေမှိုင်းညိုဟာ ကရင်တော်လှန်ရေးနဲ့ ကရင်ပြည်သူတွေကို ရုပ်ရှင် ဇတ်ကားတွေနဲ့ သွေးခွဲ လုပ်ဆောင်တာ တခုထဲ မဟုတ်ပါဘူး။ လက်တွေ့မှာလည်း ကိုယ်တိုင်ကိုယ်ကျ လုပ်ဆောင်ခဲ့တာကို တွေ့ခဲ့ရပါတယ်။ဗိုလ်ခင်ညွန့် အဖြုတ်ခံရအပြီး ဗိုလ်ချုပ်မြနဲ့ ဗိုလ်ခင်ညွန့်တို့ရဲ့ ငြိမ်းချမ်းရေးတွေဟာလည်း အလိုလိုနဲ့ ပျက်ပြယ် သွားခဲ့ပါတယ်။ ဗိုလ်ခင်ညွန့်နဲ့ ထောက်လှမ်းရေး အဖွဲ့ဝင် တော်တော်များများ အဖြုတ်ခံရသော်လည်း ဝေမှိုင်းညိုဟာပိုနေမြဲ ကျားနေမြဲ ဖြစ်ပြီး ကရင်တွေ သွေးခွဲနေတဲ့ အလုပ်ကို ဆက်လုပ်မြဲ ဆက်လုပ်နေခဲ့ပါတယ်။ အရင်ဆုံး ဗိုလ်ထင်မောင်ကို ချည်းကပ်ပြီး စည်းရုံးနိုင်ခဲ့သူကို စစ်ဘက်ရေးရာ လုံခြုံရေးအဖွဲ့ (စရဖ)က မြတ်ထွန်းဦးလို့ပဲ လူတွေ တော်တော် များများက သိထားကြပေမယ့် တကယ်လက်တွေ့မှာတော့ ဝေမှိုင်းညို နောက်ကွယ်ကနေ ကြိုးကိုင်လှုပ်ရှားနေတာ ဘယ်သူမှ မသိပါဘူး။
အဲဒီ အချိန်က သူဟာ နယ်စပ်မှာပဲ အခြေချနေထိုင်ပြီး ဒီကေဘီအေက ဗိုလ်ချစ်သူနဲ့လည်း နီးနီးကပ်ကပ် ဆက်ဆံခဲ့တယ်လို့လည်း သိရပါတယ်။ ဝေမှိုင်းညိုဟာ တော်လှန်ရေးထဲက အခြေအနေတွေ တော်တော် များများကို သိရှိထားသူ ဖြစ်ပါတယ်။ သူကိုယ်တိုင် ၈၈ကျောင်းသား တောခိုမှုတွေမှာ တန်ပြန်ထောက်လှမ်းနိုင်ဖို့ တောထဲမှာ နေခဲ့ဖူးပြီး ဒညတမှာ အချိန်အတော်ကြာ လှုပ်ရှားခဲ့ပြီးမှ မြို့ပေါ် ပြန်ရောက်လာခဲ့သူပါ။
မြို့ပေါ် ပြန်ရောက်ပြီး တော်လှန်ရေး အဖွဲ့တွေနဲ့ အတိုက်အခံ အဖွဲ့တွေကို မီဒီယာနဲ့ မဟုတ်မမှန် လှုပ်ကြံ ၀ါဒဖြန့်မှုတွေ ပြုလုပ်သလို တဖက်မှာလည်း တော်လှန်ရေး အဖွဲ့တွေကို ဖဲ့ထုတ်စည်းရုံးမှုတွေ ပြုလုပ်ခဲ့ပါတယ်။ နောက်ပိုင်း သူးမွဲာထ သစ္စာဆိုတဲ့ ဇတ်ကားကြီးကိုပင် ရိုက်ကူးနိုင်ခဲ့ပြီး ကရင်တော်လှန်ရေးကို ၀ါဒဖြန့် သွေးခွဲတဲ့ လက်နက်နဲ့ အကြီးမားဆုံး ထိုးနက်သွားတယ်လို့လည်း ယူဆလို့ ရပါတယ်။ နောက်တခုကတော့ ဗိုလ်ထင်မောင်နဲ့ အပေါင်းအပါ တချို့ကို ဖဲ့ထုတ် စည်းရုံးနိုင်ခဲ့တာဟာ ဝေမှိုင်းညိုအတွက် အလွန်အောင်မြင်တဲ့ ကရင်တွေကို သွေးခွဲနိုင်ခဲ့တဲ့ လုပ်ရပ်ပဲ ဖြစ်ပါတယ်။
ဗိုလ်ထင်မောင်ရဲ့ ထော့ကိုကိုးက ကြိုဆိုပွဲ အခမ်းအနားမှာ ဝေမှိုင်းညိုဟာ ကေအဲန်အယ်လ်အေ စစ်ဝတ်စုံနဲ့ လိုက်ပါ ဆောင်ရွက်နေခဲ့တာကို မှတ်တမ်းတွေမှာတွေ့ခဲ့ရပါတယ်။ အဲဒီ အခမ်အနား မလုပ်ခင် ဗိုလ်ထိန်မောင်ကို ဂါရ၀ပြုဖို့ ရောက်လာတဲ့ ဒီကေဘီအေ ထိပ်ပိုင်း ခေါင်းဆောင်တွေထဲက ဒုစစ်ဦးစီးချုပ် ဗိုလ်ချုပ် ထွန်းလှိုင်က ဗိုလ်ထင်မောင် အနောက်မှာ ရပ်နေပြီး ကေအဲန်ယူ စစ်ယူနီဖောင်းနဲ့ ရထူးတွေပါ တပ်ထားသူ ဝေမှိုင်းညိုဆိုသူကို အဲဒီ ဗိုလ် ကျနော်တခါမှ မတွေ့ခဲ့ဖူးပါလား မေးလိုက်မှ ဗိုလ်ထင်မောင် အပါအ၀င် ဝေမှိုင်းညို ဆိုသူတို့ မျက်စိပျက် မျက်နှာ ပျက်ခဲ့ရတာကို ဗီဒီယို မှတ်တမ်းမှာ တွေ့ခဲ့ရပါတယ်။
ဗိုလ်ချုပ်ထင်မောင်ရဲ့ ကြိုဆိုပွဲမှာ ဓါတ်ပုံရဲ့ ညာဘက်က ကေအဲန်ယူ ယူနီဖောင်းနဲ့ ရပ်နေသူကတော့ ဝေမှိုင်းညိုပါ ဓါတ်ပုံ-KNU/KNLA PC
အဲဒါနဲ့ ဝေမှိုင်းညိုဟာ မကျေနပ်နိုင်သေးပဲ ကရင်တွေကို သွေးခွဲမြဲ သွေးခွဲနေခဲ့ပါတယ်။ သူရဲ့ သွေးထိုးလှုံဆော်မှုတွေကြောင့် ပဒိုမန်းရှာအပါအ၀င် ကရင်တပ်မှူးတွေ တော်တော်များများ လှုပ်ကြံ သတ်ဖြတ်ခံခဲ့ရပါတယ်။ ပဒိုမန်းရှာ လုပ်ကြံမှုမှာ သူကိုယ်တိုင် အဓိက စိစဉ်ခဲ့တယ်လို့လည်း သတင်းတွေ ထွက်ပေါ်ခဲ့ပါတယ်။ အချင်းချင်း မယုံသင်္ကာံ ဖြစ်အောင်နဲ့ အချင်းချင်း ပြန်လည် သတ်ဖြတ်နိုင်အောင် နောက်ကွယ်ကနေ ကြိုးကိုင်လှုပ်ရှားနိုင်ခဲ့ပါတယ်။
သူရဲ့ သွေးထိုး လှုံဆော်မှုတွေကြောင့် အချင်းချင်း ယုံထင်ကြောင်ထင်တွေ ဖြစ်လာပြီး လက်သည်မပေါ်ပဲ သေသွားခဲ့ရတဲ့ ကရင်ခေါင်းဆောင်နဲ့ တပ်မှူးတွေကတော့ အဲဒီအချိန်ကဆိုရင် ပဒိုမန်းရှာ၊ ဗိုလ်လယ်မူး (ဗိုလ်ထင်မောင် သားမက်)၊ ဗိုလ်စံပြုံး( DKBA)၊ KNLA ၁၀၁ကနေ DKBA ဖြစ်သွားသူ ဗိုလ်တာမွေး( လှုပ်ကြံခံရချိန် ရဟန်းဝတ်ဖြင့်)နှင့် ဗိုလ်ကြည်လင်း တို့ ပဲ ဖြစ်ပါတယ်။
ဒါတွေရဲ့ နောက်ကွယ်မှာ ဝေမှိုင်းညိုနဲ့ အပေါင်းအပါတို့လို ယုတ်မာ ရက်စက်တဲ့ လူတွေ ရှိနေတယ်ဆိုတာ လူတိုင်းလိုလို သိချင်မှ သိပါလိမ့်မယ်။ စဉ်းစားချင်မှ စဉ်းစားမိပါလိမ့်မယ်။ လေ့လာချင်မှပဲ လေ့လမိပါလိမ့်မယ်။ အချင်းချင်း လုပ်ကြံမှုပဲ ဖြစ်စေ၊ သူတို့ကိုယ်တိုင် လုပ်ကြံတာပဲ ဖြစ်စေ နောက်ဆုံး ဘယ်သူတွေ နောက်ကွယ်မှာ ရှိနေသလဲ။ ဘယ်သူတွေ လုပ်ဇတ်ခင်းပြီး အချင်းချင်း အညိုးအတေး ကြီးစွာနဲ့ မတည့်ကြအောင် ဖန်တီးလုပ်ဆောင်နေလဲဆိုတာ ကွက်ကွက်ကွင်းကွင်းနဲ့ မြင်တတ် ဖို့ လိုပါတယ်။ အဲဒါကို သိမှသာလျှင် ရန်သူဆိုတာ ဘယ်သူလဲဆိုတာ အစစ်အမှန် သိနိုင်သလို အချင်းချင်း နာကျဉ်း မုန်းတီးမှုတွေဟာလည်း လျှော့နည်းသွားနိုင်တဲ့အပြင် အမျိုးသား စည်းလုံးမှု ပြန်လည် တည်ဆောက်တဲ့အချိန်မှာ သင်ပုန်းခြေနိုင်ဖို့ မိမိသိထားခဲ့သမျှတွေကို မျှဝေ တင်ပြလိုက်ရခြင်းသာ ဖြစ်ပါတယ်။
ဝေမှိုင်းညို ၀ါဒဖြန့် ရိုက်ကူးတဲ့ သူးမွဲထ သစ္စာ ဇတ်ကား ကြည့်ချင်ရင်---
ပထမပိုင်း
http://www.youtube.com/watch?v=aJ218zr7jNo
(ဇတ်သိမ်းပိုင်း)
http://www.youtube.com/watch?v=8AF90_8207s&feature=related
လေးစားစွာဖြင့်
အဲခေါင်သောင့် ဇွန်လ ၂၈ရက်၊ ၂၀၁၂ခုနှစ်
