အမည် - စောထောင်းထော့စူ ၂၃နှစ်ပညာအရည်အချင်း - အထက်တန်းလွန်အဆင့်
နေရပ် - ဖားပြကျေးရွာ၊ ကြာအင်းဆိပ်ကြီးမြို့နယ်
ကျနော်က မောင်နှမ ၄ ယောက်မှာ ဒုတိယမြောက်သားဖြစ်တယ်။ ကြာအင်းဆိပ်ကြီးမြို့နယ် တွဲဖက် အထက ဖားပြကျောင်းကနေ ခလယ်တံခွန်တိုင်၊ တွဲဖက်အထက၊ ပြီးတော့ ကြာအင်းဆိပ်ကြီးမြို့မှာ ဆယ်တန်းအောင်တယ်၊ ဆယ်တန်းမအောင်ခင် ၂၀၀၁ ခုနှစ်က ကေအဲန်ယူ တပ်မဟာ(၆)ရဲ့အထူး တပ်ရင်းမှာ တပ်သားအဖြစ် ၀င်ရောက်ခဲ့တယ်။ အသက်လည်းငယ်သေးတော့ ခေါင်းဆောင်တွေက ပညာဆက်သင်ဖို့ တိုက်တွန်းတယ်၊ ၂၀၀၂ခုနှစ်မှာ အထက်တန်းအောင်ပြီး ထီးနယ်ချီးရွာ မူလတန်း ကျောင်းမှာ တနှစ် ကျောင်းဆရာလုပ်တယ်၊ ပြီးတော့ နို့ဖိုးဒုက္ခသည်စခန်းက ကရင်စီးပွားရေးနဲ့ ဖွံ့ဖြိုး တိုးတက်ရေးသင်တန်းကျောင်း(ကေအီးဒီစီ)မှာ ၂နှစ် ကျောင်းတက်တယ်၊ ကျနော့်ရဲ့ တပ်ရင်းမှာပဲ ပြန်နေတယ်။ အခြေခံစစ်သင်တန်းနဲ့ နိုင်ငံရေးသင်တန်းတွေ တက် တယ်၊ ဗဟိုက ဖွင့်လှစ်တဲ့ ဗိုလ် သင်တန်းကို လာတက်ရင်း သင်တန်းမပြီးခင် လွန်ခဲ့တဲ့ ဇွန်လမှာ ဒီကေဘီအေနဲ့ နအဖတပ်တွေက တပ်မဟာ(၇)ကို လာတိုက်တော့ အဲဒီတိုက်ပွဲမှာ ကျနော်ဒဏ်ရာရခဲ့တယ်။
ဒဏ်ရာမရခင် စစ်ရေးပြအခမ်းအနားတခုတွင် တွေ့မြင်ရသည့် စောထောင်းထော့ဆို (ညာဘက်ထောင့်)ကျနော်က ငယ်ငယ်ကတည်းက စစ်သားလုပ်ချင်တာ၊ ကရင်လူထုတွေအတွက် မားမားမတ်မတ်ရပ်တည် ပေးတဲ့ စစ်သားကောင်း။ စစ်ဗိုလ်တယောက် ဖြစ်ချင်တာ ကျနော့်ရဲ့ ရည်ရွယ်ချက်ပါ၊ နအဖ တပ်တွေက ကျနော်တို့ ရွာသူ ရွာသားတွေကို နှိပ်စက်တာတွေ၊ ပေါ်တာခေါ်တာ ငယ်ငယ်ကတည်းက တွေ့ရမြင်ရ တော့ စိတ်ထဲမှာမကောင်း ဘူး။ ကျနော်ကိုယ်တိုင်လည်း ပေါ်တာထမ်းခဲ့ဖူးတယ်။ ကျနော်တို့လူမျိုးတွေ အဖိနှိပ်ခံရတဲ့ဘ၀က လွတ်မြောက် အောင်လုပ်ဖို့ ဆုံးဖြတ်ပြီး ကရင့်တော်လှန်ရေးထဲကို ၀င်လာတာပါ။ ဒါဟာ ကျနော်တို့ရဲ့တာဝန်ဖြစ်တယ်။ ကျနော် အခု မျက်လုံးတဖက်၊ လက်တဖက် ဆုံးရှူံသွားခဲ့ပေမယ့် လုံးဝ စိတ်ဓာတ်မကျဘူး။ အားလည်းမငယ်ဘူး၊ ပိုလို့ တောင် စိတ်ဓာတ်ပြင်းလာပါတယ်။
ကျနော့်အမျိုးသားအတွက် အများကြီး လုပ်ဆောင်ရဦးမယ်ဆိုတော့ အရင်ကထက် ပိုကြိုးစားသွားမယ်။
ကရင့်တော်လှန်ရေးဟာ နှစ်တွေကြာလာပေမယ့် စစ်မှန်တဲ့ တော်လှန်ရေးလို့ ကျနော်ယုံကြည်တယ်။ ကျနော်တို့ အမျိုးသားရေးအတွက် လက်ဆင့်ကမ်း လုပ်ဆောင်ရမယ့်တာဝန်တွေက ကျနော်တို့လူငယ် တွေရဲ့ လက်ထဲမှာ ရှိတယ်။ အဲဒါကြောင့် ပြည်တွင်းပြည်ပမှာရှိတဲ့ လူငယ်တွေအားလုံး အခုချိန်မှာ မျက်စိ ဖွင့် နားစွင့်ပြီး ကိုယ်လုပ်နိုင် တဲ့ ရှုထောင့်နဲ့ လက်တွဲလုပ်ဆောင်ဖို့ တိုက်တွန်းလိုပါတယ်။ တော်လှန်ရေး အလုပ်ဟာ လက်နက်ကိုင်မှ လုပ်တာ မဟုတ်ပါဘူး။ မီဒီယာဘက်မှာပဲဖြစ်ဖြစ်၊ ပညာရေး၊ ကျန်းမာရေး အပြင် အခြားရှုထောင့်နဲ့လည်း လုပ်နိုင်တာတွေ အများကြီးပါ။ ကျနော်တို့ကရင်တွေဟာ နိုင်ငံရေးနိုးကြားမှုအားနည်းပြီး ယုံကြည်လွယ်တဲ့အတွက် သူများဖြိုခွဲတိုင်း မကွဲသင့်ဘဲ ကွဲသွားတယ်။ ဒီကေဘီအေ၊ ငြိမ်းချမ်းရေးအဖွဲ့တွေကို အပြစ်မဆိုချင်ပေမဲ့ သူတို့ရဲ့လုပ်ရပ်တွေကို ရပ်တန့်သင့်ပြီ။ မကြာခင်မှာ နအဖ စစ်အစိုးရ တပ်တံဆိပ်၊ ကျွေးတဲ့လစာနဲ့စားပြီး ခိုင်းတိုင်းလိုက်လုပ်ရဖို့ သူတို့ တပ်အသွင်ပြောင်းရတော့ မယ်။ သူတို့လုပ်ခဲ့သမျှ လူထုတွေ ဘာမှမခံစားရတဲ့အပြင် ပိုပြီးဒုက္ခရောက်တယ်။ ဒါကြောင့် အခြေအနေ အရပ်ရပ်ကို သုံးသပ်ပြီး လက်နက်ပြောင်း ပြန်လှည့်ဖို့ အချိန်တန်ပြီလို့ပြောချင်တယ်။
