ကရင်အမျိုးသားအစည်းအရုံး (KNU) ဥက္ကဋ္ဌရာထူးမှ အနားယူမည့် ဗိုလ်ချုပ်ကြီး စောတာမလာဘော (ဓာတ်ပုံ – SKH)
ကရင်ပြည်နယ် လှိုင်းဘွဲ့မြို့နယ် လေးဝါးစခန်းတွင် ယမန်နေ့က စတင်ကျင်းပသော ၁၅ ကြိမ်မြောက် KNU ညီလာခံဖွင့်ပွဲ၌ မိန့်ခွန်းပြောကြားရာတွင် အသက် ၉၃ နှစ်အရွယ် ဗိုလ်ချုပ်ကြီး စောတာမလာဘော ကိုယ်တိုင် ယင်းသို့ ပြောဆိုခဲ့ခြင်း ဖြစ်သည်။
ဗိုလ်ချုပ်ကြီး စောတာမလာဘောက “ကျနော်ကတော့ အနားယူတော့မယ်။ ရွေးကောက်ပွဲမှာ လူမှန်နေရာမှန်ဖြစ်မယ့် ခေါင်းဆောင်တွေကို ရွေးချယ်ကြဖို့ အရေးကြီးပါတယ်” ဟု ညီလာခံတက်ရောက်လာသူ ကိုယ်စားလှယ်များကို ပြောကြားသည်။
ဗိုလ်ချုပ်ကြီး စောတာမလာဘောကို ၂၀၀၈ ခုနှစ်က ကျင်းပသော KNU ၏ ၁၄ ကြိမ်မြောက်ညီလာခံက ဥက္ကဋ္ဌအဖြစ် ရွေးချယ်ခဲ့ခြင်းဖြစ်သည်။ ယခုအခါ ကျန်းမာရေးနှင့် အသက်အရွယ်အရ အနားယူသင့်ကြောင်း ညီလာခံမတိုင်မီ ကရင်လူမှုအဖွဲ့အချို့၏ ပြောဆိုမှုများလည်း ရှိခဲ့သည်။
KNU တွင် ဗိုလ်ချုပ်ကြီး စောတာမလာဘော အပါအဝင် သားသမီးများကိုယ်တိုင် တော်လှန်ရေးကာလ၌ တာဝန်ထမ်းဆောင်ခဲ့ကြသည်။
သို့သော်လည်း KNU ၏ ခေါင်းဆောင်မှုပိုင်းတွင် သမီးဖြစ်သူ နော်စီဖိုးရာစိန်မှာ အထွေထွေ အတွင်းရေးမှူး၊ သားကြီး ဗိုလ်မှူးချုပ် စောမဲအေစိန်မှာ စစ်ဆင်ရေးမှူးချုပ် G-1, သားလတ် ဗိုလ်မှူးချုပ် စောပိလမှာ စစ်ရေးချုပ်တို့ ဖြစ်နေခြင်းကြောင့် အဖွဲ့အစည်းအတွင်း မိသားစု ကြီးစိုးမှုရှိကြောင်း ဝေဖန်ပြောဆိုမှုများလည်း ရှိသည်။
ဗိုလ်ချုပ်ကြီး စောတာမလာဘောသည် ယခင်က ကရင်အမျိုးသား လွတ်မြောက်ရေး တပ်မတော် (KNLA) ၏ စစ်ဦးစီးချုပ်ဟောင်းဖြစ်ပြီး ကွယ်လွန်သွားသည့် ဗိုလ်ချုပ်ကြီး စောဘိုမြနှင့် ရင်းနှီးသော လုပ်ဖော်ကိုင်ဖက် တဦးလည်းဖြစ်သည်။
စက်တင်ဘာလ နှောင်းပိုင်းက ဘားအံမြို့၌ စစ်ဦးစီးချုပ် ဗိုလ်ချုပ်ကြီး မူတူးဆေးဖိုး ကိုယ်တိုင်ဖွင့်လှစ်ပေးခဲ့သော KNLA ဆက်ဆံရေးရုံးကိစ္စအား KNU ဗဟိုမှ မသိရှိကြောင်း ထုတ်ပြန်ကြေညာခဲ့ပြီးနောက် ခေါင်းဆောင်များအကြား သဘောထား ကွဲလွဲမှုများ ဖြစ်ခဲ့သေးသည်။
ယခုကျင်းပလျက်ရှိသော ၁၅ ကြိမ်မြောက် ညီလာခံအပြီးတွင် KNU ၏ ခေါင်းဆောင်အသစ်များကို တွေ့မြင်ရမည် ဖြစ်ကြောင်း၊ သို့သော်လည်း အဖွဲ့အစည်းအတွင်း စိတ်ဝမ်းကွဲမှုများ ရှိမည်မဟုတ်ကြောင်း ယခုလ ၂၀ ရက်နေ့က ပြီးဆုံးခဲ့သော စတုတ္ထအကြိမ်မြောက် KNU ဗဟိုအမြဲတမ်း ကော်မတီ အစည်းအဝေးအပြီးတွင် ခေါင်းဆောင်များက ပြောသည်။
KNU ညီလာခံကို ယမန်နေ့မှ စတင်ကာ နှစ်ပတ်ကြာ ကျင်းပမည်ဖြစ်ကြောင်း သိရပြီး အဖွဲ့ခေါင်းဆောင် သစ်များကို နောက်ဆုံးနေ့တွင် ရွေးချယ်ရန် ပြင်ဆင်ထားကြောင်း သိရသည်။
